قدر مراهقة 2

الجزء 66

#قدر_مراهقة2
#ميرال_مجد
#بقلم_فريال
الجزء 66
زعما ناضت تعيط عليا معجبهاش كلامي وبغات تبدا في دراما تاعها قالتلي احشمي واحتارمي روحك لا نوض نكرفسك _ مرة وديريها والله العلي العظيم غير نعفسك ومانقول اخت بابا ولا كبيرة عليا _ شت يارشيد بنتك وش راهي تقول نوض ليها ربيها ولا نحرش عليها بناتي يقتلوها ليلة _ احكي معايا انا متحكيش معاه هو. فت قعدت انا وخاوتي كامل وكملت كلامي قولتلها نهار زوجتو بابا ودرتو لغنا وتزغرتو وماما قبرها مزال مانشف ماحشمتوش وذوك كي زغرت عليكم بمناسبة خروجكم من لحبس مش عاجبك لالا عيب والله وحدة بوحدة، نطقت ام بابا قالتلي اسكتي مديريش لمشاكل جيتو طلو عليا اقعدو واحد مايقيسكم بصح مكلاه تتبلاو _ ايه ذوك نطقتي كي جات في بناتك غاضك لحال بصح كي كانو يستشفاو ويضحكو وييبو ماما ماقولتي والو مع انو هي جامي قاساتك وكانت تحتارمك والي تطلبيها تحضر بصح غير ماتت دورتي عليها كيفك كيفهم بصح وش  يجيك من عباد مايخافوش ربي هاه شتي وين وصلوك للحبس على اخر عمرك دخلتيلو وهذا كامل في جرت بنتها الي تظل تفوخ بيها وكانت ناوية تزوجها لراجلي زعما زعما بنت اصل وهي مخلطتها بكراع الداب وهي الي باصاتكم سمعت بلي لقاو الغبرة في دارك وفب ساكها وبلمعارف ورشاوي خرجوكم _ سكتينا انت بنتي خاطيها تبلاوها _ ايه تبلاوها وغلطو فيها لوكان نبغي فيكم والله يالحبس غير تدخلوه بالسنين عندي خاوتي وراجلي بمعارفهم ويقدرو يفضحوكم كامل امالا اركحو ومتزيدوش تجبدو ماما ولا دورو بريتال وبالاخص انت (شيرت على ام هند)  تخطي جرتنا ولا نعفسك مكفاكش وش درتي ذوك رجعتي تعمري راس طفلة صغيرة جابة تهبليها وجه الشر_ بلا ماتطلقي بلاك عليا مادرت والو ديما تحكيو عليا انا وبناتي بلا حتى دليل تتاهمو فينا _ صح عندك الحق لازم دليل اصبرو تشو، جبدت تليفوني ووريتلهم الفيدو تاع هند كي كانت في الكباري مع واحد كلوشار هو البارون تاعهم تشيش وتضرب في الغبرة ولابسة نص ميترا ماتغطي والو قدامهم قراعي الشراب وكلش وهي تشطح وتشرب وفوقها تتحكك عليه الي لتم كامل هبطو ريوسهم غير النسا بقاو يشوفو قولتلهم نزيد نوريلكم كثر ولا مكلاه، ناضت ليا هند قالتلي منين جبتيهم هذو كذب حابة ديريلي لمشاكل وراكي غايرة مني ومكانش منها دارت ليهم تحلف وتبكي زعما انا ظالمتها ومنعرف وش قولتلها ماظلمتك ماوالو انت سباب روحك وكلش بالدليل واحد ماهو يكذب ولا يفتري عليك واذا مصدقتوش الفيديوات هذو روحو للكباري يمدلكم نسخ على كاميرات المراقبة.
#فريال