قدر مراهقة 2

الجزء 18

قدر_مراهقة2
#ميرال_مجد
#بقلم_فريال
الجزء 18
مطولناش ولحقنا لدارو اصلا كانت قريبة روحنا على رجلينا جاية في وسط حي راقي باين بلي جديد الكوتي هذا كان فارغ من قبل جايين فيلات صغار قدام بعض وكل وحدة فيها جاردا صغيرة وڨاراج كبير يرفد قيس 3طوموبيلات، دخلنا لدار تهبل تهبل تاع صح حسيت بلي هذي داري وانا اول مرة ندخلها وفرحانة على لخر (تعرفو شعور لعروسة نهار لول كي تدخل لدارها هكاك كنت انا) جاية من لتحت ڨاراجات وقدامهم باب تاع دخلة وكولواغ كبير كي تدخلي يقابلك باب يخرج لجاردا الي مع دخلة وباب تاني يخرج لجيهة ثانية وين كان بيسين صغير مش كبير بزاف بصح في المعقول وكاين صالون كبير فارغ مش مفرش باين بلي دار جديدة وهو ملحقش يعمرها كي نزيدو نمشيو شوي تقابلنا كوزينة مخدومة بكحل ولڨري تهبل هي تاني فارغة فيها غير طابلة وكويزينيار وفريجيدار وميكرو اوند  وبعدها تجي شومبرة كبيرة تجي قيس الصالون ولا اكبر بشوي فيها صوالح تاع السبور وكيس الملاكمة تانيك معلق وهذوك تاع الاثقال معرفتش اسمهم بصح باين تربط في دار مولاش عندو لوقت زي قبل عليها جاب كلش لدار. انا ندور في دار ونشوف براحتي ناسية لعبد هذاك الي ورايا مديتهاش فيه اطلاقا تقول متفاهمة معاه ومش انا الي طول 6 شهر هاجراتو ومبعدة عليه شوفة وجهو مش حاملتها وذوك جاية ندور في دارو ونستكشف في الحالة. نطق من ورايا قالي اذا كملتي زيدي اطلعي لفوق وشوفي دار براحتك انا نخرج نجيب لعشا ونجي _ جيب معاك طاكوس وقرعة كوكا وبيتزا تانيك تكون معبية فرماج _ يعني الكوكا لازم تحضر ديما _ ايه الراعي الرسمي للاكل ايا خف انا جعت مت ومكلاه تعيطلهم وتقولهم راهي عندي راس يطير _ شوف اسيدي راس يطير ربحت عليا _ مش بالمعنى هذاك يااااا مجد انت متفهمش _ منفهمش تانيك كملي كملي حسابك راهو كبر بزاف _ روح جيب العشا وخليني عليك تعرفني غير نخلط برك الي جات في بالي نقولها لساني بلا فرانات _ انا الي نعرفك مليح لسانك خاطيك تهدري برك ومتحاوليش تفهمي وش قولتي الا بعد مدة وكي تجي تبرري تزيدي تخربيها لهذا من الاحسن تشدي فمك وتبلعيه _ منبلعش فمي مش ربي حلهولي وانت تجي تقولي بلعيه نهدر ونزيد كاينة حاجة فهاذ لبلاد اسمها حرية الرأي وتعبير لهذا انا نقول وش حبيت ووش يهوالي _هاكي شدي لجين وانا نخرج منطولش _ لا مكلاه شد بنتك عندك انا منقدرش نرفدها اصلا متركحليش والفت بيك، مدهالي ودار خارج قالي ياك والفت بيك كل يوم كنت نجيبهالك وانت ماتطلقيهاش خلاص لدرجة ريحتك تلصق في لحمها ومتبغيش تروح زيدي قوليلي مكانش منها.
#فريال