Chapter 309: နဂါးဝှက်တောင်၏ လျှို့ဝှက်ချက်
ချန်ရွှမ်း ကမ်းစပ်သို့ ခုန်တက်လိုက်သည်။ သူ ရေထဲကျချိန်မှ တွက်လျှင် သူတို့ ပြေးသွားသည့်ဘက်ကမ်းကို မှန်းဆလို့ရသည်။
လျှို့ချွမ် အခြားဝေလဂိုဏ်းအကြီးအကဲများနှင့် အကြည့်ချင်းဖလှယ်လိုက်သည်။ သူတို့နောက်လိုက်များကို ဝေလကျွန်းပေါ်ပြန်ခိုင်း၍ ချန်ရွှမ်း နောက် ကမ်းပေါ်လိုက်ရန်သာ ကျန်တော့သည်။
ပထမအချက်က သူတို့ခေါင်းဆောင်အသစ်ကို အမြင်ကြည်စေချင်သည်။ ဒုတိယအချက်က ဒီကိစ္စက အရေးကြီးလွန်းသည်။ ကျန်းတန် အဖမ်းခံရကြောင်း ကိုယ်တိုင်မမြင်မချင်း စိတ်မအေးနိုင်ပေ။
တတိယအချက်ကတော့ သူတို့ဂိုဏ်းခေါင်းဆောင်က အင်မတန်လှလွန်းသော မိန်းမဖြစ်သောအချက်ကို လက်မလွှတ်နိုင်ပေ။ နွေဦးလေ ၁၈မျိုးက နာမည်နှင့်တူစွာ အစွမ်းရှိလျှင် သူတို့လည်း ပါဝင်နိုင်မည်ဟု မျှော်လင့်နေကြသည်။
အခြားအခြေအနေဆိုပါက မည်သူမှ ချန်ရွှမ်းကို ရင်မဆိုင်ရဲလောက်ပေ။ သို့သော် ဆေးက နွေဦးလေ ၁၈ မျိုး ဖြစ်နေသည်။ ကျန်းတန် ၁၈ကြိမ် လိုအပ်လေသည်။
ဒီကိစ္စကို ဘယ်ယောက်ျားက တစ်ယောက်တည်း ဖြေရှင်းနိုင်မှာလဲ။
ချန်ရွှမ်း မည်မျှ အင်အားကြီးကြီး ဒီကိစ္စက လုံးဝ မဖြစ်နိုင်ပေ။
ချန်ရွှမ်း လက်ပန်းကျ၍ ပြိုလဲသွားချိန်မှာ သူတို့ အခွင့်အရေးရနိုင်မလား။
လျှို့ချွမ် သူ့အဖော်များကို တစ်ချက်ကြည့်လိုက်သည်။ ဒီလူတွေလည်း သူနှင့်အတွေးတူနေမည်ဖြစ်ကြောင်း သူသိသည်။
ထိုလှပ၍ မြင့်မားလှသော ဂိုဏ်းခေါင်းဆောင်ကို တွေးလိုက်မိတိုင်း ရမ္မက်မီးများ တောင်လောင်လာရသည်။ သူ့ခြေလှမ်းများ မြန်ဆန်လာလေသည်။
....
ဇူအန် ကျန်းတန်ကိုဆွဲကာ ခြေဦးတည့်ရာ ပတ်ပြေးလေသည်။ ဇူအန် ဘယ်ကို ဦးတည်ရမလဲ မသိဘဲ ရမ်းသမ်း ပြေးနေခြင်းပင်။
သူ့နောက်က လိုက်လာသူများကို လှည့်စားရန် ခြေရာလက်ရာ နည်းနိုင်သမျှ နည်းအောင်ကြိုးစားလေသည်။
အစတော့ ကျန်းတန် သူနှင့်အတူ ယှဉ်လိုက်နိုင်သေးသည်။ သို့သော် မကြာခင် ခြေထောက်ခွေလာကာ မှောက်ရက်လဲကျမတတ်ပေ။
ဇူအန် အမြန် ပြေးထူလိုက်သည်။ သူမတစ်ကိုယ်လုံးက ပျော့ခွေနေသည်။ အသက်ကို လုရှူနေရ၍ ရင်ဘတ်က နိမ့်ချည်မြင့်ချည်ပင်။
