أرويني بدماء جحيمك [Quench me with the blood of your hell]

𝑃𝐴𝑅𝑇❀158

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀158

            ••مجـ ـزرة ساحة روما••              

الإنقلاب العسكري معناه الواضح هو إزاحة الحكومة الحالية برئيسها و تنصيب حكومة اخرى جديدة غالبا ما كاتكون عسكرية و بالتالي النظام كي تحول لنظام عسكري، هادشي تماما لي ناوي عليه قائد اركان الجيش الايطالي، المدبر و المخطط لهاد العملية...

و لي الخطة ديالو مختالفة على جميع العمليات الانقلابية العادية، خطته مبنية على التضحية بالارواح، ارواح عديدة، بريئة و ليس لها ذنب فلي واقع و سبب تضحيته بيهم راجع لمخاوفه من آراء الشعب لي غالبا غادي يكون ضد الانقلاب، و بالتالي خطط لمسرحية محبوكة يبان فيها هو و باقي قادة العسكر كأبطال...

لكن الضحايا ديالو ما كانوش من المدنيين فقط بل حتى من الجنود ديالو و لي هما نفسهم لي هازين الاسلحة و كي تيريو فالناس وسط ديك الساحة لي رجعات ملطخة بالد.ماء، هاد الجنود بالضبط أو بالاحرى البيادق ما كانوش لابسين البدلة لي تبدلات انما البدلة لي لابسين رجال الد.م الاسود و الجنود لي مع الرئيس، و بهاكدا فـ فنظر الشعب ان هاد الاخير و التابعين له هم المجرمين لي كي سفكو د ماء الابرياء...

فديك الساحة، تعالت الصرخات الممزوجة بنبرات خوف و هلع، كل واحد تما فقد شخص كي عزو سواءا كان من عائلته او صديقه، لي نجاو من الهجو م بداو كي تجاراو مخلوعين و هما كي عفطو على جـ ـثث أحبائهم، الا البعض منهم لي ما قدرش على فراق الأحبة...

منهم أم جالسة على ركابيها كاتبكي و تغوت و هي حاطة راس ولدها على حجرها لي كي خرخر و الروح كاتخرج منو، لحظات و كانت فارقات جسده مخلية بكاء الأم يزيد يرتافع اكثر...

فوسط الدبابة الحر بية واقف مجند هاز السلاح كي بلع ريقو و هو كي شوف ديك المجز رة لي قدامو و لي ما كانش متوقعها تكون بهاد الوحشية، شوية كي قفز ملي تحطات على كتفو يد ضخمة و تسمع صوت خشن جاي من أحد قادة هاد الدفعة...

نطق بالايطالية: تيري فيها...

المجند بلل حلقو بريقو و قال بتردد: و لكن ا سيدي...هي شنو ذنبها!؟

قائد الدفعة(بصرامة قال): طول الفترة ديال التدريب و حنا كانعلموكم بلي غايكونو ضحايا سواء منا و لا منهم...(زير على كتفو ناطق بحدة) ما تنساش باش نوصلو لهدفنا لازمنا نضحيو...