(Unicode)
နောက်နေ့မနက်စောစောတွင် ဧကရာဇ်က ညီလာခံကို ရပ်နားလိုက်သည်နှင့် ယန်မျင်ထျင်မှာ စံအိမ်တော်ဆီသို့ မရပ်မနား ပြန်ပြေးလာခဲ့သည်။ ကျောက်ယဲ့လန် မနက်စာစားနေချိန်နှင့် ကြုံကာ သူ့ကို မေးလိုက်၏။ "ဒီနေ့ ညီလာခံက အစောကြီး ပြီးသွားတာလား"
"အင်း၊ ဘာမှထွေထွေထူးထူးဆွေးနွေးစရာမရှိလို့ ရုပ်သိမ်းလိုက်ပြီ" ယန်မျင်ထျင်က မနက်စာကို ခပ်သုတ်သုတ် စားပြီးနောက်တွင် အပြင်သို့ ပြေးထွက်သွားပြန်သည်။
ကျောက်ယဲ့လန်က အရာရှိဝတ်ရုံကို လဲပြီး၍ ဝေါယာဉ်ဘက်သို့ ဖြည်းညင်းစွာ လျှောက်သွားနေသည့်အခိုက်ပင်။ သူ ကန့်လန့်ကာကို ဖွင့်လိုက်သည့်အချိန်တွင် တစ်ခဏမျှ ဗလာသက်သက် စိုက်ကြည့်မိသွားလျက်။ "မင်းက ဘာလို့ ဒီကို ရောက်နေတာလဲ"
"မင်းကို စာပေဌာနဆီ လိုက်ပို့ပေးဖို့ပေါ့" ယန်မျင်ထျင်က ပြုံးလိုက်ကာ တည့်မတ်စွာ ထိုင်ရင်း ဆိုလေသည်။ "ငါလည်း အခု ဘာမှလုပ်စရာမရှိတော့ မင်းရဲ့ ဝေါယာဉ်ကို စီးပြီး ကျုံးအိမ်ကို သွားမလို့လေ"
"မင်းက ဝေါယာဉ်လိုသေးတာလား။ မြင်းစီးတာ ပိုမမြန်ဘူးလား" ကျောက်ယဲ့လန်က သံသယဖြစ်စွာ တက်လာခဲ့၏။ ယန်မျင်ထျင်က သူ ထိုင်ထိုင်လိုက်ချင်း အထမ်းသမားများကို ရပ်တန့်ခိုင်းမည့် အခွင့်ရေးပင် မပေးဘဲ ထွက်ခွာခိုင်းလိုက်သည်။
"ငါက မြင်းစီးလို့ရပေမဲ့ အဒေါ်ကျုံးက ဝေါယာဉ်စီးချင်ရင် ဘယ်လိုလုပ်မလဲ" ယန်မျင်ထျင်က ယုတ္တိရှိသယောင် ပြန်ချေပသည်။
အဒေါ်ကျုံးက ဘာကြောင့် ဝေါယာဉ်စီးချင်မည်နည်း။ မတူကွဲပြားသည့် ဘဝ၏ အရသာကို ခံစားချင်၍လား။
ကျောက်ယဲ့လန်က သူနှင့် ပြိုင်မငြင်းနေတော့ဘဲ အဓိကလိုရင်းကိုသာ ဆိုလိုက်မိသည်။ "မင်း ကျုံးယွဲ့ဟုံရဲ့ အိမ်ကို သွားမှာဆိုတော့ တစ်ခါတည်း သူ့ကို ငါ မှာတာ ပြန်ပြောပေးခဲ့"
"ဘာသတင်းလဲ"
ကျောက်ယဲ့လန်က သူ့နားထဲသို့ စကားလုံးအချို့ တီးတိုးပြောလိုက်၏။
YOU ARE READING
အီဗယ်လ်စတားဂျန်နရယ်
Юморမီယမ်မာထရန်စလေးရှင်း Genre - Comedy, Romance, Yaoi Total Ch - 92 Ch + 13 extra အော်သာ - ကုစန်းယွဲ့
