قدر مراهقة 2

الجزء 93

#قدر_مراهقة2
#ميرال_مجد
#بقلم_فريال
الجزء 93
راحو جابو الامام وكيما قولتلهم خرج كلامي صحيح وعاودو فتحو وبشرط جديد وتسكرت لحكاية بصح انا روحت سقسيتها وقولتلها اذا اب طفل عايش ولا نو وكنت خايفة تقولي بلي قريب وفي اي لحظة يجي يديه _ باباه ولا نقولو الرخيس هذاك بعد مالعب عليا هو وصاحبتي هرب وراح _كيفاه لعب عليك اذا معندكش مانع تحكيلنا (كنا غير حنا لبنات ونسا خاوتي)_ قالتلي كنت نحبو وتعلقت بيه مشيت معاه 5 شهور وكان من ديما يبغي يديني لدارو ولا يجي لداري بحكم انا مطلقة يجيه كلش ساهل بصح انا رفضت وكي ملقى بيها وين تفاهم مع صاحبتي ولعبو عليا شربتلي دوا ودخلاتو عليا دار فيا كلش ورماني زي لكلبة كنت نشوف ومستوعبة وش صرا بصح مقدرتش نتحرك ولا ننطق اغتصبني بأبشع طريقة دار فيا الي ميتندارش تقول عليا خامجة وجابها من برا ، كي كانت تحكي انا تفكرت وش صرالي ووش جوزت مام رنيم خزرت فيا وعينيها مدمعين وهبطت راسها حشمت مني ومن واش دارت. كلش يفوت ويبقى غير لعيب انا نسيت لحكاية وسامحتهم بصح كي حكات هاجر هكاك تفتحو جروحي هي تبكي وحنا معاها وش غاضتني مسكينة من ديما لمرا محڨورة في مجتمعنا ويستغلوها وحتى كي يستغلوها وتنطق وتحاول دافع على روحها يردو اللوم فيها بالاخص المطلقة في مجتمعنا معندهاش بلاصة بيناتهم يشوفو فيها بواحد طريقة كأنو هي اوسخ حاجة في دنيا هذي حاطين في راسهم بلي هي غلطت عليها طلقها راجلها ومهيش مليحة وخامجة ومفيهاش فايدة هذا وش مرسخ في مخهم ماهمش عارفين معاناتها ووش جوزت وعاشت وتحڨرت مكانش مرا تطلب طلاق وتخرب دارها هكاك من العدم بدون سبة تصبر تصبر ونهار يلحق لموس للعظم تروح وتتخلى على كلش ولا وحدة فينا ترضى بالطلاق الا اذا نضرت وعيات. ليلة هذيك بتنا معاها وكل وحدة تندب من جيهة وتواسي فيها تاني مسكينة نضرت بزاف مكانتش تبين هذا الشي وكي بقات صامدة راهي هايلة لانو وش جوزت صعيب انا كيفها بعد بصح فرق بيناتنا مجد مخلانيش وصحح غلطتو وندم اما هي هذا الرخيس هرب وخلاها وهددها لوكان تحكي يفضحها، كل مرة نحمد ربي ونشكرو انو بعثلي راجل كيفو عاقل وخنين ونتفهم ويساعفني لانو ماخليت مادرت فيه ولوكان من واحد خلاف راهو طلقني من عامي لول ولا قتلني وتهنى مني بصح مجد ساعفني ووقف معايا ومتخلاش عليا بالرغم من عقليتو الصعيبة هو انسان مقلق بزاف وواعر بصح معايا تبدل وكامل حارو فيه كيفاه مقتلنيش مع انا معروفة بطولة لساني ومشاكلي الي ميخلاصوش.
#فريال