حرب القبائل ينتهي بالثأر..

بارت 67.

«بارت 67..♪»
،

"‏أهم حاجة تعيش و نظرتك عليا
‏لو ترخي السمع نص الناس هرّاجة

‏وإن جاك واحد مسوي فاهم الدنيا
‏حاول تصير انت ما تفهم ولا حاجة".

صقر يشد على أسنانه: ردي ردي..
غسق كانت تناظر رقم صقر إلي
ما كل ولا مل من كثر الاتصالات
بس هي ما ترد عليه من يوم الي صار..
ناظرت الجوال بتفكير: أرد عليه
أشوف شيبي إذا ما عجبني كلامه
أقفل بوجهه وبس..
و ضغطت الزر الاخضر..
صقر بيأس أنها ترد بغى يقفل بس
صدمته بردها على آخر ثانية..
صقر بلهفة: الو غسق..
غسق غمضت عيونها بقوة تحبه تحبه بس الي سواه مو شوي وكرامتها لاااا تسمح لها حتى تكلمه
بس قالت: قول لي الي عندك معاك خمس دقايق..
صقر ضغط على راسه بقوة: لاا
تتعاملين معي بذا الأسلوب..!
غسق بسخرية: أسمعك..؟
صقر قبض على يده بقوة: اسمعي
أنا ابيتس ياليت تبطلين دلع وترجعي..!
غسق قلبت عيونها في الهواء عشان دموعها لا تطيح: غيره..!؟
صقر تنرفز: غســــــــق..!! ترا قسم بالله إن ما رجعتي لعقلتس لـعرتس عليتس..!!
غسق طاحت دمعة يتيمة من عيونها وقفلت الخط ع وجهه..!
صقر ناظر الجوال بصدمة ثم قال:
هين هين يا غــــســــق أنا أوريك
نجوم الليل بعز الظهر، أنا تقفلين
بوجهي ولا بعد مفشلتني قدام
العرب، هين عسابتس عندي..!!
غسق بكت بصمت وهي تناظر
الجوال: الله ياخذك من بتقبل بك
أنا بس إلي قدرت أتحملك ذي
الشهور كلها، يا متخلف أنا بس
إلي أحبككك أنا وبــــــس...!!
وصارت تصيح وتشاهق..

مكان أخر..
: السلام عليكم ورحمة الله وبركاته. 
محمد: وعليكم السلام ورحمة الله وبركاته .
: أنا أم علي الخطابة..
محمد فز من مكانه: سمِّ..؟
أم علي: سم الله عدوك بغيت
أبشرك لقيت لك البنت الي تناسبك..
محمد بابتسامة النصر: منهي بنته..؟
أم علي: الله يرضى عليك أنتَ لو رحت تخطب بنت عمك أبوها بيزوجك..؟
محمد تنفس بعمق: وش قصدتس..؟
أم علي: أبد طال عمرك، القصد
أن البنت يتيمة ما عندها أهل..
محمد عقد حواجبه: كيف يعني يتيمة..؟
أم علي: يتيمة بدار الأيتام، تبي تستر عليها ي هلا و مرحبا ما تبي الله معك..
محمد بشك: ترا أنا ولد حمايل وعرب، ولنا صيت كلمة بين الناس
عسى ما هي بمتزوجة ولا شي منا ولا مناك..!
أم علي: لا أعوذ بالله والله يشهد
علي أني دورت لك ونقيتها من بين
البنات زينة ما شاء الله خلق و
أخلاق ولا قد طلعت من الميتم..!
محمد: كم عمرها..؟
أم علي: أعتقد داخلة بـ 15..
محمد مسك رأسه: صغيرة..
أم علي: لا لا حقك مقاسك يعني
ترا أنت ما تعديت الـ20..!
محمد: زين فارق في العمر بيننا 5 سنوات..!
أم علي: قلت لك تبيها تعال ما تبيها الله معاك..!
محمد: زين زين بفكر و استخير
وبعدها أرد لتس خبر، هي موافقة..؟
أم علي بكذب: أيي أيي موافقة..
محمد بتفكير: خير إن شاء الله..

أم علي قفلت منه و راحت لـالبنت الي عمرها ما تعدى الـ15 سنة.

أم علي: بتوافقين غصب طيب..!!
سماء ببكى: أنا وش سويت لتس حرام عليتس..!!؟
أم علي بقرف: الله ياخذتس مثل
ماخذ أمتس و أبوتس و أفتك
منتس و من شرتس..!!
سماء نزلت لعند رجولها بصياح:
بسوي الي تبين بس لااا تسوي فيّ كذا..!!!
أم علي ركلتها برجلها: أنقلعي عن
وجهي و إن شاء الله يجي ياخذتس ذا البزر، و تنقلعي أنتِ  وياااه..

سماء بكت بألم و صارت تشاهق..

بعيد..

سُهيل: السلام عليكم..
سلطانة: وعليكم السلام و الرحمة..
سُهيل: عادي أقول أني اشتقت لتس..؟
سلطانة ابتسمت بخجل: و أنا بعد اشتقت لك.. 
سُهيل: زين افتحي الباب أنا برا.
سلطانة بصدمة: كـــــذاب..!!؟
سُهيل بضحك: افتحي الشموس قتلتني..
سلطانة قفزت من السرير لـ الشباك
بتشوف و انصدمت بوجوده عند الباب..
سلطانة بصدمة ولا ي ماسكة يدها ع فمها: صُهيب ليه تسوي كـذا..!؟
سُهيل ضحك: أقول افتحي بلا هذرة زايدة..
سلطانة: أصبر أنا بفتح لا تطق..
سُهيل ضحك: زين..
سلطانة صارت تركض و الجوال بأذنها..
سُهيل بخوف: بــــنــــت وش تسوين..!
سلطانة تركض و تتنفس بسرعة..
سُهيل بعصبية: سلطانة لااا تركضين تراس حــــــــــــامل..!