قدر مراهقة 2

الجزء 03

#قدر_مراهقة2
#ميرال_مجد
#بقلم_فريال
الجزء 03
نضت روحت لشومبرة وين حاطين تصديرة لعروس وصوالحها بغيت نتسطح شوي راسي وجعني من لغنا والهرج هذاك كامل وليت نتهرب من الفوضى ونبغي نقعد وحدي لانو نضرات ناس ليا ذبحوني تقول درت جريمة كبيرة وردو لوم كامل عليا واحد ماحاول يفهمني ولا يواسيني كامل وقفو معاه قالك ضربها تستاهل واي طايرة وقبيحة ولازملها تتريڨل باش تعرف زواج كيفاه داير مش ارواح برك واتزوج (هذا كلام عماماتي كل مايجيو لعندنا يسمموني بكلامهم ويروحو)، ومش غير عماماتي لا ناس كامل الي يشوفني يحكمني يديرلي درس ارجعي لدارك وبنتك ومايدوملك غير راجلك عدت نكره منهم ومنحاول نهرب باش منقابلهمش. انا قاعدة فلاشومبر وتدخل خالتي هذي اقرب وحدة ليا متفهمة بزاف وكي تشوفني ساكتة متضغطش عليا زي لخرين كي نسكت يبداو يعيطو واولهم ماما كي نصمتها تبدا تعيط وتعاير فيا. قعدت قدامي وحضنتي قالتلي لوكتاه راح تبقاي هكا _ كيفاه _ متلعبيهاش مفهمتيش لوكتاه راح تبقاي هكا جابدة روحك على ناس كامل وعلى راجلك وبنتك _ خالتي صاي يرحم باباك اذا راح تقوليلي ارجعي زي لوخرين غير مكلاه خليني في حالي الي فيا يكفيني _ علاه راهم غالطين يبالك مشفناش حالتك كيفاه رجعت نهار كامل غايسة وحزينة ناس عايشة حياتها بطول والعرض وانت دمرتي روحك مدامك مش حابة علاه تزوجي نهار لول يبالك زواج لعب صغار وفوقها جبتي طفلة ومخليتها تتجرجر وراك _ خليني انا هكا عاجبني لحال واذا على طفلة ياك راهي عند باباها خليه يربيها ولا يقعد انا مديتهاش معايا من دار بابا ياك جبتها عندو في دارو يهتم بيها ويبلع _ شوف اسيدي كي كنتي تحتو عاجبك الحال وكي كرشك كنتي فرحانة وذوك كي جات فالتربية لصقتي كلش فيه وكتاه تكباري وديري عقلك في راسك وتنحي العقلية هذي تاع الصغار ذوك راكي مرا متزوجة مجاياش تدللي وتكبري الموضوع حطي عقلك في راسك وارجعيلو ياك يظل يحلل ويجي ليك هو رايدك وشاريك ومكانش الي ميغلطش كامل تضربنا وتحڨرنا وفوتنا مشاكل كبار بصح صبرنا على وجه ولادنا وذوك رانا هانيين وفي بداية اي زواج يصراو مشاكل وانت وشطارتك اذا قدرتي تحليهم بينك وبينو ولا حتى دخلي ناس في نص ونصيحة ليك يابنيتي متخلي حتى واحد يدخل بينك وبين راجلك لانو اي علاقة اذا دخل فيها طرف ثالث راح تخرب ومش بالضرورة الطرف الثالث تكون صاحبتو ولا عشيقتو لا بالعكس الطرف الثالث هوما اهلكم وناس لقراب ليكم.
#فريال