قدر مراهقة 2

الجزء 32

قدر_مراهقة2
#ميرال_مجد
#بقلم_فريال
الجزء 32
دوشت فحفحت روحي مليح مليح ولبست لعجب لمعجب هذاك ماجيت نلقى كيفاه يتلبس بشق نفس جاي داخل في بعضاه وكي لبستو زاد فيا نص هو صح ماهو مغطي والو بصح عادي ياك نلبس لراجلي كلش حلال محلل (نلبسلو في دار خير مايخرج لبرا ويحوس على الخامجات الي مستعدين يديرو كلش وبلا مايترددو)، شفت فلمراية لاخر مرة وعلى وجهي علامات الرضى من قبل كان جسمي شوي شوي مش تاع مرا كاملة مكملة تعبي لعين بصح بعد ماولدت تعمرت ومع سبور تعدلت لاطاي تاعي رجعت مليحة ومتأكدة بلي راح نقنعو ونعجبو. لبست الكيمينو تاعها وخرجت نتعوج لقيت راجل واقف قدام لمراية ويمشط في شعرو احييي عليا هو يمشط شعرو وانا نسيت بكل باش نمشطو هاه راجل يعدل ويزوق خير مني بديت نغير بصح اصبر عليا برك لوكان مانخليكش تنسى روحك منيش ميرال بنت رشيد وسلمى. قدمت عندو بخطوات معوجة هي انا يبالي فيهم تاع اغراء بصح غير تعواج فالباطل مع لخير الي هازاتو كل حاجة تترعد وتعمدت ندير شوي الحس باش يدور ويشوفني ويحس بيا شوي ونعرف ردة فعلو، طاحت لعين فلعين (تفكرت الاغنية هذيك يا العين في العين تلاقينا الاثنين انا نقولها بالخميس، ياانتيا يازين ربي يحفظك من العين). كي شافني شبه عريانة هكاك تشوكا علبالكم بصح في سع دور وجهو وقالي نبداو كلش من جديد روحي توضاي وهيا نصلو باش ربي يباركلنا في زواجنا، كي قالي هكاك تفكرت بلي لازم نصليو وانا زربت على دخلة تقول انا الراجل لمزية فكرني باش نبداو كلش من جديد وعلى اساس صحيح. توضيت ولبست طقم الصلاة صلينا زوج ركعات قرا الدعاء تاع دخول (اللهم إني أسألك خيرها وخير ما جبلتها عليه، وأعوذ بك من شرها وشر ما جبلتها عليه). لتم انا تعريت قلعت الطقم وزدت الكيمينو بقيت بنص شرويقة هو بقا مشوكي من جرأتي الزايدة كان في بالو راح نحشم ونبقى نتخبا ونقولو طفي ضو ومن هذاك الشكيل بصح انا درت لعكس وقدمت طبعت بوسة على شواربو كانت كفيلة انها تعبر على كلش وكانت اشارة ليها انو يقربلي ويتنحالو التردد الي كان باين على وجهو كان متردد وخايف يقربلي ونوض نعرش ونندب زي قبل بصح انا خرجت عكس توقعاتو اصلا هو راجلي حلالي شاف كلش وزدت جبت طفلة منو هاه مابقى والو حلالي خلي ندير وش نحب مرة انا ومرة هو وهي ماشية، بعد البوسة هذيك طار كلش وصرا الي صرا (لا داعي لذكر التفاصيل عيب امور لكبار ملازمش تعرفوهم).
#فريال