قدر مراهقة 2

الجزء 55

#قدر_مراهقة2
#ميرال_مجد
#بقلم_فريال
الجزء 55
ايا بلعي فمك علينا قالو مرتو مزالني محتارمك ونقول عمتي عيب نضربها بصح تزيدي كلمة نفزدلك خليقتك _ اييييه ربحت عليا صحيت اوائل وليد خويا حاب يضربني بصح وش يجينا من تربية سلنى الله يحرقها ليوم، هي تقول هكا ويتلاح عليها وائل كان ناوي يخنقها لوكان ماتلاحوش عمومي وجبدوه وهو مزالو يطير ليها وهي ناضت تعيط وتندب وتقولهم بغا يضربني وليوم نشكي بيه ووو سكتها خليل قالها اشكي لعزرينك بعد ماعندك ماتقضي جاية لدارنا وتسبي في يمانا وحابتنا نسكتولك احمدي ربي كي مزالنا نهدرو برك لوكان خرين راهم عفسو عليك ورماوك برا امالا لمي لقدر الي بقالك وروحي منا خير مانرجعو في حوايج كبار _ ماجيتش عندكم جيت لدار خويا ونهار تشوفوني في داركم لتم واحكيو هذا اذا عندكم دار كي رجال نتاجكم بديارهم ونتوما مزالكم ساكنين فدار باباكم يصرف عليك، نطقت انا وقولتلها شتي ديار الي مقابلينا لزوج تاع خاوتي والحمدلله لزوج بخدمتهم وديارهم ولوطواتهم ماشي كيما ولادك دراهمهم كامل راحو في السهرات ونسا ولحب وقبل ماتضحكي على ولاد ناس شوفي ولادك وهيا ذوك طبقي منا بيك بزبل الي معاك، هنا زعما نطقت جداتي الله لاتربحها تحب ترطب وتسڨم لحالة بكري كامل كانت ساكتة وكي شافت بنتها نهانت نطقت قالتلنا عيب تسبو عمتكم هكا ويجي وليدي نخبرو وش تربية هذي _ كيما تربيتك انت شتي بنتك وش كانت تقول ماحتارمت لا لميت لا والو وجاية تسب وتكذب تتبلى في بابا وترمي عليه لباطل ونتوما ساكتين وكي نطقنا ندافعو على رواحنا ماعجبكش لحال _ ادخلو نتفاهمة لداخل ونحكيو _ افرقو السوق لا نعيط لبابا يجي يرونكم كامل ولتم شوفو كيفاه تسڨمو لحالة، قالتلي عمتي باباك الي عيطلنا وقالنا وجدو لعشا لعروستي جديدة كان ناوي يدير عرس بصح مكفاهش لوقت زربان _ ايييياااا بلعي علينا كعاد ميتة على زواج زوجي راجلك وبعدي على بابا لانو من سابع المستحيلات يتزوج على ماما _ ماماك ماتت وراجل صبرو قليل تموت مرتو منا يجيب جديد _ هذاك راجلك انت بصح بابا مايخونش ماما مستحيل _ هاه شوفي وراك هاهو جا باباك ومرتو، قالت كلامها وبدات تزغرت وتعاود هي وبنتها انا دورت راسي لباب دار لقيت بابا واقف ومع هاجر ووجهو كحل وعلامات الصدمة باينة عليه هو وياها بقات كلمة باباك تزوج وهاهي عروستو وتزغريت تاعها يدور في راسي كلش فيا يرجف حاسة قلبي راح يخرج من بلاصتو ويدي بدات ترجف ماهتميت لا بيها لا والو كل الي كان هامني في اللحظة هذيك نفهم وش كان ونسمع تبريرات بابا وينوض يكذبهم ويقولنا انا ماتزوجتش منقدرش نخون يماكم وحدة ماتجي في بلاصتها تبقى هي ديما مرتي الوحيدة ومنيش نخمم في زواج ابدا لا ذوك لا من بعد متخافوش باباكم يبقى ليكم وحدكم ماتدخل حتى مرا لهنا.
#فريال