قدر مراهقة 2

الجزء 41

#قدر_مراهقة2
#ميرال_مجد
#بقلم_فريال
الجزء 41
فت للكوزينة باش نسخن لماكلة وهو خليتو راح لدوش لتم لتحت محبش يطلع قالي فشلت ومش قادر نطلع فدروج وش رايك تحي دوشيني مع لول كنت حانقبل بصح علبالي بيه ميركحش ويفزد كلش عليها خليتو يدوش وحدو ولا يقعد، كمل دوش ماطولش خرج لابس شورط ومن لفوق عريان يمشي ويبين في عضلاتو تقول راهو فعرض الازياء قولتلو استر روحك _ شكون راهو يحكي ماشفتيش روحك فلمراية كلش تاعك على برا صدرك مابقالوش ويخرج وت*** مفصلين ولوكان طابسي برك كلش يبان ظهرك كامل على برا هذا كامل وتحاسبي فيا كي ملبستش تريكو متنسايش انا راجل وحتى ونخرج عريان برا مانخسر والو _ هذا ماخصك تخرج عريان لبرا باش نسا يتفرجو فيك وفي صوالحك _ عادي وش همك انت _ كيفاه هذي وش همني راجلي ومن حقي نهدر مجاياش تعري روحك والخامجات يشوفو في صوالحي _ صوالحك؟ وينى صوالح _ انت كلك على بعضك تاعي وصوالحك صوالحي فهمت ولا لا_ مفهمتش معليش تفهميني، دخل فيا ودور يديه على ظهري هبط راسو لعندي بحكم فارق الطول الي بيناتنا مهوش بزاف بصح هو يحب يهبط راسو باش يقابلني ويجي وجهو في وجهي ويبقى يشوف في عينيا، كي يقربلي نتوتر ونخاف نضعف ونبدا نقول كلام نندم عليه من بعد لهذا فضلت نهرب خير. هيا ناكلو الماكلة بردت وانا جعت _ ايييه عندك الحق انا تاني زربان حاب ناكلك _ كول هاي لماكلة واعطيني رايك _ يعني انت طيبتي وحدك مكانش الي عاونك _ والله وحدي من صباح وانا هنا تعبت بزاف ظهري وجعني _ كثر خيرك من بعد نديرلك مساج يريحك _ قول والله تعرف _ ايه نعرف ندير بزاف صوالح ليلة نوريهملك واعطيني رايك، قال كلامو وغمزني الحلوف نيتو ديما خامجة جامي يصفيها مرات يبقى يحكي ويخلط في الهدرة حتى يحشمني ومرات مانديهاش فيه. تعشينا مع بعض ولا نقولو هو ياكل وانا غير نتعارك معاه يدو كل مرة يحطها في بلاصة مرات يقرصني من فخاضي مرة من صدري مرة يقرب يخطف بوسة من شواربي حتى قلقني انا كلش كلش وواحد يقيسني كي نكون ناكل منحبش الماكلة خط احمر بالنسبة ليا، وقفت حانوض طول حتى حكمني وحطني في حجرو ياكل ويوكل فيا ومع كل لقمة يبوسني مع لول قلقت منو بصح من بعد نساجمت معاه وتفاعلت ومافقتش بروحي غير وانا في شومبرة وهو يتغزل فيا وفي الماكلة وكلش ومن بعد قالي هيا ابداي ديري وش حابة ديري _ يااااامجد عيب عليك والله راك تحشم فيا _ ميشقاش ياعمري مايشقاش تحشمي ديري الي في بالك متخليهاش في قلبك هيا ابداي _ نوض عليا نووووض الغلطة مني انا الي جيت ليك برجليا انا الكلبة، مخلانيش نوقف ودار الي حابو وكانت احلى ليلة طيرني لسما سابعة تاع صح كنت فرحانة والدنيا مش واسعتني ومكانش في بالي بلي بعد الفرحة هذي جاي حزن ودمار لحياتي وراح يقلبها رأسا على عقب الي راح ينضر بزاف طبعا انا اكيييد شكون من غيري لازم يعاني ويبكي الدم.
#فريال