قدر مراهقة 2

الجزء 73

#قدر_مراهقة2
#ميرال_مجد
#بقلم_فريال
الجزء 73
نضت مدوخة نلقى لجين فاحمة بلبكا اييي وش رقدت كي شفت ساعة لقيتها 11 وبنوتي تبكي قاتلها لجوع نضت نجري لعندها رفدتها ديتها للكوزينة وجدتلها فطورها وهي مابغات تسكت تاكل وتبكي تشوف فيا بواحد طريقة تقسم لقلب كي شغل راهي تقولي علاه اماما خليتيني بالجوع وصح عندها الحق مكانش عليا نشرب الجو هذاك ونرقد ونخليه نسيت خلاص بلي هي تنوض بكري وزيد مجاياش نرقد انا ومجد لزوج لوكان تتحرق دار ولا يضرب زلزال مانفيقوش وتطفر فينا، شبعت ديتها معايا لدوش نحب ندوش معاها وهي تلعب بالما وتقيس فيا كي نتعرا قدامها تبقى تحط يدها وتمشي فيها (كيما باباها يحبو الاستكشاف)  دوشتها طبوزتي وفحفحتها وانا تاني لبست تم في دوش نخاف نخرج ونلقاه نايض يعجب فيا وانا اصلا عيت ومش قادرة لوكان نلقى نرقد عام مور بعضاه بلا مانفيق تأثير الدوا مزال حاكم فيا (بلاك ديرو غلطتي وتشربو دوا تاع رقاد وتخليو ولادكم وحدهم حتى ويكونو كبار ماتخلوهمش لانو ممكن في اي لحظة تصرا بيهم حاجة وتبقالكم ندامة طول عمركم انا بنتي مزية فقت على صوتها ومكثرتش اصلا بزاف دوا غير شربت شوي جو لوكان كثرت راني منفيقش وتبقى هي تبكي تبكي حتى تتخنق بعيد الشر عليها وتصرالها كاش حاجة ولتم ندامة ماتنفعش خلاص لهذا عسو ولادكم وماتغفلوش عليهم خلو شغالاتكم والهاو بيهم كاين بزاف نسا يخليو ولادهم ويتبعو الشغل مايلعبو معاهم مايقعدو نعاهم مايعسوهم يمدولهم تليفونات ويروحو يخدمو وغافلين على هذوك الاطفال الي ضاعت طفولتهم مع الاجهزة الالكترونية وماتدري وش يتبعو ويتفرجو ممكن يفسدولهم اخلاقهم وممكن تاني يشوفو لقطات في البرامج الكرتونية ويحاولو يطبقوهم كيما باتمان وسبايدرمان ياك هذوك يطيرو وينڨزو من السطح قادر ولادكم يديرو كيفهم وتطفر فيهم يا يموتو يايبقاو معوقين طول عمرهم، الشغل عمرو يخلاص لوكان تبعيه ماتقعديش خلاص خصصي وقت لولادك اقعدي معاهم اعرفي وش يحبو وش يكرهو قصرو العبو مع بعض علميهم بلي التجمعات العائلية خير من التليفونات والبرامج هذوك). درت لغدا ومسحت دار بوخفيف كاش نظيف علاه نتعب روحي انا ونهلك صحتي اذا دار نظيفة نقعد نرتاح ولا نهتم بروحي لانو الراجل مهما خدمتي وتعبتي مش راح يشوف تعبك ولا راح يقدرو وكي تهملي روحك راح يبدلك بكل بساطة واللوم يحطو فيك وناس توقف معاه تقولك لوكان قمتي بروحك وتهليتي فيه كي يدخل تقابليه بلمشبح ولمعري مش بالبدعية ومعصبة راسك وريحة لبصل وثوم فيك (منيش نضحك ولا نسب النسا الي يظلو فالكوزينة يطيبو ويغسلو وينقيو لا بالعكس نحتارمهم بصح الراجل ميشوفش لتعب هذاك هو يحب كي يدخل تقابليه بأحلى طلة وتعدلي وتزوقي باش يشلل عينيه فحلالو لانو لبرا يشوف انواع واشكال وغير لمعري والمكياج وروايح وكي يلقاك هاملة روحك حاجة باينة يروح لعندهم لهذا حاولي تخلصي شغلك بكري وخصصي نص ساعة ليك انت اعدلي روحك وقابليه).
#فريال