Unicode
လီရှော့သည် အိမ်ပြန်ရောက်တော့ ဝမ်းရှောင်ဟွေးကိုဖုန်းခေါ်ကာ သူ စန်းယကနေယူလာသည့်သစ်သီးတစ်ဖာကို လက်ထောက်ဖြစ်သူနှင့်ပို့ခိုင်းလိုက်ကြောင်း ဆိုလိုက်သည်။
ဝမ်းရှောင်ဟွေးက စကားအနည်းငယ်ပြောနေရင်းမှ သတိထားကာ မေးလိုက်၏။
"အစ်ကိုကြီးလီ စိတ်အခြေအနေမကောင်းဘူးလား။ အဆင်ပြေရဲ့လား"
"အဆင်ပြေပါတယ် ဘာလို့အဲ့လိုမေးတာလဲကွ"
လီရှော့က ပေါ့ပေါ့ပါးပါးဖြစ်သယောင်ဆောင်ကာ ဆိုလိုက်၏။
"ဪ မဟုတ်ပါဘူး အစ်ကိုကြီးအသံနားထောင်ကြည့်တော့ အားမရှိသလိုဖြစ်နေလို့ ပင်ပန်းလို့လား"
"အမ်း...နည်းနည်းပါ။ သစ်သီးတွေကို လတ်ဆတ်တုန်း စားလိုက်နော်"
"ဟုတ်ကဲ့ပါ ကျေးဇူးနော် အစ်ကိုကြီး...အိုး ဟုတ်သား"
ဝမ်းရှောင်ဟွေးကဆက်ပြောသည်။
"ဟိုဟာ...ရှောက်ချွင်ဆေးရုံဆင်းပြီတဲ့"
လီရှော့က "ဪ"ဟုပင် ခပ်ပေါ့ပေါ့ဆိုလိုက်သည်။ သူရှောက်ချွင်ကို ဂရုမစိုက်တော့ချေ။ ကျောက်ကျင်ရှင်းနှင့် ဆက်စပ်နေသည့် ဤနာမည်ကို ဘယ်တော့မှမကြားရတော့လျှင် ပိုကောင်းသည်။
"သူနဲ့ချန်ရှို့က ပေကျင်းကိုပြောင်းလာကြပြီ။ တစ်လောလေးကပဲ"
"အင်း နောက်ဆို ကိုယ်တို့တွေဆုံကြဖို့ ပိုလွယ်သွားတာပေါ့"
"ဟုတ်တယ် ဟုတ်တယ် ကျွန်တော်တို့ရဲ့ ကျောထောက်နောက်ခံနဲ့ဆိုရင် သေချာပေါက်ကို ရှောက်ချွင်က နောက်ဆို ချန်ရှို့ကို အနိုင်ကျင့်ရဲတော့မှာမဟုတ်ဘူး"
လီရှော့ ပြုံးလိုက်သည်။သို့သော် ဘာမှတော့ ဆက်မပြောမိ။
"စကားမစပ် အစ်ကိုကြီးလီ...ကျွန်တော် ခုတလော သူငယ်ချင်းတစ်ချို့တွေ့ထားတယ်။ မော်ဒယ်တွေရော၊ မင်းသားတွေရော ရှောင်ခိုင်း(လူချမ်းသာလေး)တွေပါ ပါတယ်ဗျ။ အခြေအနေတွေက အရမ်းအဆင်ပြေတယ်။ အစ်ကိုကြီးဘယ်ချိန်အားမလဲ။ တွေ့ဖို့ချိန်းလိုက်ရမလား"
ŞİMDİ OKUDUĞUN
လျင်သူစားစတမ်း(ဘာသာပြန်){WTA}[Completed]
RomantizmBoth Unicode and Zawgyi are available. ခေါင်းစဥ်မှာပါတဲ့ "စား" ဆိုတာ ဟိုလိုစားတာကိုမဆိုလိုပါ။အားကြီးတဲ့လူ၊အောင်နိုင်တဲ့လူ လျှင်တဲ့လူက တစ်ဖက်လူရဲ့အရာရာတိုင်းကိုအပိုင်ရယူသွားတယ်လို့ ဆိုလိုထားခြင်းသာဖြစ်ပါတယ်။ မူရင်းစာရေးသူ : ရွှေချန်းချန် အမျိုးအစား :...
![လျင်သူစားစတမ်း(ဘာသာပြန်){WTA}[Completed]](https://img.wattpad.com/cover/228735036-64-k595811.jpg)