ទីត! ទីត!!!
« អាយ៎!!!!! »
ផាំង!!!
ឡានមួយគ្រឿងដែលបើកឆ្ងាយចេញពីចំការបានឆ្ងាយបន្តិចនោះក៏រេចង្កូតទៅបុកនឹងដើមឈើមួយទំហឹងតែម្ដង ក្រោយពីមានឡានមួយបើកក្នុងល្បឿនលឿនវ៉ាបិះនឹងបុកពីក្រោយហាក់ដូចជាប្រញាប់ប្រញាល់មិនដឹងជាទៅណា។ កែវភ្នែកដែលកំពុងតែព្រិលដោយសារតែទឹកភ្នែកជ្រួតជ្រាបពេញនោះពិបាកមើលផ្លូវស្រាប់ក៏ត្រូវបានបិទចុះម្ដងបន្តិចៗក្រោយពីមានឧបទ្ទេវហេតុនេះកើតឡើង។
« អេ៎! នោះជាឡានរបស់អ៊ំ ហាន់ មែនទេ? »
មនុស្សមួយក្រុមដែលជិះម៉ូតូពីរបីបន្តគ្នាក៏ស្រាប់តែឈប់ក្រោយពីឃើញឡានគ្រោះថ្នាក់តាមផ្លូវបែបនោះ នារីម្នាក់ក៏បន្លឺឡើងក្រោយពីចាំអត្តសញ្ញាណឡានបានហើយអ្នកឯទៀតក៏ប្រញាប់ចុះទៅមើល។
« ម៉េចក៏មានរឿងអ៊ីចឹង? ក្រែងថ្មើរនេះអ៊ំ ហាន់ គួរតែនៅក្នុងចំការទេមែនទេ? »
« មកពីពួកយើងទៅយប់ពេកទេដឹងទើបគាត់ចេញទៅតាមហើយមិនដឹងយ៉ាងម៉េចក៏មានរឿងនេះកើតឡើងទៅ »
« មិនមែនអ៊ំ ហាន់ ទេ! »
នារីម្នាក់ដែលកំណត់អត្តសញ្ញាណបានមុនគេនោះក៏លាន់មាត់ឡើងកាត់សន្ទនាប្រុសពីរនាក់ដែលកំពុងតែនិយាយបណ្ដើរទូរស័ព្ទរកឡានពេទ្យបណ្ដើរ។ នារីម្នាក់ក្រោយពីឮថាមិនមែនអ៊ំ ហាន់ បែបនោះក៏នាំគ្នាទៅមើលដែលតាមរយៈពិលទូរស័ព្ទក៏អាចឱ្យពួកគេឃើញមុខអ្នកនៅខាងក្នុងឡានច្បាស់។
« ព្រះអើយ!!! អ្នកនាង យូលី! អ្នកនាង យូលី! »
ផាំង! ផាំង! ផាំង!
« អ្នកនាង យូលី! ដឹងខ្លួនឡើង! អ្នកណាក៏បានប្រញាប់ទៅរកអីមកគាស់ទ្វារឡានមក! »
ម្នាក់ៗនាំគ្នាឆ្លេឆ្លាក្រោយពីដឹងថាអ្នកក្នុងឡានជាអ្នកណា ខ្លះក៏ព្យាយាមគោះទ្វារស្រែកហៅនាងខ្លាំងៗក្រែងនាងនៅមានស្មារតីព្យាយាមបើកគន្លឹះទ្វារឡានបន្តិចតែហាក់ដូចជាគ្មានសង្ឃឹមអ្វីសោះ របស់របរដែលមាំអាចយកមកគាស់ទ្វារឡានបានក៏គ្មាន។
« ឆាប់ទៅចំការប្រាប់អ្នកប្រុសធំឱ្យលឿនទៅលោកអើយ!!! »
សំលេងពីមាត់មនុស្សម្នាក់ស្រែកឡើងទើបបុរសម្នាក់ទៀតប្រញាប់ឡើងម៉ូតូបញ្ឆេះមូលមួយអស់ដៃប្រញាប់យកដំណឹងមកប្រាប់ យ៉ុនហ្គី ដែលនៅចំការ។
ESTÁS LEYENDO
ពិសោធចិត្ត
Fanficការដែលរាប់អានគ្នាជាបងប្អូនវាជារឿងល្អណាស់ទៅហើយសំរាប់ពួកគេ តែសុខៗចាស់ទុំទាំងសងខាងក៏ផ្លាស់ប្ដូរទំនាក់ទំនងពួកគេមកជាគូដណ្ដឹងវិញ តើគូដណ្ដឹងមួយគូនេះអាចនឹងមានថ្ងៃស្រឡាញ់គ្នាក្នុងន័យស្នេហានិងបានរៀបការជាមួយគ្នាយ៉ាងសមប្រកបឬអត់?
