ကီးဘုတ်အင်မော်တယ်-ဇူအန်

353

Chapter 353: ဘာကြီးလဲ

“သူတို့တွေက ဆားတွင်းတွေကို လိုချင်တာလား” ဇူအန် မျက်မှောင်ကြုတ်လိုက်သည်။ တစ်စုံတစ်ရာကို အပေါင်ပစ္စည်းအဖြစ်ထားရှိရန် လိုအပ်ခြင်းသည် လုံးဝ သာမန်ဖြစ်သော အရာတစ်ခုဖြစ်သည်။ ချူကလန် ၏ အဖိုးအတန်ဆုံးသောပိုင်ဆိုင်မှုမှာ သူတို့၏ ဆားတွင်းများဖြစ်သည်။

ထို့အပြင် ချူကလန်က ယခုလို ခက်ခဲသောအရေးကိစ္စမျိုးကျရောက်နေချိန်တွင် ဝေကလန် က တော်ဝင်နန်းတော်၏ နောက်ခံနှင့်အတူ ၎င်းကမ်းလှမ်းမှုကို ပြုလုပ်လိုက်ခြင်းဖြစ်သည်။ ထင်ရှားနေသော ဆက်သွယ်ချက်ကို ဆက်စပ်မိရန် မခက်ခဲလှပေ။
ဝေကလန် ကိုယ်တိုင်ကလည်း ထိုအချက်ကို သတိပြုမိ၍ ဤလောက် နိမ့်သော အတိုးနှုန်း ဖြင့် ကမ်းလှမ်းလာခြင်းလည်းဖြစ်နိုင်သည်။ မဟုတ်ပါက ချူကလန် က သူတို့၏ ကမ်းလှမ်းမှုကို ထည့်စဉ်းစားမည်မဟုတ်ပေ။

“သခင်မက ဘယ်လိုလုပ်ဖို့ စဉ်းစားထားလဲ” ဇူအန် မေးလိုက်သည်။

ချင်ဝမ်ယွီ ခေါင်းခါလိုက်သည်။ “ငါလည်း မတွေးရသေးဘူး။ ပြန်ရောက်တော့မှပဲ လူတိုင်းနဲ့ ဒီကိစ္စကို ဆွေးနွေးကြတာပေါ့”
သူမ၏ ကိုက်ခဲနေသော ဦးခေါင်းကို သက်သာလို့သက်သာငြား နားထင်နှစ်ဖက်ကို နှိပ်နယ်လိုက်သည်။ သူမ၏ ယောက်ျား ချုပ်နှောင်ခံရချိန်တွင် ဆက်တိုက်အလုပ်လုပ်နေခဲ့ရပြီး ကောင်းကောင်း အနားမယူရသေးသည်မှာ ထင်ရှားနေသည်။

ဇူအန် က သူမကို ဆက်လက်မနှောင့်ယှက်တော့ဘဲ လှည်းပေါ်မှ ဆုတ်ခွာလိုက်သည်။ သူ၏ အာရုံကို ဝေကလန်မှ ရခဲ့သော သတ္တာ အပေါ်ကို ပြောင်းလိုက်သည်။ ၎င်းကို လမ်းတစ်လျှောက်တွင် အကြိမ်ရေများစွာ စဉ်းစားခဲ့သော်လည်း အချိတ်အပိတ် စည်းကို ဖယ်ရန် နည်းလမ်း မရှာနိုင်ခဲ့ပေ။

ချင်ဝမ်ယွီ ကို ချူအိမ်တော်သို့ ပြန်ပို့ပြီးနောက် ဇူအန်က ဖေးမြန့်မုန် နှင့်သွားတွေ့ရန် ဟန်ပြင်လိုက်သည်။ သို့သော်လည်း လောင်မိုင် နှင့် အရင်တွေ့လိုက်ရသည်။
ဇူအန်က ဥယျာဉ်မှူးအိုကြီးကို မြင်ရသောအခါ အရင်နှုတ်ဆက်လိုက်သည်။ “နှုတ်ဆက်ပါတယ် အကြီးအကဲ”