Chapter 215: အငြင်းအခုံ
ရှီခွန်းကို ကာကွယ်ပေးနေသူမှာ ရှီလဲ့ဇီ ဖြစ်ကြောင်းကို ဇူအန် လိုက်ရှာနေရန်ပင်မလိုအပ်ပေ။ ရရှိလိုက်သော အမျက်ပွိုင့် ကို ကြည့်၍ ကြိုတင်သိနေသည်။
သင်သည် ရှီလဲ့ဇီ ထံမှ အမျက်ပွိုင့် ၄၄၄ ရရှိလိုက်သည်။
ထိုအချိန်တွင် ဇူအန် အသက်ရှုမဝတော့ဟု ခံစားလိုက်ရသည်။ သူတို့နှစ်ဦး ကြားမှ အဆင့်သည် အလွန်ကြီးမားလှသည်။ အဆင့်ရှစ် ကျင့်ကြံသူတစ်ဦးကို ရင်ဆိုင်ရန်မှာ သူ့လုပ်နိုင်စွမ်းထက် ကျော်နေပြီဖြစ်သည်။
ရှောင်တိမ်းချင်သော်လည်း အခြားသူ၏ ဖိအားအောက်တွင် လက်ချောင်းလေးများကိုပင် မလှုပ်နိုင်ပေ။ ရွေးချယ်စရာမရှိတော့ဘဲ ကမ္ဘာဦးမူလကီကို အလျှင်အမြန် ထုတ်သုံးကာ သူ၏ ခန္ဓာကိုယ်ကို အားဖြည့်ထားလိုက်သည်။ သို့မှသာ ရှီလဲ့ဇီ ၏ တိုက်ခိုက်မှုကို ခံနိုင်ရည်ရှိမည်ဖြစ်သည်။
ထိုအချိန်တွင် အဖြူရောင်လူရိပ်တစ်ခု လှစ်ခနဲ ဖြတ်သွားသည်။
ဇူအန် အကွက်ရွေ့တော့မည်ကို ကြိုတင်နေသော သူတစ်ယောက်ရှိနေလျှင် ထိုသူမှာ ချူချူယန် မှလွဲ၍ အခြားသူမရှိနိုင်တော့ပေ။ သူမအတွက် လက်စားချေရန် ထိုသို့ လုပ်နေသည်ကို သူမ သိနေသည်။
သူမ၏ ကီသွေးကြောများ ပျက်စီးစေရသည်အထိ တွန်းအားပေးခံခဲ့ရသည်။ မှေးမှိန်ကြာပွင့် ကို တိုက်ဆိုင်မှုကြောင့် ရှာတွေ့ကာ သူမ၏ အသက်ကို ထိန်းရုံသာထိန်းထားနိုင်ခဲ့သည်။ အကယ်၍ ကံကောင်းသော အဖြစ်များ မကြုံတွေ့ခဲ့ရပါက ယခုအခါတွင် သူမသည် ဒုက္ခိတ တစ်ယောက်သာ ဖြစ်နေတော့မည်ဖြစ်သည်။
သူမ၏ အသက် ညှိုးနွမ်းနေပြီကို သိနေတောင်မှ ရှီခွန်းသည် သူမအပေါ်ကို တဏှာထားရဲသေးသည်။
အမှန်တွင် အစောက ဇူအန် လှုပ်ရှားမှုမလုပ်ခဲ့ပါက သူမသည် ရှီခွန်းနှင့် စာရင်းရှင်းရန် လုပ်လိမ့်မည်ဖြစ်သည်။ ထို့ကြောင့် သူ ၏ လှုပ်ရှားမှုကို မြင်သောအခါ သူမလည်း ကောင်းစွာ အသင့်ပြင်ထားခဲ့သည်။ ရှီလဲ့ဇီ သည်လည်း အနီးနားတွင်ရှိနေလိမ့်မည်ဟု သူမ သိနေသောကြောင့်ဖြစ်သည်။
