قدر مراهقة 2

الجزء 08

#قدر_مراهقة2
#ميرال_مجد
#بقلم_فريال
الجزء 08
دخل خليل ومعاه لولاد كامل (منبقاش نسمي بالواحد بسلامتهم راهم عرش كبير) زاد دخل معاه مجد نشوف فيه مهبط راسو ماخزر في حتى وحدة وياربي ربي شحال شباب عندي بزاف مشفتوش بصح يهبل راجلي ماخصو والو منعرف وين كان عقلي كي خليتو وروحت ونسا يكحلو عليه بلا حشمة بلا حيا لمزية فقت قبل ماتطفر فيا ونرد ممتلكاتي ليا لازم نحطلهم حد وجوه لبق مايليقلهم كان ضرب لانو ميفهموش وانا يدي تاكلني لازم ندير عركة باش ترتاح. قطعو لابياس مونتي وكلها ووكلاتو وركلبلها لخاتم وهي تاني زعما زعما حشمانة تشوف فيه من لتحت لتحت وهي لوكان لقات تتلاح عليه قدامنا بعد، شطحو مع بعض على اغنية فيصل الصغير قصة غرام (وفرحت ملي ربنا كتبني ليك.. عرفت النسا بصح أنتي unique …. 
  MonReve تكوني معايا..
أنا نصلي وأنت من ورايا..ونعيش معك قصة غرام... Cest-a-dire ma femme.
فرحت ملي ربنا كتبني ليك... عرفت النسا بصح أنتي unique….
MonReve تكوني معايا..
أنا نصلي وأنت من ورايا..ونعيش معك قصة غرام... Cest-a-dire ma femme.
تستاهلي ندير معاك livert de famille.. كل صباح نشوفك قدامي... هدا وعد عمري وJe te Promets ... نحلف أنا ما نغبك جامي... لو كان نصيب كلمة فوق نبغيك...
chaque jour عمري نقولها لك.
sacrifie عليك حياتي.
عندي ربي وميمتي وأنت... والدنيا هادي نعيشوا une fois... انتيا mon choix.
تستاهلي ندير معاك livert de famille.. كل صباح نشوفك قدامي.
هدا وعد عمري وJe te Promets .
نحلف أنا ما نغبك جامي... و جاب ليك ربي كي تخطيني غادي ونموت.
شفتيني نعشق sans faute .. قلتي خلاص جبتيني على رأسي …
أنا إللي بغيت …
أنا إللي بغيت..
يا با يا ما وشحال عييت... و صابر وشحال استنيت... جبت الهواس أنا لرأسي..)
بقيت نشوف فيهم ومتبعتهم وتفكرت نهار عرسي الي مفرتحش فيه وكنت مشنفة انا هكاك ونشوف لالة هند(بنت عمتي الي ناوين يزوجوهالو وحاطة عينو عليها وتتلاح عليه بلا حشمة) نشوف فيها رافدة بنتي لجين ورايحة جيهة مجد انا جنوني حضرو كي شفتها قربتلو ماهتميت بوالو لا بالناس لاوالو لحقتها لقيتها لاصقة فيه مدتلو لجين وبقات تبوس فيها وتتمحكك يد فيها ويد فيه هو مصمطها ومقلب وجهو بصح هي والو محشمت ماقالت عيب راهو راجل متزوج وزادت كملت عدلتها مليح كي قالتلو علاه متعاودش زواج خير ماراك وحيد 6شهر بزاف عليك وبالنهاية انت تبقى راجل وتحتاج الي تسخنلك فراشك (بايعة الحشمة الرخيسة هذي).
#فريال