កម្មវិធីជួបជុំញ៉ាំអាហារអបអរថ្ងៃកំណើតបន្តិចបន្តួចក៏បានកើតឡើង សំណើចក្អាកក្អាយក៏បន្លឺជារឿយៗរាប់ចាប់ពីការចាប់ផ្ដើមរហូតការកាត់នំរួចរាល់ទៅហើយ។
« យ៉ាងម៉េចដែរ? ឆ្ងាញ់ទេ? »
យូលី ងាកទៅសួរមិត្តរបស់ខ្លួនតែពីរគ្រាប់ដែលបានចូលរួមល្ងាចនេះព្រោះនាងគ្មានមិត្តអីផ្សេងក្រៅពីពួកគេទេ។
« ស្នាដៃអ្នកមីងទៅហើយមិនឆ្ងាញ់យ៉ាងម៉េច? »
ហ្គីយ៉ុង តបទាំងដឹងហើយថានំនេះ យូលី ជាអ្នកលាយគ្រឿងកូរម្សៅដោយផ្ទាល់ចំណែកម៉ាក់របស់នាងគ្រាន់តែជួយមើលនិងបង្ហាត់ប៉ុណ្ណោះ។
« អូ៎! អ៊ីចឹងហ៎? »
យូលី សួរបញ្ចើចបញ្ចើរបន្តិចចង់បានចម្លើយមួយដែលលើកសរសើរនាង។
« ឆ្ងាញ់គឺឆ្ងាញ់ហើយ ស្នាដៃ យូលី មិនដែលអន់ទេ »
« ថេយ៉ុង និយាយត្រូវ »
យូលី តបហើយលើកមេដៃឱ្យ ថេយ៉ុង ក្រោយពីគេបន្លឺឡើងមកត្រូវចិត្តនាងបែបនេះ។
« នៅនិយាយគ្នាលេងទីនេះសិនចុះណា៎! »
លោកស្រី ហ៊ីម៉ា ដែលមានវត្តមាននៅក្នុងបន្ទប់ទទួលភ្ញៀវដែរក៏បន្លឺឡើងហើយដើរទៅផ្ទះបាយវិញដើម្បីជួយអ៊ំ ស៊ូមីន រៀបចំផ្ទះបាយឱ្យរៀបរយ។
« និយាយអ៊ីចឹងរកមុខអ្នកផ្ញើរកាដូមកឃើញឬនៅ? »
សុខៗ ថេយ៉ុង ស្រាប់តែនឹកឃើញពីកាដូដែល យូលី បានសួរគេកាលពីរសៀលនោះ។
« កាដូ? យូលី ទទួលបានកាដូបាត់ម្ចាស់ហ្អេស៎? »
ហ្គីយ៉ុង ភ្ញាក់ព្រើតក្រោយពីឮ ថេយ៉ុង សួរបែបនោះនាំឱ្យ ថេយ៉ុង និង យូលី ចងចិញ្ចើមបន្តិច។
« មិនមែនឯងអ្នកផ្ញើរមកទេ??? »
ទាំង យូលី និង ថេយ៉ុង សួរឡើងតំណាលគ្នាទើប ហ្គីយ៉ុង គ្រវីក្បាលតបតែម្ដង។
« កាដូអីទៅ? »
ហ្គីយ៉ុង សួរបកមកវិញទាំងចង់ដឹងចង់ឃើញកាដូដែល យូលី និង ថេយ៉ុង កំពុងតែនិយាយដល់នោះ។
STAI LEGGENDO
ពិសោធចិត្ត
Fanfictionការដែលរាប់អានគ្នាជាបងប្អូនវាជារឿងល្អណាស់ទៅហើយសំរាប់ពួកគេ តែសុខៗចាស់ទុំទាំងសងខាងក៏ផ្លាស់ប្ដូរទំនាក់ទំនងពួកគេមកជាគូដណ្ដឹងវិញ តើគូដណ្ដឹងមួយគូនេះអាចនឹងមានថ្ងៃស្រឡាញ់គ្នាក្នុងន័យស្នេហានិងបានរៀបការជាមួយគ្នាយ៉ាងសមប្រកបឬអត់?
