# ១ឆ្នាំកន្លងផុតទៅ
ពេលវេលាចេះតែដើរទៅមុខមិនដែលបកក្រោយមួយវិនាទីណាឡើយ មនុស្សគ្រប់គ្នាសុទ្ធតែបានដឹងពីរឿងនេះ។ ធ្មិចបើកៗថ្ងៃទទួលសញ្ញាប័ត្ររបស់ ហ្គីយ៉ុង ក៏មកដល់ហើយវេលានេះក៏ជាវេលាដែល យូលី ត្រូវប្រឈមមុខនឹងគូដណ្ដឹងរបស់ខ្លួនជាថ្មី។
យូលី រៀបចំខ្លួនចាកចេញពីផ្ទះជាមួយ យ៉ុនហ្គី ដោយប៉ាម៉ាក់របស់គេបានទៅដល់សកលវិទ្យាល័យជាមួយនឹង ហ្គីយ៉ុង មុនទៅហើយ។ យូលី ចូលមកអង្គុយក្នុងឡានហើយប្រគល់ឯកសារមួយទៅឱ្យ យ៉ុនហ្គី ដែលអង្គុយនៅកន្លែងបើកនោះហើយ យ៉ុនហ្គី ក៏យកវាទុកនៅខាងក្រោយកៅអីឡានរបស់នាងរួចបញ្ឆេះឡានចាប់ផ្ដើមបើកចេញទៅ។
« ឯកសារកុងត្រាបន្តក្នុងនោះមានពីរច្បាប់មួយបន្តមួយឆ្នាំមួយទៀតពីរឆ្នាំ ពេញចិត្តមួយណាស៊ីញ៉េមួយហ្នឹងទៅ »
« ហេតុអីត្រូវធ្វើដល់់ទៅពីរឆ្នាំ? »
យ៉ុនហ្គី សួរទាំងដែលខ្លួនកំពុងតែបើកឡានឆ្ពោះទៅអបអរការបញ្ចប់ការសិក្សារបស់ប្អូនឯសាកលវិទ្យាល័យ។
« ខ្ញុំមិនចង់ហត់រៀបឯកសារមកឱ្យមួយឆ្នាំម្ដង »
« ច្បាស់ហើយថាចង់តម្ដងពីរឆ្នាំ? »
« បើមិនច្បាស់ក៏ខ្ញុំមិនធ្វើដែរ »
យ៉ុនហ្គី លែងតបតហើយបន្តបើកឡានរហូតទៅដល់កន្លែងកម្មវិធីស្របពេលដែលកម្មវិធីក៏ចាប់ផ្ដើមល្មម។ កម្មវិធីប្រព្រឹត្តទៅរហូតដល់វេន ហ្គីយ៉ុង ជាអ្នកទទួលសញ្ញាប័ត្រម្ដង យូលី ក៏សំលឹងទៅមិត្តរបស់ខ្លួនទាំងរលីងរលោងព្រោះមិនយូរទៀតទេនាងក៏នឹងបានស្គាល់អារម្មណ៍នេះដូចជាគេដែរ។ គ្រាន់តែ ហ្គីយ៉ុង ទទួលសញ្ញាប័ត្រហើយភ្លាមគ្រួសារ ម៉ារ៉េត និង យូលី ក៏ប្រញាប់ចូលទៅរកគេដើម្បីអបអរបន្ថែមតែដោយនេះជាថ្ងៃបញ្ចប់ការសិក្សារបស់គេដូចនេះគេមិនបាននិយាយយូរជានោះទេ ត្រូវរត់ទៅថតរូបជាមួយមិត្តរួមថ្នាក់រួមជំនាន់ផងសាស្ត្រាចារ្យដែលបង្រៀនផងចុងក្រោយក៏ថតរូបជាមួយគ្រួសារបានបន្តិចគ្រួសាររបស់គេនិង យូលី ក៏ចាកចេញពីកម្មវិធីទុកឱ្យគេនៅអបអរបន្តជាមួយមិត្តរួមជំនាន់ឯទៀតរហូតព្រលប់ទើបបានត្រឡប់មកផ្ទះវិញ។
ESTÁS LEYENDO
ពិសោធចិត្ត
Fanficការដែលរាប់អានគ្នាជាបងប្អូនវាជារឿងល្អណាស់ទៅហើយសំរាប់ពួកគេ តែសុខៗចាស់ទុំទាំងសងខាងក៏ផ្លាស់ប្ដូរទំនាក់ទំនងពួកគេមកជាគូដណ្ដឹងវិញ តើគូដណ្ដឹងមួយគូនេះអាចនឹងមានថ្ងៃស្រឡាញ់គ្នាក្នុងន័យស្នេហានិងបានរៀបការជាមួយគ្នាយ៉ាងសមប្រកបឬអត់?
