قدر مراهقة 2

الجزء 21

قدر_مراهقة2
#ميرال_مجد
#بقلم_فريال
الجزء 21
قعدت فوق الفوتاي ومربعة رجليا وهو مقابلي قاعد يتفرج فيا تقول كاش مهرج قدامو ولا مسلسل مافقتش كيفاه نطقت وقولتلو هبط عزرين عينيك كليتني تقول عمرك شفت مرا قدامك _ صح عندك الحق شفت نسا بصح كيفك جامي شفت ماتباني مرا ماتباني طفلة صغيرة ولا طفل والله وماجاوش عندك هذوك تضاريس(اشار بيدو على صدري) غير نحطك طفل مام مشيتك زي الزوفري _ حشمتني والله ماقدرت على هاذ الاطراء انا على الاقل رجلة على شي ناس _ تخنزر فيا وعيط قالي وش تقصدي بكلام انا ماشي راجل انطقي، عرفت روحي بلي زبلتها وليلة يقتلني قبل مانقتلو وكلش يروح في مهب ريح. نطقت قولتلو ماشي عليك والله نحكي على هذوك الي برا يمشيو ويتعوجو زي لبنات اخاه انت شكون جبد سيرتك اويلي انت راجل ونص لوكان ماجيتش راجل مانقبل نتزوجك _ بلعييي كل ماحكيتي كل ماهردتي لحالة الاحسن تبلعيه انا قلت بعد ماتروحي لطبيبة اكيد راح ترتاحي وتركحي بصح انت والو كل مايفوت لوقت كل ماتزيدي تهيجي وتتفرعني مش مليح لواحد يسايرك ماتجي كان بالعين الحمرا _ شكون قالك انا نروح لطبيبة اذا تاع دارنا ومعلبالهمش كيفاه عرفت انت ولا عندك جنون يخدمو معاك _ من نهار خرجتي من دار وانا مراقبك علبالي بكل خطوة تخطيها وخليتك على راحتك محبيتش نضغط عليك عارف بلي الشي الي فات عليك صعيب وزاد كمل عليك الاكتئاب الي جاك مور لولادة خلاك تفقدي عقلك وتبعدي _ كاين حوايج خرين واهم خلاوني نبعد _ الي هوما؟_ ماعندو مادخلك فيهم وقولي علاه لجين تبات وحدها مخليها في شومبرة وهي صغيرة وانت راقد وحدك كشما راك دير من ورايا؟ راك دخل في نسا وتبيتهم في دار؟ اييي عرفتها والله عرفتها كيفاه راجل ساكت ومخليني على راحتي فدار والديا وصابر المدة هذي كامل باين راهو شابع من جيهة خلاف رامي طفلة وحدها ترقد في شومبرة وهو قاعد يتمتع مع لهججل وفوقها جايب قشي وحاطهم فلخزانة باش يلبسوهم لق*** وانا الي مزال ماحطيتهم على لحمي تمتعو بيهم الخامجات الي من واحد لواحد وربي يجيبهالك يا الخاين الكلب الخانز عمرك تتربى لاعبها تحبني وانت تخون فيا ولوكان غير بعدت وخنتني لا انت قاعد تخون فيا في نفس دار الي حاطط فيها بنتي ومخليها تتربى وسط لعفن ولخماج، قولي برك انت ماتخافش من لمرض يعني لدرجة هذي هانت عليك عمرك تمس وحدة مسوها بزاف ودارت على نص دزاير يمكن تكون هازة كاش مرض يعديك وتموت شوف مليح فيا من ليوم مانعرفك ماتعرفني ورايحة نطلق منك.
#فريال