قدر مراهقة 2

الجزء 23

قدر_مراهقة2
#ميرال_مجد
#بقلم_فريال
الجزء 23
سكت عيت وش نقول اصلا عندو الحق في كل كلمة قالها هو كان ديما يحاول يصلح العلاقة بيناتنا وانا كنت نفزد كل مايخطي خطوة باش يقرب مني انا نهرب ونبعد وديما ندير لمشاكل باش يكرهني ويبعد عليا بصح هو كان متمسك بيا وحتى كي خليتو وبعدت هو بقى ورايا ومخلانيش لوكان واحد خلاف راهو رماني وراح عاود زواج لانو مانفعتو بوالو لاكلمة حلوة ولا ماكلة سخونة ولا فراش دافي كل يوم مشكل نشريهالو وندابزو، بصح كيفاه راح نقولو بلي مش بيدي بعدت عليك عندي اسباب كثيرة. فطنت من سرحتي وتخمامي كي قرب مني وشدني من يدي وبقى يهز فيا، غير الخير وين رحتي _ راني هنا بعد عليا برك _ احكيلي وش بيك _ شوف انا بعدت عليكم كعاد كنت مخنوقة وحكمني اكتئاب كي بعدت ورجعت لدارنا شغلت روحي بالسبور وقريت لغات سجلت في مدرسة قرآنية وبديت نطالع على ديني وعرفت بزاف حوايج اولهم علاقتنا وزواجنا باطل _ كيفاه هذي باطل؟ ياك فتحت عليك بحضور الامام وباباك وعايلتك كامل _ ايه فتحت عليا بصح لوقت هذاك كنت بالحمل وفوقها ولد جا فلحرام _ ميرااال حدك لتم منسمحلكش تحكي على بنتي هكا _ انا تاني بنتي ونحبها وغايضني حالها كي راني نحكي هكا بصح الحقيقة تقال الطفلة جات نتيجة الاغتصاب وفي دين تاعنا تعتبر بنت زنى ومكانش لازم عليك توشيني ولا تقربلي لانو زواجنا باطل حتى نولد وتفتح عليا لتم نرجع مرتك في الشرع _ وش راكي تخلطي يهديك ربي _ منيش نخلط واذا مش مصدقني روح سقسي اي امام وهو يجاوبك وزواحنا باطل في باطل انا ندمانة وبزاف تاني غلطت كي خليتك تمسني بعد زواج وفوقها كنت نطالب بحقي بوجه صحيح ومقزدر ندمت ندمت لوكان جيت نطالع على ديني راني عرفت بلي زواج باطل وموصلناش لهاذ المواصيل علبالك حتى من الخرجات ودخلات قبل زواج حرام في حرام وتعتبر زنى، كي تحكي مع وحدة مابينك وبينها والو حرام وكي تخرج وتقيسها يالوكان تشدلها يدها برك حرام وينك يادير علاقة كاملة معاها _ احبسي متتقلقيش بالشوي برك كلش يتوضح ذوك نسقسي ونعرف كلش نحوس ونعرف الجواب وان شاء الله مايكونش كلامك صحيح لانو راح تكون كارثة واللوم ماشي غير عليك انت مزالك صغيرة اللوم عليا انا مكنتش نعرف مع اني قاري وشايف بصح باش نتثقف ونتقرب من ربي مدرتهاش كنت متبع لقراية ولخدمة وناسي ديني ويمكن ربي عاقبني بالشي هذا لاني قصرت بزاف حتى من صلاتي ومنيش حاكمها مليح وينك يانحوس ونبحث في امور الدين.
#فريال