មកដល់ផ្ទះ ម្ហូបអាហារក៏ត្រូវបានចំអិនរួចរាល់ជាស្នាដៃរបស់អ៊ំ ស៊ូមីន និងម៉ាក់របស់នាង។ យូលី ទុកកាបូបនៅកៅអីក្បែរខ្លួនហើយទាញកៅអីរបស់នាងមកអង្គុយញ៉ាំអាហារពេលល្ងាចក្រោយពីរាក់ទាក់ប៉ាម៉ាក់របស់ខ្លួនរួច។
« និយាយអ៊ីចឹងកូនចង់ទៅកូរ៉េចូលរួមកម្មវិធីរបស់ក្មួយ យ៉ុនហ្គី ពេលណា? »
យូលី ស្ងាត់មាត់បន្តិចក្រោយពីឮសំណួរបែបនោះពីមាត់ប៉ារបស់ខ្លួនតែនាងនៅតែត្រូវឆ្លើយតបទៅវិញទោះចិត្តមិនចង់។
« ប្រហែលជាមុនកម្នវិធីពីរថ្ងៃលោកប៉ា »
« ហេតុអី? ប៉ាគិតថាចង់ឱ្យកូនទៅស្អែកតែម្ដងព្រោះចង់ឱ្យកូនយកកិច្ចសន្យាឱ្យគេស៊ីញ៉េដែរ »
« កិច្ចសន្យាអីទៅលោកប៉ា? »
យូលី សួរទាំងមិនយល់ថាគាត់ចង់សំដៅលើកិច្ចសន្យាអ្វីជាមួយនឹងគ្រួសារនោះ។
« ជាកិច្ចសន្យាទិញលក់ក្រណាត់ព្រោះក្រុមហ៊ុន ម៉ារ៉េត មានបញ្ហាខ្លះៗមិនអាចផ្គត់ផ្គង់ក្រណាត់ឱ្យក្រុមហ៊ុនយើងតែមួយបានទើបរៀបចំវាឡើង »
« មិនសមសោះ តាំងពីដើមមកក្រែងក្រុមហ៊ុន ម៉ារ៉េត មិនដែលកំណត់អ្វីជាមួយយើងទេមែនទេ? »
យូលី ចងចិញ្ចើមលាន់មាត់ឡើងបន្ទាប់ពីដឹងរឿងនេះ។ នាងមានអារម្មណ៍មិនល្អព្រោះកន្លងមកមិនធ្លាប់មានបញ្ហាអីក្នុងការធ្វើជំនួញជាមួយគ្នានោះឡើយតែពេលនេះបែរជាមកប្រាប់ថាមានបញ្ហាចង់ធ្វើកិច្ចសន្យាលក់ដូរឲ្យបានត្រឹមត្រូវទៅវិញ។
« ប៉ាឮមកថាខាងនោះទិញដីធ្វើចំការថ្មីប្រហែលជាក្រណាត់មានទីផ្សារខ្ពស់ខ្វះខាតវត្ថុធាតុដើមហើយ ពួកយើងក៏ទិញក្រណាត់ពីគេមិនដែលកំណត់មកច្រើនឆ្នាំដែរ ពីមួយឆ្នាំទៅមួយឆ្នាំតែងមានការកើនរហូត គេអាចនឹងបាត់បង់ឱកាសធ្វើការជាមួយក្រុមហ៊ុនផ្សេងទៀតព្រោះតែយើងបើយើងនៅតែកម្ម៉ង់ឥតដែនកំណត់រាល់ឆ្នាំបែបនេះ »
យូលី មិនតបតែក៏កំពុងធ្វើចិត្តយល់ពីបំណងរបស់គ្រួសារ ម៉ារ៉េត ទាំងដែលភ្លាមៗក៏នាងដូចជាមិនពេញចិត្តនឹងរឿងនេះដែរ។
ESTÁS LEYENDO
ពិសោធចិត្ត
Fanficការដែលរាប់អានគ្នាជាបងប្អូនវាជារឿងល្អណាស់ទៅហើយសំរាប់ពួកគេ តែសុខៗចាស់ទុំទាំងសងខាងក៏ផ្លាស់ប្ដូរទំនាក់ទំនងពួកគេមកជាគូដណ្ដឹងវិញ តើគូដណ្ដឹងមួយគូនេះអាចនឹងមានថ្ងៃស្រឡាញ់គ្នាក្នុងន័យស្នេហានិងបានរៀបការជាមួយគ្នាយ៉ាងសមប្រកបឬអត់?
