قدر مراهقة 2

الجزء 10

#قدر_مراهقة2
#ميرال_مجد
#بقلم_فريال
الجزء 10
دار ليا يضحك وااااه من ضحكتو تذوبني توحشتو وتوحشت ضحكتو وكلش يخصو كنت رايحة نتلاح نحضنو ونبوسو من بعد تفكرت بلي متصلحش اطلاقا ولازم نثقل روحي، فواش راكي تخممي مرتي لعزيزة _ والو ومكلاه تديها في روحك وتقول غارت ومنعرف وش انا جيت على جال لجين برك غاضتني كي بقات في يدين وحدة خامجة زي هذيك نخاف ترجع زيها وتحصل انت فيها _ اصلا شكون قال بلي انت غرتي واحد ماقال _ ايه متقولش خير اسكت ومن الاحسن اخرج متبقاش فوسط نسا عيب _ لوكان مش خوك مندخلش اصلا _ اخرج ذوك وادي بنتك ترقد اي نعست مسكينة _ بنتي وحدي؟_ ايه وحدك اديها وروح اصلا فض لعرس _ لوكتاه راح تبقاي هكا _ علاه وش بيا انا _ والو غير راكي تعذبي في روحك وتعذبي فينا معاك خليتك على راحتك ومبغيتش نقلقك بصح كثرتي على ماوصاك بنتك بدات تكبر وتعرف _ خليها معاك احسن ليها وذوك روح تروح _ حتى تحكي معايا وتفهميني شبيك علاه راكي تهربي مني _ روح وكي يكمل لعرس نحكيو ونتفاهمو على كلش _ اوك براحتك النيمرو تعرفيه عيطيلي نجيك في اي وقت _ باي. فض لعرس خليل دا مرتو للاوتال وراح وانا وليكيب ناسيونال روحنا لدارنا كامل باتو عندنا زربت بالخف فت لدوش دوشت وغلقت عليهم شومبرة ماعياو يطبطبو بنات عماماتي والو خليتهم زي لقحاب برا يرقدو معاهم ولايقعدو بعد وش سمعت مستحيل نزيد ندخلهم لشومبرتي ولا نقربلهم نعاملهم كيف الغرباء.  كي ركحت لحالة كل واحد شد بلاصتو عيطتلي اسيل ورنيم قالولي افتحيلنا لباب نرقدو عندك (شومبرة رنيم غلقوها لمو فيها كلش لحوايج لمهيمين كامل حطوهم لثم متقدرش ترقد فيها)، فتحتلهم الباب دخلو وحدهم مجابوش ولاد اسيل كي سقسيتها عليهم قالتلي شدتهم يما وخالتلي رقدو عندهم _ ايه بيا على الاقل نرقدو بلا مايقلقونا نهار كامل يندبو زي يماهم _ اووو عيب شوي احترام راني قدامك على الاقل متقوليهاش في وجهي جامليني شوي لوكتاه تبقاي هكا ترمي كلش فلوجه _ الهدرة فلوجه دوا ايا خلوني نرقد نعست _ وين ترقدي وحدك اصبري نلصقو سرير تاعك فتاعي باش ترقد معانا رنيم _ منلصقش تعرفيني منحبش الاحتكاك نرقد وحدي احسن نطقت رنيم والفتي بيه وكي بعدتي عليه مبغيتش ترقدي قدامنا خايفة تغلطي تحضنينا وتنطقي باسمو وتتفضحي _ شكون انا؟ حاشاك هذوك خدايمك انت تغفاي في نهار شوي يجي يقيسك كاش واحد تبداي وائل خليني نرقد وائل توحشتك ارواح ترقد معايا _ كلبة _ زيك _ هيا خليني نرقد اهبطي للرض ولا شوفيلي حل تعبت وغدوا نهار طويل _ خلاص نلصقوهم في بعض بصح متقربيليش اي حركة نجيبك فلرض _ تقول ميتة عليك فريجيدار ارحم منك باردة على القطب الجنوبي.
#فريال