လျင်သူစားစတမ်း(ဘာသာပြန်){WTA}[Completed]

Chapter 67 (Uni+Zawgyi)

Unicode

ကျိုးကျင်ရှင်းသည်လည်း ဖြောင့်မတ်သောလူပင်ဖြစ်သည်။နှုတ်ဖြင့်ညှိနှိုင်းကြပြီးသည့်နောက်မှာ အာမခံစာချုပ်မှာလက်မှတ်ရေးထိုးဖို့ လီရှေ့ကို တောင်းဆိုခြင်းတောင်မပြုခဲ့ပါပေ။လီရှော့က ထိုကိစ္စကိုကိုယ်တိုင်ကိုယ်ကျ အဆိုပြုခဲ့သော်ငြား သူ၏ လက်ကိုင်စကားကတော့ "ခင်ဗျားကိုယုံတယ်" ဟူ၍ဖြစ်ပေသည်။

လီရှော့သည် အလွန်မှ ထိရှခံစားသွားရသည်။သူဟာ ရင်းနှီးခင်မင်မှုကို အလေးထားသောလူမျိုးဖြစ်သည်။ တစ်ခြားသူက သူ့အပေါ်ကောင်းကောင်းဆက်ဆံပေးပါက သူဟာ နှစ်ဆပြန်ပေးဆပ်တတ်ပေသည်။

သူက စဥ်းစားစရာကိစ္စများစွာကြောင့် ရှယ်ယာတွေကိုလွှဲပြောင်းပေးဖို့သာရွေးချယ်လိုက်သည်။ ပထမဦးဆုံးအနေဖြင့် သူဟာ ကျောက်ကျင်ရှင်းနှင့်ကြားမှာ ရှင်းလင်းသောမျဥ်းတစ်ကြောင်းကိုဆွဲလိုသည်။ဒုတိယအချက်အနေဖြင့် ကျိုးကျင်ရှင်းကိုလျော်ကြေးပေးလိုသည်။

တတိယအချက်အနေဖြင့်ကတော့ လပေါင်းများစွာအလုပ်လုပ်ပြီးသည့်နောက်မှာ သူဟာ အင်တာတိန်းမန့်တွေနှင့် လည်ပတ်နေသော ပရောဂျက်တွေမှာပါဝင်ဆောင်ရွက်နေတာမျိုးအစား လုပ်ငန်းဟောင်းနှင့်သာ ပိုသင့်တော်ကြောင်း သိသွား၍ ဖြစ်သည်။

ကြိုတင်ပြင်ဆင်မှုများလုပ်ပြီးသည့်နောက်မှာ သူ့အနေဖြင့် ကုမ္ပဏီတစ်ခုခုမှာ ပြန်လည်ရင်းနှီးမြုပ်နှံချင်မိသည်။အတိုင်းအတာကကြီးမားနေဖို့မလိုပါပေ။ဘဝနှင့်အလုပ် ဆုံချက်ကို ထိန်းသိမ်းထားနိုင်ရုံဖြင့်လုံလောက်ပြီဖြစ်သည်။

ကုမ္ပဏီကိုစီမံခန့်ခွဲဖို့ရာအတွက် တစ်ခြားလူတွေကို လက်လွှဲပေးလိုက်ပြီး သူကတော့အရေးပါသည့်ကိစ္စတွေလောက်ပဲလိုက်ပါကာ မိသားစုကိုအချိန်ပိုပေး၍ ဘဝကိုပျော်ပျော်ရွှင်ရွှင်နေလိုက်တော့မည်။

နောက်တစ်နေ့မှာတော့ သူ့မိဘများဟာ သီးသန့်ဒေသထွက်ကုန်တစ်လှေကြီးနှင့်အတူ ဇာတိမြေကနေပြန်ရောက်လာသည်။လီရှော့ဟာ ငယ်ငယ်ကလေးကတည်းက ရှီးဟူ နားရှိ ကျားလောင်ဆိုင်က ကြာစွယ်ခေါက်ဆွဲကိုစားရတာသဘောကျသူဖြစ်သည်။ယင်းက လက်လုပ်ခေါက်ဆွဲဖြစ်ကာ တစ်နေ့မှ ၃ပေါင် ၄ပေါင်လောက်သာရောင်း၏။ခေါက်ဆွဲလတ်လတ်ဆတ်ဆတ်ကို ဝယ်ကာ သကြားကြမ်းထည့်၍ ချက်ပါက ညက်ညောကာ ချိုမွှေးလေသည်။