حرب القبائل ينتهي بالثأر..

بارت 94.

بارت94..♕

غداً في تمام الساعة الثالثة عصراً.

كلهم متواجدين بخط واحد متجهين ع البر.
بعد ساعات قليلة وصلوا الى وجهتهم.
سُهيل: سلهام دقي ع الهُتون علميها إنّا وصلنا..
سلهام: أبشر.
سُهيل نزل و ساعد أمه: يلا أنزلوا بنخيم هنا..
سلطانة و سلهام نزلوا و نزلوا أغراضهم البسيطة.
سُهيل نزل الأشياء الثقيلة و صار يضبط الخيام، و بعد دقايق وصل صقر و ساعده و صاروا يجهزون.
بعدها بدقايق وصل سالم و اكتمل العدد، صار الكل متواجد بالبر و نصبوا الخيام و جهزوا المكان ع أحسن ما يكون.
خيمتين كبار وحدة للحريم و وحدة للرجال.

عند الرجال:

قعدوا بعد ما خلصوا تخييم..
سُهيل وقف بعد ما حطوا القهوة العربية ع الجمر و صار يصب لهم
عطى ابو سالم أولاً: سم ي عمي..
أبو سالم: سم الله عدوك..
سُهيل توجهه لأبو صقر و لسالم من بعده وصب له وبعدها صب لصقر و آخر شي غسان: سم..
غسان بابتسامة: أول مرة تحسسني أني خالك هههه.
سُهيل ابتسم بهدوء: بهون وأقعد وتصير تصب لنفسك..!
غسان ضحك وأخذها منه: سم الله عدوك.
سُهيل صار واقف "بالدلة" ينتظرهم.
أبو سالم: أقعد يولدي ما به غريب الي يبي بيعلمك تصب له..
سُهيل ترك الدلة ع النار مرة ثانية وقعد.. «عشان قهوته ما تبرد»
أبو صقر ناظر صقر و غسان: سُهيل مهوب أصغرنا يوم أنه يضيفنا، المفروض أنتم تقومون.
صقر انحرج و ضحك: كنت أبا أقوم بس سبقني أبو العز..
سُهيل ضحك و ربت على رجله: سباقين ع الخير وأنا أخوك..
صقر ابتسم...
غسان بهمس ضاحك لسُهيل: والله أنا ما كنت ناوي أقوم..
سُهيل ناظره: المرة الثانية أن شاء الله..
أبو صقر ناظر غسان الي يمون عليه: أيييه نشوفك المره الثانية..
غسان حك حاجبه و ضحك..
سُهيل ابتسم ع أحراجه و ناظر سالم وهو مقعد بنته جنبه: ليان تعالي ي عمو..
ليان ناظرت أبوها الي ابتسم وعطاها الموافقة تروح: روحي ي بابا.
ليان راحت له بخجل..
و سُهيل استقبلها بحضن، فتح يدينه وهي ركضت لحضنه..
الكل ضحك ع هالحركة العفوية.
و سُهيل ابتسم و باسها بحنان: كيف حالتس ي بطلة..؟
ليان وهي حاطة يدها ع شفايفها ببراءة: بخير..
سُهيل ابتسم ع برائتها و قعدها جنبه: تبين حلاوة ولا فلوس..؟
ليان ناظرته بدون ما تناظر أبوها: مابي شي.
سُهيل رفع حاجبه بابتسامة: إلا، لازم تاخذين شي، أختاري..؟
ليان قلبت عيونها ببراءة الأطفال: شكراً عندي كل شي..
سُهيل ضحك و كلهم ضحكوا معاها: وش عندتس علميني..؟
ليان صارت تحسب له بيدها: عندي حلاااوه كثيير و عندي الألعاب كذا -وتأشر بيدينها الثنتين-
و أبوي يعطيني فلوس كذا -و أشرت على أصابعها الثلاث-.
سُهيل و كل القاعدين ضحكوا حتى أبوها يضحك منصدم منها، وكلهم سمو عليها بالرحمن..
سُهيل حضنها من كتفها بشويش: طيب أنا أبي أعطيك، عيب ترديني..!
ليان ناظرت أبوها ببراءة ولفت لسُهيل: أنت تعطيني و أنا أعطيك..
سُهيل ضحك: وش بتعطيني..؟
ليات تفكر ببراءة وتسوي حركات بيدها: أننن وش أنت تبي..؟
سُهيل بتفكير: أممم مدري أنا عندي كل شي..
ليان عقدت حواجبها وراتاحت معه بالكلام وصارت تسوي حركات بيدها و معالم وجهها تتغير: وش عندك؟
سُهيل ضحك وصار يسوي زيها  ويعد ع أصابعه: عندي فلوس كثير و عندي سيارات و عندي العاب
كثير و عندي حلااوة كثير و..
قاطعه غسان بضحك: عنده هذول نونوا -وأشر ع أصبعين- بس أنتِ ماعندك -وضحك بمزح- ي حرام عنده أثنين نونو و أنتِ لا مسكينة ليان..!
سالم ناظر تعابير وجهها وضحك: حدكم عاد كل شي ولا تزعلون بنتي..!
ليان عبست ملامحها الطفولية: ليه عندكم هذول -وأشرت باصبعها ع اثنين-
سُهيل بابتسامة: من الله..
غسان أخذها طقطقة: أسمعي خلي
أمك و أبوك يجيبون هذول -وأشر ع ثلاثه- و أقهري سُهيل..
ليان سكتت بحزن طفولي..
سُهيل أبتسم ع تعابير وجهها: لا تزعلي طيب..؟
ليان ناظرته وهزت راسها: مو زعلانة، أنا أصلاً كبيرة ما أزعل..!
سُهيل ناظرها وده يأكلها: ما شاء الله، الله يحفظك من كل عين -ناظر سالم و مسح على شعرها- الله يبارك لك فيها ويجعلها من الصالحات و يحفظها لك..
سالم أبتسم: اللهم أمين، ما تقصر..
غسان ناظرها بضحك: أركضي أركضي علمي أمتس و اسأليها، أنتِ ليه ماعندك مثل سُهيل..
ليان ببراءة نزلت من الكنبة و راحت تركض..
غسان ناظر سالم وضحك..
سُهيل ضحك بهدوء: الله المستعان ي غسان حرام عليك..
غسان بضحك: والله أمزح ما قصدي شي..
سالم ابتسم بحزن: لا عادي ي رجال.
صقر ابتسم: الله يحفظها لك ي سالم.
سالم: اللهم أمين..
أبو صقر و أبو سالم صاروا يسولفون
لحالهم و الشباب مع بعض.
عند الحريم المجلس يضج بالكلام و الضحك و السؤال عن الحال و الأخبار.
صيتة بوسط المجلس: يا زينة زيناه يوم نجتمع و نخيم و نعين من الله خير و نشم لنا هواء.
أم سالم: أي والله وأنا أختس زين سوينا.
أم صقر: أي والله من مبطي بعد ما كشتنا لا مع ناس ولا لوحدنا، الدوامات والالتزامات ما عاد تخلي أحدٍ بحاله يالله يالله تلحق على يومك لا يضيع.
صيتة: أي والله وأنا أختس صادژة.