قدر مراهقة 2

الجزء 103

#قدر_مراهقة2
#ميرال_مجد
#بقلم_فريال
الجزء 103
فاتو ليام وشهور بريت شوي ولعبتها نسيت حكاية الحمل ونحيتها من بالي اصلا هو كان يدير احتياطاتو وانا نمشيلو في الخط حتى طيحتو ودرت رايي ورفدت تانيك ولمرة هذي يسب فيا ونايفين ومش حاب يحكي معايا وقالي نروح نخدم بعيد ونخليك وخلي وخلي بزاف هدرات حكاهم وانا ولا على بالي المهم رفدت ودرت رايي والصح في البيبي هو يزعف وكي يتنحالو الغش يرجع عادي وهذا الي كان فاتو شهور ولحقت لرابع، نشفى كانت تحطلكم في قصتي الجزء الثاني وايا كنا عند عجوزتي متلمين تعشينا وكلش واووب يدخل الشايب ومعاه واحد لمرا مدايرة حجاب وباين بلي مش منا من شكلها تبان اجنبية وفوقها كرشها خارجة ومعاها طفل يجي قد رسيم وليدي اييييه ياشايب درتها وواحد مافاقلك. دخل لمنا كامل وقبل مايبدا يحكي فهمنا ومفهمناش انا كنت متأكدة بلي مرتو لانو كان يشوف فيها نظرة اعجاب هاه لحلوف طايح على راسو وخلط لحالة، بدا يحكي بلي كي راح للخارج ووقت كورونا بقى تم وحصل  ومكانش الي يقوم بيه تعرف عليها وتزوجها ودخلها للاسلام (هاه الشايب والفتوحات الاسلامية خلي هاهو نجح ودار حاجة مليحة بدل سلالة ونوعها) وايا جابت طفل وكي تحلو المطارات جابها هنا وشرالها دار وبقى رايح جاي عليها بلا مايفيقو وكان يتحجج بالخدمة وهو يبات عندها وذوك كعاد قربت ولادتها جابها قالهم مبغيتش نزيد نخبي وياك دنيا اخرتها موت نخاف من غدوا يدي ربي امانتو ونخليها وحدها هنا تتميزر بلا بيا عليها جبتها هنا تبقى بيناتكم ويترباو خاوتكم في وسطكم. هنا كامل سكتو واحد مابغى ينطق من غير لعجوز قالتلو ارفد مرتك وبرا عليا وكيما بدلتني وهانت عليك لعشرة انا تاني نبدلك _ يالعجوز شهدي واستغفري رانا كبار ونعرفو صلاحنا علبالي غاضاتك كي زوجت ومخبرتكش بصح افهميني كنت لهيت وحدي ومحتاج مرا _ مانفهمك ماتفهمني ارفد مرتك وبرا عليا ومذابيك طلقني ولا نديرلك الخلع مش انا الي دخل عليا ضرة على اخر عمري حملت وفوت وصبرت معاك باش مع لمر تجيبلي ضرة قد ولادك ها والله مانقبلها انا الي كنت بعزي وشاني ورجال يجريو ورايا ونبدل فيهم كي تقاشر جيت انت قبلت بيك وكنت معمية وهكا تجازيني بضرة طلقني وهنيني _ منطلقكش متهونش عليا العشرة _ انا تهون طلقني ونرجع لصاحبي لول ماعيا يحاول فيا باش نطلق ونرجعلو وانا رفضت بقيت لاصقة فيك وخرجتلي خرجة عجب هيا نفرقو السوق كل واحد يعيش حياتو كيما جددت شبابك انا تاني نبغي نطلق ونعيش مع الي يستاهلني ويردني بنت العشرين لوكان مجاش حرام راني جبلتك ضر بصح متصلحش.
#فريال