قدر مراهقة 2

الجزء 92

#قدر_مراهقة2
#ميرال_مجد
#بقلم_فريال
الجزء 92
هاجر كي شافتنا نضحكو ونلعبو مع طفل وكي شغل بدينا نتقبلوه وتعلقنا بيه قالتلنا بغيت نقولكم حاجة كان لازم عليا نقولها بكري بصح ظروف وتحتمت عليا نسكت بصح ذوك منقدرش نبلع فمي ونخلي الامور يتعقدو اكثر من قبل بما انو نتوما عرفتو بلي انا وباباكم عقدنا قبل وفاة سلمى ربي يرحمها _ ايه عرفنا عليها سامحنا بابا اكيد ماما كانت عارفة واذا هي قبلت حنا ماعندنا مانقولو _ ايه هي الي قبلت وقنعت باباكم يزوج بيا _ كيفاااه يعني قصدك بابا مكانش قابل وماما قنعاتو _ ايه _ وعلاه، نطق بابا قالنا خلاص حكاية وفاتت وانت ياهاجر اسكتي وسكري علينا سيرة _ لا منقدرش بكري سكت وندمت على سكاتي فركت عايلة وبسبابي ولادك بعدو عليك وكرهوك وانت ماعندك حتى ذنب بالعكس راك مفضل عليا وخيرك عمري ننساه _ سكتي خلاص قولتلك لحكاية تبقى بيناتنا حنا الثلاثة سلمى ماتت ربي يرحمها ودات السر معاها بقينا حنا لزوج وتفاهمنا منحكيوش _ صح نتوما كنتو عند كلمتكم واحتفظتو بالسر وماخبرتو حتى واحد بصح انا منقدرش نسكت كثر من هكا منقدرش نخلي ولادك يتعلقو بطفل ويحبوه وهو مش من دمهم ولحمهم _ سكتيييي قولتلك بلعي عليااااا تزيدي حرف منتفاهمش معاك. نطق وائل قالو تقدر تفهمنا وش كان ووش راهي تقول مرتك كيفاه هذي طفل مش من دمنا ممكن توضيح _ متبعوهاش مخها مش عقلها اي غير تخرط عليكم طفل خوكم نقطة انتهى الموضوع. لا مش خوكم وباباكم مغلطش ومخانش يماكم طفل ولدي ورشيد مش باباه انا غلطت ومسمعتش كلام سلمى وندمت وهي الي لقاتلي حل لمشكلتي تالي راهم قتلوني خاوتي. هي تهدر وانا نخمم ونحاول نستوعب مش خوكم طفل وباباكم مغلطش ومخانش يماكم اييي يادنيا لعبتي بينا كيما تبغي وشبعتينا كفوف وصدمات ربحنا لعيب لبابا فالباطل وهو مظلوم وكان يحاول يسترها مكانش اعظم منو كبر في عيني بزاف بالاخص كي مبغاهاش تحكيلنا باش مطيحش من عينا ومنغبنوش طفل هذاك. وائل قالو مكانش فينا الي ميغلطش وطفل يبقى خونا كيف ليوم كيف غدوا حاجة ماتتبدل وربي يغفرلنا لانو كامل خربناها وخليل تاني قال نفس الشي اسراء كامل انا سكت سكت وقولتلها لازم تعاودو تفتحو من جديد تخنزرو فيا كامل قولتلهم هاه وش بغيتو نرموها ونقولو لبابا يطلقها لا طفل يبقى خونا ولحكاية تموت هنا واحد مايسمع (حتى جيت وحكيتهالكم وفضحت كلش انا ام لفضايح) وروحو جيبو الامام يفتحلهم لانو زواجهم لا يجوز.
#فريال