ការត្រឡប់មកពីជប៉ុនលើកនេះ យ៉ុនហ្គី បែរជាមានអារម្មណ៍ល្អយ៉ាងចំលែក អារម្មណ៍មួយជាឥទ្ធិពលវិជ្ជមានដែលគេមិនធ្លាប់ទទួលបានពីមុនសូម្បីតែគេខ្លួនឯងក៏មិនច្បាស់ថាមកពីហេតុអ្វី។ កន្លងទៅអស់ជាច្រើនថ្ងៃច្រើនខែអារម្មណ៍របស់ យ៉ុនហ្គី ក៏មិនបានផ្លាស់ប្ដូរទៅណាគ្រាន់តែថាគេដូចជាកំពុងតែរង់ចាំអ្វីមួយដែលល្អមកដល់ទើបអារម្មណ៍របស់គេចេះតែសប្បាយតាមនោះដែរទៅ។
រីង! រីង!
កំពុងអង្គុយធ្វើការសុខៗស្រាប់តែទូរស័ព្ទរបស់ យ៉ុនហ្គី រោទិ៍ឡើងទើបគេលើកមកមើលហើយចុចទទួលទាំងមន្ទិលព្រោះម្ចាស់គណនីដែលខលមករកគេតាមអាយជីនេះមិនងាយទាក់ទងមកគេឡើយតែក៏ប្រសើរជាងនាយដែរដែលមិនទាក់ទងទៅមុនសោះតែម្ដង។
« មានការអី? »
< ចាងមី ឈប់ធ្វើការនៅក្រុមហ៊ុនរបស់លោកហើយហ្អេស៎? >
« អ្នកណាប្រាប់នាង? »
< បើកឯកសារដែលខ្ញុំផ្ញើរឱ្យមើលទៅ >
យូលី ស្ងាត់មាត់បន្តិចក៏ឆ្លើយមកវិញទើប យ៉ុនហ្គី ប្រញាប់បើកឆាតមើលក៏ឃើញនាងផ្ញើរពាក្យស្នើរសុំចូលធ្វើការរបស់ ចាងមី នៅឯហាងសំលៀកបំពាក់ធំប្រចាំប្រទេសកូរ៉េរបស់ ហ៊ីម៉ា។
« យើងមិនបានដឹងទេថា ចាងមី ឈប់ទេ ព្រឹកមិញយើងឃើញនាងមកធ្វើការធម្មតាទេតើ »
< ខ្ញុំគ្រាន់តែឆ្ងល់ប៉ុណ្ណោះព្រោះមិនសមណាធ្វើការជាមួយលោកសុខៗចង់មកធ្វើជាអ្នកទទួលភ្ញៀវក្នុងហាងខ្ញុំទៅវិញ >
« ប៉ុណ្ណឹងចុះ យើងនឹងហៅ ចាងមី មកសួរឱ្យច្បាស់ »
យូលី មិនទាន់នឹងបានតបអីមកវិញផង យ៉ុនហ្គី ក៏ផ្ដាច់ការទាក់ទងជាមួយនាងហើយប្រញាប់ខលរក ហ្គីយ៉ុង ឱ្យបញ្ជូន ចាងមី មកជួបគេភ្លាម។
« នាងចង់ឈប់ធ្វើការនៅទីនេះហ្អេស៎? »
យ៉ុនហ្គី ចោទសួរទៅអ្នកដែលកំពុងតែឱនមុខចុះចំពោះមុខខ្លួនទាំងមិនអស់ចិត្ត។ ទោះជាក្រោយមកពួកគេលែងមានទំនាក់ទំនងពិសេសជាមួយគ្នាក៏ដោយតែ យ៉ុនហ្គី ក៏មិនគិតចង់ឱ្យនាងលាឈប់ពីក្រុមហ៊ុនរបស់គេដែរ យ៉ាងណានាងក៏ជាបុគ្គលិកម្នាក់ដែលធ្វើការបានល្អកន្លងមក។
STAI LEGGENDO
ពិសោធចិត្ត
Fanfictionការដែលរាប់អានគ្នាជាបងប្អូនវាជារឿងល្អណាស់ទៅហើយសំរាប់ពួកគេ តែសុខៗចាស់ទុំទាំងសងខាងក៏ផ្លាស់ប្ដូរទំនាក់ទំនងពួកគេមកជាគូដណ្ដឹងវិញ តើគូដណ្ដឹងមួយគូនេះអាចនឹងមានថ្ងៃស្រឡាញ់គ្នាក្នុងន័យស្នេហានិងបានរៀបការជាមួយគ្នាយ៉ាងសមប្រកបឬអត់?
