قدر مراهقة 2

الجزء 72

#قدر_مراهقة2
#ميرال_مجد
#بقلم_فريال
الجزء 72
فطرنا مع بعض وطلعت وجدت روحي وانطلقنا (رحلة افلاس الزوج وتعريته الراجل يحب الي تفرغلو جيبو مايحبش الي تشفق عليه وتلملو دراهم لانو في اول فرصة راح يبدلها ويشوف غيرها ودراهم الي كانت تخبي فيهم وتنحيهم من روحها وتزيدهم فيه هوما نفسهم الي راح يصرفهم على الخامجات برا ولوكان غير جاو يشبهو معليش نقولو عادي بدلني بوحدة خير مني وراهو يصرف عليها المشكل يبدلك بوحدة شارفة ومطلقة وتلقايهم كامل فاتو عليها وشبعو منها وماتشبه لوالو لا فلوجه ولا فلاطاي وهكاك تلقايه هابل عليها ومخلي مرتو زين ولاطاي وتربية ولقفازة ورايح للحرام). نهار هذاك درت حتى شبعت شريت صوالح كانو ناقصيني وزدت شوي شوالڨ وخيوط نحتاجهم (من اجل الاغراء واسعاد الزوج الكريم لازم نولفو بهاذ الشي وكل مرة نبدل منقعدش ديما بنفس الستيل تاع لبسة هو يمل وانا تاني لازم تجديد فأي علاقة خير ماتولي مملة) شريت قش للجين لقيتهم صغار يغيرو ويخرجو عليها طبوزتي بزاف وزدت فت على لافارماسي جبت دوا تاع رقاد بتخبية عليه وفتنا تعشينا وروحنا لدار طبوزتي كيما لعادة رقدت من تعب وانا روحت وجدت روحي ودرت شوي فاكهة ومسكرات وجو ولحتلو داو تاع رقاد باش يشد فيه وميروحش للخارج لانو حلفت (لحت في القرعة كامل باش ميشكش ونشربو لزوج ونرقدو كامل)، انا عدلت وفحفحت المهم وجدت روحي بيا (هو بلا والو لازم عليك تكوني نظيفة على جال روحك مش على جال الراجل النظافة من الايمان وكي تنظافي وتعدلي وتفحفحي تولي خفيفة وتفرحي، انا وحدة من ناس كي نعدل نزوق نفسيتي تتسڨم والمورال يطلع وينك يا كي يكون عندك راجل تهملي روحك يبدلك ويشوف غيرك اصلا مجاياش تبقاي بلخنز حنا مسلمين والنظافة لازمة علينا). كي جا بديت نتجرأ ونقلع لحشمة(اصلا متعرفش حاجة اسمها حشمة) المهم صرا الي صرا بدون ذكر تفاصيل عيب حوايج متزوجين (تعمدت نتعبو بزاف) كي كملنا جبتلو شرب الجو قولتلو تعبت بزاف ارقد غدوا تنوض بكري عندك طريق بعيدة، ماردش عليا لانو صاي طفى ودوا حكم فيه بعدها رفدت تليفونو وبعثت ميساج لباباه (قولتلو فيه بابا روح انت في بلاصتي انا منقدرش نجي غدوا راني مريض شوي وعندي شغالات بزاف منقدرش نخليهم روح انت في بلاصتي ياك تقدر) باباه رد تم عليه وقالو بالشفا عليك معليش نروح انا اصلا حاب نبدل شوي الجو كشما نرتاح ونجدد شبابي (وصح جددو بزاف بزاف وشبع منو وطفرت غير فلعجوز) كي كملت شربت الجو وطحت حطبة قدامو نرقد نرتاح بلا مانخمم في المستقبل ووش ندير لانو ديما انا نضحك شوي نبكي بزاف ولمصايب يطيحو عليا من سما.
#فريال