حرب القبائل ينتهي بالثأر..

بارت35.

بارت 35♡
'

"من يمسي في طَرف وجهتس قضى يومه سعيد
‏كيف عاد اللي مقابِل وجهتس المملوحَ يومياً "

                                                  _

غزل نزلت للصالة و شافت سلطانة قاعدة على الكنبة وشكلها شاردة تفكر...
قعدت جنبها بهدوء ومسكتها من يدها بلطف: سلطانة..
سلطانة لفت لها: لبيه..
غزل بابتسامة: لبيتي بمكة، اسمعي عندنا عزومة الخميس إش رايك أسوي لك المكياج أنا..؟
دخلت صيتة الصالة على سؤال سلطانة...
سلطانة باستغراب: عزومة، ليش..؟
صيتة بسعادة: بمناسبة رجعة سُيهل، وكل الديرة بيجون.
صيتة قعدت بهدوء قبل ما تسأل سلطانة أي شي، ومسكت يدها الثانية بحب: سلطانة، يا بعد حيّ، لا تستغربي كيف أو ليه، أدري شي ما يدخل العقل لكن الظروف والوقت وأنا أمتس والوقت ما كان لصالحتس، أنا ما أعرف القصة كلها، لكن أعرف أن سُيهل رجلتس على  سنة الله و رسوله من أول ما جيتي هنا، الصراحة أنا انصدمت بالخبر مثلتس الحين بس أبداً ما أعتبرتس حرمة ولدي، لا أبداً أنا أعتبرتس وحدة من بناتي و قد قلت لتس، والله على ما أقول شهيد، أنتِ حسبة بناتي و أكثر، أدري أنها صدمة عليتس، مير أنتِ لتس كامل الحق تعملين عرس و تطلبين المهر إلي يناسبتس، كأنتس بغيتي ولدي، و إن ما بغيتيه ما رح بفضله عليتس لا، بفضلتس عليه هو الطالع و أنتِ الداخلة..

سلطانة كانت منصدمة..

؛ تعرفون شعور إلي أنا والله مو مستوعبة و أحس نفسي بطيء بالفهم هذا شعور بطلتنا صدق..

؛ غزل كانت تسمع كلام أمها و منصدمة يعني أمها كانت تعرف كل شي ولا قد تكلمت بالموضوع...

سلطانة بعد تفكير: كل الديرة بتجي..؟
صيتة باستغراب من السؤال: أيه..!
سلطانة وهي تفرك يدينها: و بأي صفة بتقدموني لهم أو أنا وش..؟!
صيتة: زوجة سُيهل و تاج روسهم..
سلطانة رفعت عيونها لها بتحدي: أجل عندي شروط على الزواج، أغديه من. حقي...!
صيتة باستغراب: من حقتس أكيد..
سلطانة بتعجيز: أجل أبي مهر مثل العرف و التقاليد مليون ريال، و عرس تشهد له الديرة و تحكي به لعشر سنين قدام..
صوت من خلفها: والله أنك نلتي مابغيتي..
لفت على صوت سُيهل الواقف خلفها و انصدمت به قاعد على
الدرج..
؛ شكله توه متروش شعره مبلول
وعليه بجامة وشكله هيبة..

نزل من الدرج: تم يا بنت الأجواد
جاك ما  طلبتي، حق علىِّ أن أسوي لتس عرس لا صار ولا أستوا
و العرس الخميس، و مهرك يوصلك الليلة لحسابك، بخاطرك شي ثاني قوليه غالية و الطلب رخيص..؟!
سلطانة ما تدري وين تودي وجهها من الفشلة بس قالت بثبات: ما تقصر، بس نكتب الكتاب من جديد، لأن الأولي مشكوك فيه..
سُيهل بابتسامة ويأشر على خشمه: على ذا الخشم..
صيتة بابتسامة لسطانة: حقك يا بعد سبدي.
غزل: العرس الخميس ما نقدر نجهز ما يمدينا ترا...!!!
سُيهل بابتسامة: الخميس يعني الخميس، يمديك تسوين كل شي و أي شي
تبونه تبشروٍ كل شي بجيبه أنتوا جهزو حالكم بس..
سلطانة سحبت نفسها گالعادة..

خلال الأسبوع كان كرف الكرف
كل واحد حاط يده ورجله يشتغل.
؛ و بعد ما كل شي صار تمام التمام
وأحسن من تخطيط شهر كامل
صار كل شي مستعجل بس على أكمل وجه و أحسن صورة
كل شي فوق الخيال بالنسبة للكل
سواء أهل الديرة أو لأهل المعرس..

سُيهل أمر في مخيمات كبيرة بوسط الديرة لعرس الرجال..
ومخيم كبير على عرض و طول حوش بيت صيتة للحريم..
؛مخيم الحريم: مفروش بأحسن السجاد والطاولات و الكوشة بأحسن من ما يكون، أضاءات وزينة وتحف بوفيه مفتوح و كل شيء ممكن يكون في الزواجات..!

نفس الشي في مخيم الرجال..

طبعاً المعازيم في صدمة و ذهول
كل شي صار بسرعة طبعاً الصدمة
تشمل الكل..
منهم سلهام و هُتون إلي ما كانوا يدرون عن شي غير أنو يلا عندنا عرس والمعاريس سلطانة و سُيهل، بدون أي استيعاب أو فهم للموضوع..

حتى عروستنا منصدمة لتخافوا
<حتى أنا مصدومة الله يهديك
يا سُيهل ما خليتنا نستوعب ولا نفكر
هههههههههههههه..

يتيع..(:

                            ♡