حسيت بيه دزني حتى طحت فوق السرير ورايا قعد براكبيه. فوق فخاضي حتى عيطت بالوجع مقدرتش بيسك صح حسيت بيه كسرلي رجليا حط يديه على فمي غلقهولي وكمل في عملتوا وليت ندعي في ربي ندوخ عرفتوها تاع تهربي بعقلك من الواقع بيسك كنت صح نحس بالألم الجسدي والنفسي بلا ما نفسر اكثر . حسيت بيه حط يديه على رقبتي بحدا العظم مالقتش مع روحي كيفاش ستغميت دخت مفقتش حتى حسيت بيه رشني بالماء ورصلي على عينيا بصباعها باه فطنت بقيت ندور في راسي نتفكر وش صرى لقيتوا بعد عليا يلبس في التريكو تاعو قالي فطنتي صاي ، هبطت عينيا لروحي لقيت روحي كيما خلقني ربي حطيت يدي على فمي نبكي قالي مبروك عليك مي مش كيما توقعتك ، المزية ما حصلتش روحي معاك ، شاف معايا قالي حبسي من نديب والبسي حوايجك ، رمالي غوب خفيفة تاع رقاد حكمتها لبستها بيدين يرجفوا . مع جيت نوقف طحت مقدرتش فشلت ورجليا يوجعوا وحاسة قلبي دار عليا جا وقفني قعدني فوق السرير وانا غير مغمضة عينيا وجّهوا منيش قادرة نشوف فيه قالي راكي دايخة حكملي وجهي يخبط فيا على خدودي في بالوا دخت قتلوا صاي اخرج عليا ياك درت وش كنت حاب روح عليا بعد شوي يشوف معايا من بعد قالي تخرج كلمة من لي صرا هنا نذبحك ومنسميش عليك . درتلوا براسي ايه باغياتوا غير يخرج صوتوا منيش حاملة حتى نسمعوا توقعت من الناس كامل تأذيني غير هو غير خرجت مشيت للباب بسيف وصلت غلقتوا بالمفتاح ومشيت للمراية نحيت عليا للغرب لي كنت لابستها جسمي كامل ازرق مفهمتش حتى وش دارلي حتى رجع لحمي كامل ازرق هكا . فخاضي حكاية اخرة لونهم اخضر كامل ودم مجمع فيهم ، رجعت لبست ومشيت للخزانة جبدت سيرانق و قرعة تاع ليكيد مقدرتش نوقف رجعت قعدت في السرير تولهت منو الغطا مبدل هنا وين زدت تأكدت . جبدت كيما قاتلي طفلة 1 mg ملقيتش لاستيك ربطت يدي بخيط حتى عاد يبان العرق وضربتها رميت كلش من يدي ورجعت تمديت شوي ورحت في نومة معلاباليش شحال من ساعة المهم كي نضت على الحس والخبيط في الباب وهدرة بقيت نتقلب تقول عليا فاقدة الذاكرة معلاباليش حتى وين راني بشوي باه بدأ يرجع عقلي كي سمعت اسمهان تعيط يا جوليا أنا خيتك افتحي الباب يا خالي كون تكون صراتلها حاجة .سمعتوا يعيط يقولهم علاه معيطوليش حتى لدرك كيفاه من الصباح والباب مغلوق ومخرجتش وأنتم معلابلكمش بيها مفهمتش على ر## باه راكم تخمموا بعدوا على ر# الباب . سمعت مروان يقولوا أستنا أنا نحكم وانت أضرب بالقوة شوي وسمعت خبطة بالقوة . نضت نجري اول حاجة خممت فيها السيرانق والدوا رحت نجري هزيتهم وحطيتهم في الخزانة تحت القش تاع الشتا . ولحت فوقي فاست تاع سيرفات. بيسك يدي كانت يدي جيهة العرق كامل زرقة . ورجعت نجري غطيت روحي ولعبتها راقدة عاود خبط الباب تفتح شفتهم دخلوا يجرؤ عندي لعبتها لثم وين فطنت من النوم وحايرة وشبيكم وش كاين قالي راكي تتم#### علاه من الصباح وهما يطبطبوا عليك مفتحتيش ، اسمهان جات عندي تجري هي وريمة يعنقوا فيا . سكتت عليه وجّهوا منيش حابة نشوف فيه جا مقدم عندي راني نهدر معاك . شفت معاه قتلهم كنت راقدة مفقتش . مسح وجّهوا يديه يرجفوا العرق يقطر منوا بالقطرة . حسيت بمرت خالي حكملتي وجهي قاتلي علاه وجهك اصفر هكا راكي مريضة بعدتلها يدها لالا منيش مريضة قاتلي للا راه بيك حاجة مراكيش عاجبتني اهدري وشبيك . قتلها راني قتلك راني لباس عليا. نطق مروان قالي خلعتينا يخي بقرة ، شفت معاه تبسم معايا وخرّج حتى خالي قالي متزيديش تعلقي الباب بالمفتاح كي علابالك نومك ثقيل راكي خلعتينا عليك بنتي درتلوا براسي ايه . هما خرجوا وهو شفتوا قعد فوق الفوتاي يمسح في وجّهوا ويعاود يديه يرجفوا . قاتلي مرت خالي نوضي اغسلي نروح نجيبلك تأكلي حاجة .مع وقفت عاودت طحت في رمشة عين لقيتوا فوق راسي جا راح يحكمني بعدت يدي شاف معايا قارن حواجب قتلوا اخرج عليا . شاف معايا حاير بيسك كانت يماه واقفة وأسمهان وريمة و اختوا . نطقت مرت خالي وشبيك جوليا راه حب يعاونك . قتلها مقتلوش عاوني يخرج عليا منيش حابة نشوف وجّهوا قدامي . هو وجّهوا حمار راح يطرشق قالي معليش معليش ديري وكثري . حسيتوا تحلف فيا وخرج عاونتني اسمهان وقفت دخلتني للدوش قاتلي وشبيك جوليا حالتك مراهيش عاجبتني وش صرى لبارح راني شفتوا كي لحقك وليوم هو كي قلنالوا مراكيش تردي عليا نخلع عليك حتى عاد يطير وحدوا . قتلها ما صرى والوا .
