قدر مراهقة 2

الجزء 96

#قدر_مراهقة2
#ميرال_مجد
#بقلم_فريال
الجزء 96
ضحكو كامل كانو فرحانين بيه من غير واحد الزبلة تمشي وتنسف ومش عاجبها الحال وكل شوي تعيط وتقولهم كعاد وليد مجد درتولو وفرحانين وانا مفرحتوش بولادي ومتحبوهمش كيف ولاد مجد، لازم تخربها عليا من ديما هكا كل مناسبة تفزدها وميبردش قلبها حتى تفرقنا وكعاد باباها مش هنا زادت لقات راحتها ودايرة فيهم رايها. بعد ماتفرق لغاشي مع لعشية كنا ملمومين وهي في الكوزينة كانت تحكي وتعيط باش تسمعني ايا قالتلهم وش يجيكم منها تجيب لولاد وترميهم كيما دارت لطفلة شهور وهي مرمية عند باباها وهي بقات تتلوهط ومن بعد حڨا حڨا رجعتلها وتحبها ونهار ماتت مرضت ونضرت وهي غير تمثل ماغاضتها ماوالو تحب تمثل وربي كي شافها متصلحش نحالها الطفلة وان شاء الله يزيد ينحيلها الطفل هكا باش يترباو كيف هي كيف راجلها طينة وحدة ندعي ربي ليل ونهار باش مايشوفو لخير ولا يصلحلهم طفل ربي يحرقلهم قلوبهم كيما تحرق قلبي ان شاء الله يموت ولدهم هذا ثاني، انا هنا عيت نشد روحي نحمل كلش كلامها الجارح والمسموم ونظراتها وفعايلها وكلش نسكت عليه بصح تلحق وين تستشفى في موت بنتي هنا منقدرش نشد روحي وفوقها تدعي على وليدي وهو مادارلها والو وانا تاني ماقستهاش بصح والله ماتفوت بخير. دخلت للكوزينة لقيتها قاعدة ومدايرة رجل فوق رجل وتحكي وتضحك فتليفون ماحوستش نفهم مع شكون تحكي ديراكت دفلتلها على وجها هي هنا ناضت زعما باغية تضربني ونخبطها بكف لكلبة قالتلي ق*** وبنت حرام انا تقوليلي هكاك يالخامجة ونتلاح نحكمها من شعرها ونضربها بركل جات طايحة ونطلع فوقها نضربها بلكفوف والبونيات والكوتبيات قتل. تها ونحكمها من شعرها ونجبد فيه اصلا عندها زوج شعرات وطيرتهملها ونخبطلها راسها فالكرلاج _يالخامجة الكلبة الفايحة انت تحكي عليا هكا وتسبيني وتستشفاي فيا انا، ننضرب ونسب هذي ليك وهذي لراستك الخامجة وهذي لخوك الي بسبابو عاشرت عباد كيفك وسكنت معاهم. لا خاطر خوك كبير يلزملو سلخة تهبل ونحكمها بلكفوف شي 5كفوف وزدتلها بونية لنيفها وحكمتلها يدها الي رفدتها عليا عوجتها حتى طرطقت، مابعدت عليها حتى تغاشات كي خلصت درت ورايا لقيتهم كامل يتفرجو فيا ومجد معاهم مداير يديه في جيوب السروال ومتكي على الحيط_ كملتي ولا مازال حابة تزيدي _اففف الحمدلله بردت غدايدي ومكلاه تقولي وعلاه ووش داك ولوكان خليتيني راني جبتلك حقك وووو...  تعرفني بلي نجيب حقي بيدي ومنحتاج حتى واحد واذا غاضاتك اديها لسبيطار_تستاهل لوكان خليتيني راني عطيتها طريحة خير من تاعك _ نستعرف بيك مرتي الغالية.
#فريال