قدر مراهقة 2

الجزء 87

#قدر_مراهقة2
#ميرال_مجد
#بقلم_فريال
الجزء 87
دفنو بنتي لغالية وحطوها تحت تراب بقات وحدها في ظلمة ليلة تبات خايفة متحبش الظلمة من ديما نخلي ضو خفيف شاعل على جالها باش ماتبكيش وذوك راح تبقى وحدها طلبت منهم يدفنوها قدام ماما باش تهتم بيها وتبقى معاها مبغيتهاش تتدفن وحدها صغيرة وتخاف بنتي متقدرش. ليلة هذيك فاتت عليا كحلة عينيا مانشفوش من دموع نبكي ومحضنة قشها ومجد باين محضني مخليتوش يبعد خايفة نخليه وحتى هو يموت ونبقى وحيدة، جاو كامل للجنازة درناها في بيت شيخي مرت بابا مخلاتنيش حتى كي جاو يخرجوها طحت نبكي ونعدد جهلت تم وهي بقات محضنتني حضنها يشبه لتاع ماما على عكس عماماتي بقاو بعاد ومقربوش ليا من غير عمتي وحدة الي بقات من ورايا تواسي فيا على عكس خالاتي ونسا خوالي ماخلاونيش للحظة وهوما الي ناضو يخدمو ويطيبو مع خواتات مجد الي قطعو رواحهم بلبكا لجين كانو كامل يحبوها طفلة صغرونة تتاكل حلوة سكر ملاكي الصغير شكون يقدر يكرهو كانت ضيفة فهاذ الدنيا وراحت معاشتش بزاف راحت وخلاتلي جرح كبير عمرو يبرا يالوكان يفوتو سنين مننساهاش. ثاني يوم روحت نزورها ونفس الشي بقيت لاصقة فمجد ماخليت حتى واحد يقربلي روحت لقبرها كان لاصق فتاع ماما قبرها تاني صغرون كيفها وياربي وين كانت ووين رجعت قبل بيومين برك كانت تلاغي وتلعب وتضحك معايا وتبوسني ومتبعدش من حضني وذوك بعدت وراهي بين احضان التراب وحدها فهاذ البرد شكون يبدلها قشها كي تتوسخ شكون يوكلها كي تجوع شكون يحضنها ويبوسها ويرقدها شكون الي بيها شكون وياربي صبرني راني مقدرتش راهي فوق طاقتي فقدان لعزيز صعيب بزاف بزاف، بقيت محضنة قبرها ونبكي ونعدد الي لتم كامل بكاو معرفتش اذا بكاو عليها غاضتهم ولا بكاو عليا انا الي وضعي يدعو لشفقة لاني كنت زي لمهبولة بقيت من قبرها لقبر ماما نحضن فيهم قعدت بيناتهم ونبكي ياماما راهي لموت داتك مني وزادت دات بنتي ياماما بنتي صغيرة تخاف وحدها ياماما راني مقدرتش وصبري خلاص ياماما شكون يحضني ويقولي متخافيش ذوك تفوت وكلش يتحل ياماما ناس كامل عندها يماهل غير انا ياماما وين روحتي وخليتيني وحدي ماعندي الي يسقسي عليا ولا يشوف لحالي ياماما نوضي شوفي بنتك وش دارو فيها وكيفاه رجعت، نبكي وتقول مابكيت قلبي خرج نهار هذاك طحت على قبر بنتي وتغاشيت ولا رقدت مافقت بوالو من تم دخلت لعالم خلاف فقدت كلش وخليتو فالمقبرة رجعت ميرال جسد بلا روح.
#فريال