حرب القبائل ينتهي بالثأر..

بارت 100 و الأخير.

«بـارت100و الأخـــــيــــــر..»

بعد العمليه بشهرين..

ملكه منى و غسان..

بيت أم صقر..
كان الكل متواجد بدون أستثناء..
سلطانة كانت قاعدة و بحضنها ترف
و ليث و غيث نايم بحضن أمها..
سلطانة بابتسامة:
ماشاء الله منى طالعه قمر..
عبير أبتسمت: أي والله، ماشاءالله عليها..

منى نزلت من فوق على زفة
و الكل يصفق و فرحان لها.
هتون و بطنها قدامها: كللللللللوشش.
فردوس قاعده عند حور:
ماشاء الله عليها تجنننن..
حور أبتسمت: عسى الله يوفقها..
فردوس كانت حاضره الملكه بسبب
عزومه أم صقر لها وأصرارها على جيتها.
جنه قعدت وهي منبهره بشكل
منى: يمه ماشاء الله ماتوقعت تطلع كذا.
جتهم سلهام بفرح: حرمة خالي وش تتوقعون..
جنه ضحكت: خلاص خلاص، الحين
بيصرون حبايب و ينسونا..!
حور تكمل: وأنتِ الصادقة
ما عاد بيعرفونا أصلاً..!
سلهام ضحكت و قعدت وصطهم:
والله أحبكم كلكم شلون أنساكم،
و أصلاً لحظة ترا موبأنا العرووسه
حسستوني يعني هههههههههه!!
جنه و حور ضحكوا وحضنوها مع بعض..
سلهام صرخت: بعدوا الله يقرفكم!
و دفتهم و بعدت عنهم بسرعه: 
شلون تحضوني كذا ي مخبل منتس لها..!
حور بضحك: هيه بنت ترانا بنات ي
غبيه عادي ترا حتى أنا أحضن جنه
و فردوس وش فيها يعني..!
سلهام بقرف: وععع لاا، بلا هبل..!
فردوس ضحكت: هذي شفيها..!
سلهام ضحكت و قعدت بعيد عنهم
: أصلاً الشرهه مو بعليكم
عليّ أنا الي قعدت وصطكم..!
حور و جنه ضحكوا..

و الكل وقف يبارك لـ منى..
كانت الملكه بين الأهل و الأصحاب.
وتم عقد القران و حمدالله..

بعد وقت..

فردوس راحت الحمام (يكرم القارئ)
بس وقفت بخوف وهي تسمع صراخ طفله ..
ركضت للباب و شافت ليان تبي تطلع
و عجاف ساد عليها الطريق: شفيكم؟
عجاف بعصبيه: تبي تروح للرجال..!
فردوس ضحكت و حضنت ليان الي
تبكي تبي تروح لأبوها.
ليان: خاله شوفيه مايبيني
أطلع وساد الطريق عليّ.!
فردوس ضحكت و نزلت مستواها
تمسح دموعها: ليان ي قلبي
في رجال كثير في المجلس..!
ليان ببكاء: أبي بابه!!
فردوس ناظرت عجاف بابتسامة: خلاص
أنت روح مارح أخليها تطلع لا تخاف..
عجاف وهو يعدل شماغه الصغير: أيه أنتبهي.!
فردوس أبتسمت: أنت من ولده؟
عجاف بفخر وهو رافع راسه: ولد صالح آلـ...  
فردوس أبتسمت ومسحت على
خده: وش أسمك ي بطل..؟
عجاف أستحى من حركتها
و بعد يدها بشويش: عجاف..
فردوس عقدت حواجبها
باستغراب: من سماك كذا؟
عجاف: أبوي، و أنتِ من أنتِ
أعرف أم ليان أنتِ مو أمها..!
فردوس عدلت له شماغه: أنا أسمي
فردوس، أصير خاله أبو ليان..
عجاف يناظرها بهدوء وهي تعدل له الشماغ.
فردوس أبتسمت: وين أمك؟
عجاف بلع ريقة: أمي، أمي ماتت.
فردوس أسترخت ملامح وجههاا
من الصدمه: اه، الله يرحمها..
عجاف : أمين.. وطلع..
فردوس مسكت ليان و مشت
معاها لداخل وهي زعلانه على عجاف.
أم سالم قعدت جنبه: شفيتس شارده..؟
فردوس بشرود: لا أبد بس شفت
ولد عند الباب الله يحفظه أسمه
عجاف دخل قلبي ماشاء الله عليه..
أم سالم أبتسمت: هذا الولد متربي
مية مره ماشاء الله عليه ربي يحفظة لأبوه..
فردوس باهتمام: يقول أمه ماتت
وين حرمة أبوه موجوده هنا؟ 
أم سالم: لا أبوه ما تزوج من بعد
موت أم عجاف الله يرحمها..
فردوس عقدت حواجبها باستغراب:
وكيف قدر يربي الولد ماشاء الله لحاله؟
أم سالم: لا بعد أزيدك من الشعر
بيت، مسكين أبو عجاف معاق الله
يستر عليه، و ماشاء الله شايفه
وش كثر ولده محترم و مؤادب
كأن عمره تعدا العشرين وهو توه بزز..
فردوس: ماشاء الله كفو ونعم الأب
الي يربي ولده مثل ذي التربية..