حرب القبائل ينتهي بالثأر..

بارت 61.

"  بارت 61..؟ ".

"المدح ما يرفع ردي والمال ما يغني بخيل
‏والجود ماله شغل في كثر الفلوس وقلها".
'

خافت وصارت تطق الباب بقوة وتصارخ:
صـــــــــــقـــــــــر صـــــــــــقـــــــر افتح الباب..!
غـــــــــــــســــــــق وش فيككككِ..؟!!

غسق صارت تصيح و تستنجد بـ منى.
منى جن جنونها و راحت لأمها..

: يـــــــــــــــــمــــــــه الحقي على صقر..!!!
أم صقر فزت بخوف: وش فيه ولدي..!؟؟؟
منى تتنفس بقوة: قاعد يطق غسق
يمه الحقي عليها البنت بتموتتت...!!
أم صقر راحت له و هي تركض: يمه
يمه، بنت الناس...!

أخوان صقر و عيال عمه سمعوا
الأصوات وكلهم صعدوا يشفون السالفة..

عند صقر وهو شاد شعرها وعيونه شرار:
الله ياخذني أنـــــــــــــــــــــا هاااه أأنااااا....!
غسق تبكي بمرارة: صقر....  صقر..
ولدي... يا صقر..
وصرخت بأعلى صوت: ولـــــــــــــــــدي...!

سمع صوت طق الباب و أصوات
أمه و منى و الشباب يصرخون عليه يفتح الباب ولا بيكسرونه..

ناظرها بتشتت: انقلعي الله ياخذك
أنتِ، و زود عليها أنتِ طالق..!!!!

غسق صعقت من الكلمة و أغمي
عليها من الصدمة و الوجع..!
تركها جثة هامدة بين يدينه و فتح
الباب بتشتت..
أم صقر ناظرته بخوف: صقر بنت الناس..!!
صقر بنظرات مشتتة تايهة: داخل..!

منى ناظرته وعيونها مليانة دموع..
دخلت أم صقر انفجعت أول ما شافتها مرمية في الأرض مغمي عليها..
صرخت في صقر يحي يشيلها بس
لا حياة لمن تنادي ما يسمعها..
منى كانت تبكي بصدمة و ترجف:
صـــــــقر أنت وش سويت غسق وش فيها..؟!!!!
صقر يناظرهم ببرود..
منى قربت منه بانفعال وعطته كف بأقوى ما عندها..!
منى بصياح: أنتَ مجرم...!!!

؛ أم صقر صرخت في منى تجي تساعدها، يلبسون غسق العباية
عشان يسعفها واحد من الشباب الي برا..! 
أسعفوها و صقر وقف في مكانه
متنح ما بانت عليه ولا أي ردة
فعل، مجرد من التعابيرر..!

في المستشفى.

تشبثت بيد منى: لا تخليني لحالي..!
منى ناظرتها بحزن: معاك ما بخليك.
غسق مسكت بطنها بدموع:
الحمدلله الي ما صار لك شي يمه..

منى ناظرت بطن غسق و في نفسها
تحمد ربها أن البيبي ما نزل لأنها
بتصير مشاكل كبيرة بين القبيلتين.!

أم غسق جت لهم بوقار: السلام عليكم.
أم صقر بفشلة و وجهها بالأرض: وعليكم السلام، هلا والله بأم سعد..
أم سعد سلمت على أم صقر و
منى و توجهت لبنتها: غسق يا أمي
يوجعتس شي..؟
غسق بكت بحضن أمها: يمه بموت
من الوجع يمه مابي أقعد دقيقة عنده..!
أم سعد ناظرت أم صقر بلوم: هذي
أخره الي يعطي الأمانة ي أم صقر..!؟
أم صقر بخجل: والله يا أم سعد مالنا وجه عندتس ولا عند غسق مير مدري وش صاب الولد مدري وش جاه، فشلنا معاكم الله يفشله..!!
أم سعد ناظرت ببنتها: تبين تشتكين عليه يمه...؟
أم صقر فتحت عيونها ع الاخير
و ناظرت غسق بخوف و رجاء..
منى تمنت غسق تشتكي عشان
يتأدب مرة ثانية لا يمد يده عليها..
بس خابت تمنياتها لما نطقت
غسق: بشتكي عليه عند ربي وربه..!
أم سعد مسحت على شعرها بحنان: كيف الجنين يمه..؟
غسق بضيق: الحمدلله بخير..
أم سعد ناظرت أم صقر: أسمعي
ي أم صقر و وصلي الكلام لولدك،
بنتنا مهي برادة له و ورقتها توصلها
لـلبيت ولا نبي منه شي ينقلع و يفكنا..!
أم صقر: ي أم سعد أخبرك عاقلة
وش فيتس، هم عاقلين و بينهم ولد بالطريق.
الله يهديك ذي المواضيع ما ينحكى
فيها هنا..
أم سعد: ذي المواضيع بها رجال
ي أم صقر بها قبايل يتحاربون..!!
أم صقر نزلت راسها بخجل..

أم سعد، ساعدت غسق تلبس العباية
و خرجوا من المستشفى بكبره..!

في بيت صقر..

أم صقر  بعصبية: الله يفشلك فشلتنا بين العرب، بغيت تقتل
البنت يا مجرم....!!!
صقر بتوتر: يعني كيف الحين..!؟
أم صقر قعدت بعصبية: وش الي كيف..!؟
صقر بانفعال و توتر: هالحين غسق
ما بترجع..!؟
أم صقر ناظرته بصدمة: الله لا يوفقك تبيها ترجع بعد سواد وجهك أنت تدري أمها وش تقول..!
تقول الموضوع فيه قبايل و حروب
باين عليهم يبون الطلاق حتى أمها
تقول الورقة توصل لـ البيت..
احمد ربك أنها ما رفعت عليك
قضية...!
صقر ناظر أمه بقلق: يعني ما بشوفها مرة ثانية...؟!

أم صقر ارتابت منه وقامت تقيس
حرارته: ي ولد صايبك شي، فيك بلا..؟!
أم صقر بعصبية: الحرمة حتى
ما خلتني لين اروح أو اطلع وتقول
لها إذا تبي تشتكي ولا لاا..!
منى طول الوقت قاعدة بصدمة:
ليتها اشتكت عليك بس..!
صقر ناظرها بعصبية:
أنتِ اصص انقلعي برا...!!!
منى ناظرته بدموع و طلعت..!