Chapter 356: ငါဘယ်သူလဲ မင်းတို့သိလား
အမှန်တော့ ချင်ဝမ်ယွီ၏ မျက်နှာဖုံးက သူမကိုရုပ်မဆိုးစေပါ။ သမန်ကာလျှံကာ ဖြစ်သွားစေရုံပါ။ သို့သော် သူ့ခန္ဓာကိုယ်ကောက်ကြောင်းကိုကြည့်ပြီး စိတ်ရိုင်းဝင်နေကြလို့ မှန်းချက်နဲ့ နှမ်းထွက် မကိုက်ဖြစ်သွားပြီး အကြီးအကျယ် စိတ်ပျက်သွားကြတာပဲဖြစ်သည်။ ထို့ကြောင့် အလိုလို ရုပ်ဆိုးတယ်လို့ ထင်ကြခြင်းပင်။
မြို့တော်ဝန်ကတော်တစ်ပါးအနေဖြင့် လူတိုင်းက သူမကိုအပြစ်ပြုမိမည်စိုးရိမ်ကာ သူမဘေးတွင် ဂရုစိုက်ကာ တရိုတသေ ဆက်ဆံကြသည်။
သာမန်ယောက်ျားများက သူမအနားကိုပင် ကပ်နိုင်မည်မဟုတ်သလို ဘယ်သူမှ သူ့ကို အချိန်ကြာအောင် မစိုက်ကြည့်ရဲပေ။ ဒီလို အုပ်စုလိုက် အရှက်ခွဲတာ ဘယ်တုန်းက ခံရဖူးလို့လဲ။
အဲ့တာအပြင် သူ့ကို ရုပ်ဆိုးတယ်လို့တောင် ပြောရဲသေးတယ်။ သူဝတ်ထားသော မျက်နှာဖုံးကြောင့်မှန်း သိနေသော်လည်း သည်းခံရန် အလွန်ခက်ခဲလေသည်။
ထိုအချိန်တွင် တစ်ယောက်က ပြောလာသည်။
"သူက ကြည့်ကောင်းတယ်လို့ ငါတော့ထင်တယ်။ အနည်းဆုံး မင်းတို့ပြောသလောက် မဆိုးပါဘူး။ သူ့ဆီက အမျိုးမြတ်အငွေ့အသက်တွေလည်း ရနေတယ်။ မိန်းမတစ်ယောက်မှာ..."
"ဒီလိုချီးထုတ်မျိုးကို ဘယ်လိုလုပ် အမျိုးမြတ်လို့ ခေါ်ရတာလဲ။ မင်းကန်းနေလား"
"မင်းပြောတာမှန်နိုင်တယ်...သူက သူ့ကိုယ်သူ တစ်ခြားမိန်းမတွေနဲ့မတူသလိုပဲ.."
"သွားစမ်းပါ ကိုယ့်လူရာ။ အဲ့ဒီခန္ဓာကိုယ်ရှိတာ ဘယ်သူက သူ့မျက်နှာကို ကြည့်မှာလဲ။ ငါတော့ ကြိုက်ပြီ"
ချင်ဝမ်ယွီ ဒေါသထွက်လွန်း၍ တစ်ကိုယ်လုံးတုန်ရင်နေတာ ဇူအန် မြင်နိုင်သည်။ သူ့စရိုက်အရ အခုချိန်ထိ မပေါက်ကွဲသေးတာ အံ့သြနေသေးသည်။ သူတို့ လာရင်း ပစ်မှတ်ကို လန့်ပြေးမသွားအောင် သူ့ကိုယ်သူ ထိန်းချုပ်နေပုံရသည်။
ဒါပေမဲ့ ဒီကောင်တွေက နည်းနည်းတော့ လွန်လာပြီ။ ဇူအန် ချောင်းဆိုးကာ ချင်ဝမ်ယွီ ရှေ့ ဝင်ရပ်လိုက်သည်။
"ကိုယ့်လူတို့ ဒီကိုမလာခင် ချီးစားခဲ့တာလား။ ဘာလို့ ပါးစပ်တွေက ဒီလောက် ရွံစရာကောင်းနေရတာလဲ"
