Chapter 228: အထင်ကြီးမှုခံယူခြင်း
ထိုဇာတ်ညွှန်းများ ရွတ်လိုက်ပြီး ဇူအန် သေနတ်ပစ်လိုက်သလို လက်ချောင်းထိပ်ကိုပင် လေမှုတ်လိုက်သေးသည်။
လူတိုင်း ပါးစပ်အဟောင်းသား ဖြစ်သွားပြီး လေထုက ထူးဆန်းစွာ ငြိမ်သက်နေသည်။
သခင်မပြောတဲ့ ကျူးကျော်သူက ဘယ်လောက်အင်အားကြီးပါလိမ့်။ အဆင့် ၈လား။
အနည်းဆုံး သူတို့လူတစ်ဝက်ခန့် ဆုံးရှုံးရန် စိတ်ထဲပြင်ပြီး ရောက်လာခြင်းပင်။ သို့သော် ဒီလောက်အားကောင်းတဲ့ ရန်သူကို သခင်လေးက အသာလေး အနိုင်ရလိုက်သည်။
"အကြော ၆မျိုး နတ်ဓားသိုင်းက ဘယ်လိုသိုင်းပါလိမ့်"
အစောင့်များ တစ်ယောက်ကိုတစ်ယောက် ကြည့်လိုက်ရာ အကုန်လုံးမျက်လုံးထဲတွင် မသိခြင်းများ ပြည့်နေကြသည်။ ထို့ကြောင့် အားလုံးထဲတွင် ဗဟုသုတအပြည့်ဆုံး သူတို့ခေါင်းဆောင် ယွဲ့ရှန် ထံ မျက်လုံးပို့လိုက်ကြသည်။
"ငါက ဘယ်လိုလုပ် သိမလဲ"
ယွဲ့ရှန် မျက်နှု ပူလာသည်။ သူက ကျင့်စဉ် များစွာ နှင့် တိုက်နည်းပေါင်းစုံ သိသော်လည်း အကြော ၆မျိုး နတ်ဓားသိုင်းကို မကြားဖူးပေ။
သူတစ်ခါမှ မကြားဖူးသော်လည်း နာမည်တစ်ခုတည်းကပင် အားကောင်းကြောင်း သိသာစေသည်။ အနည်းဆုံး အဲ့တာက မြေအဆင့်သိုင်းပညာဖြစ်လောက်သည်။ နာမည်တွင် နတ် ပါသောကြောင့် ကောင်းကင်အဆင့်လည်း ဖြစ်နိုင်သေးသည်။
ကီကျောက်နှင့် လက်နက်များကဲ့သို့ သိုင်းကျမ်းများကိုလည်း သေမျိုးအဆင့် မြေအဆင့် ကောင်းကင်အဆင့်ဟု ခွဲခြားနိုင်သည်။ လပြည့်ဝန်းအကယ်ဒမီ၏ အခြေခံဓားပညာမှာ သေမျိုးအဆင့် ဖြစ်လေသည်။
သေမျိုးအဆင့် သိုင်းကျမ်းက အားနည်းသည်ဟု ထင်ရသော်လည်း သိုင်းကျမ်းမရှိသောသူနှင့် အင်အားကွာခြားမှုအကြီးကြီး ရှိသေးသည်။ အမှန်တော့ သိုင်းကျမ်းရနိုင်သောနေရာက အိမ်တော်ကြီးများနှင့် အကယ်ဒမီတွင်သာ ဖြစ်လေသည်။ ထို့ကြောင့် နောက်ခံကောင်းကောင်းမရှိသော ပုံမှန်ကျင့်ကြံသူက သိုင်းကျမ်းလုံးဝရမည်မဟုတ်ပေ။အများစုက သူတို့ရဲ့ အာရုံနှင့် တိုက်ပွဲအတွေ့အကြုံအပေါ် မူတည်၍ တိုက်ခိုက်ကြခြင်းပင်။
