လျင်သူစားစတမ်း(ဘာသာပြန်){WTA}[Completed]

Chapter 75 (Uni+ Zawgyi)

Unicode

အစ်မတစ်ယောက်က uncensor link လာပို့ပေးလို့ တစ်ခါတည်း တင်လိုက်ပါတယ်။

Warning 🔞🔞🔞

Read your own risk

ကျောက်ရုန်ထျန်းသည် အရက်သေစာသောက်စားခြင်းမှာ အမြဲတစေ ထိန်းချုပ်ထားတတ်သူဖြစ်သည်။ တရုတ်နှစ်သစ်ကူးဖြစ်သည့် ယနေ့မှာတော့ သူက ဖန်ခွက်အတော်များများထပ်သောက်လေသည်။ လီရှော့ကတော့ သူ့ဖခင်ကို ဘီယာတစ်ခွက်သာသောက်ခွင့်ပြုလေ၏။

သာမန်နေ့ရက်တွေကလို ဥက္ကဋ္ဌတည်းဟူသော ဂုဏ်ဒြပ်တွေ မရှိပါဘဲ အိမ်ထောင်ဦးစီးနှစ်ယောက်ဟာ တစ်ယောက်နှင့်တစ်ယောက် အစ်ကိုကြီး၊ ညီလေး တွေ ခေါ်ကာ ဟာသတွေနှောလို့နေသည်။တီဗွီမှာတော့ ပွဲလမ်းသဘင်ရှိုးပွဲတို့ ရှိနေပြီး ပြတင်းပေါက်အပြင်ဘက်မှာတော့ မကြာခဏဆိုသလို ပစ်လွှတ်နေသော ခမ်းနားလှပသည့် မီးရှုးမီးပန်းတို့ ရှိနေ၏။

လီရှော့က ဖန်ခွက်အနည်းငယ်ကို အဖော်ပြုသောက်ပေးလိုက်သည်။ သူ၏ လေးလံနေသောစိတ်ကြောင့် တက်တက်ကြွကြွနှင့်ဖော်ဖော်ရွေရွေရှိဖို့ဆိုသည်မှာ မဖြစ်နိုင်ပါပေ။ ထို့ကြောင့်ပင် သူက မူးချင်ယောင်ဆောင်ကာ ဘေးသွား၍ တိတ်တိတ်လေး ချောင်ကပ်နေလိုက်သည်။

ခဏမျှကြာတော့ ကျောက်ကျင်ရှင်းကပါ လိုက်လာသည်။ သူက ရေခဲဆိုဒါတစ်ခွက်ကို သူ့အား ကမ်းပေးလိုက်၏။

"လာ သောက်လိုက်ဦး"

လီရှော့က တစ်ငုံယူသောက်လိုက်တော့ သူ့ခေါင်းထဲမှာ အနည်းငယ်ကြည်လင်သွားသလို ခံစားလိုက်ရသည်။

ကျောက်ကျင်ရှင်းက ခပ်တိုးတိုးဆိုလာသည်။

"တရုတ်နှစ်သစ်ကူးမှာ ခင်ဗျား မပျော်အောင် တစ်ယောက်ယောက်က ရန်စထားတယ်ဆိုရင် ကျွန်တော်တော့ ဒေါသထွက်မိလိမ့်မယ်"

လီရှော့ စိတ်ထဲမှာ တွေးလိုက်မိ၏။ ငါ့ကို မပျော်အောင် ရန်စတဲ့လူရှိမယ်ဆိုရင် မင်းလည်းအပါအဝင်ပဲလေ။

ကျောက်ကျင်ရှင်းကလည်း မူးချင်ယောင်ဆောင်ကာ လီရှော့ပေါ်သို့ ယိမ်းလာရင်းချိုသာစွာ ဆိုလာသည်။