"MAGHINTAY KA LAMANG...AKO'Y DARATING"
Kathambuhay na Nobela ni Zampagitang Azul
IKASIYAM NA KABANATA
AGAW-LIWANAG-AT-DILIM
Ikaisandaa't Walong Tagpo
Maraming tao nang nagkakagulo sa labis na kasiyahan nang dumating sina Ernie at Ine sa Tokyo Disneyland para maki-join sa selebrasyon ng ika-40ng taong anibersaryo nito. Wala silang nagawa kundi makipagsiksikan na rin sa iba't ibang lahi sa mundo na nagkakatipon sa nabanggit na okasyon.
Iginala ng mag-asawa ang kanilang paningin na nagbabaka-sakaling matagpuan sa kalipunan ng mga tao sina Louie at Jessa hanggang maagaw ang kanilang pansin ni Bea Jessa, ang transgender na napagkamalan nilang artistang si Bea Alonso, na nakapulupot sa French nitong BF na nasa bandang unahan nila.
"Bea Jessa!" tawag ni Ine. Lilingunin siya ng tinawag.
"Hi Tita Ine...hahaha this is John, my French BF..." ganting tugon ni Bea Jessa.
"Hello Tita Ine, how are you? It's nice to meet you!" bati naman ni John sabay-abot ng kanyang kamay kay Ine.
"...nice to meet you too..." sabi naman ni Ine, "by the way, this is my husband Ernie..."
"How are you Tito Ernie?" "Fine!" simpleng sagot ni Ernie kay John.Di-namamalayan ng mag-asawa na nakalapit na pala si Louie sa kanila at ibinibidyo na pala nito ang pakikipag-usap nila sa mag-bf na Bea Jessa at John habang nakasunod si Jessang nakangiting pinapanood sila.Lalong nagkagulo na ang mga tao nang magsimula na ang parada ng iba't ibang Disney Characters na nakasakay sa naglalakihang mga karosa.
Colorful ang buong paligid dahil sa makukulay na costume na suot ng mga mananayaw sa compound ng Tokyo Disneyland na nasa unahan ng naggagandahang mga karosa na nag-iindakan sa saliw ng sarisaring musika at tugtugin.
Hiyawan ang mga tao sa pagdaan ng bawat karosa na sakay ang iba't ibang Disney Characters na nagtatampok kina Cinderella, Mickey Mouse, Donald Duck, Peter Pan, Snow White, Alice in Wonderland, Captain Hook, Bambi, Pocahontas, Tinker Bell, Aurora, Stich, Aladdin, Mulan at marami pang iba.
Di-magkamayaw sa sigawan at labis na kasiyahan ang mga tao. Mga bata, matatanda, mga mag-bf, mag-asawa, halos lahat ng naroon, abala sa pagkuha ng mga sobenir na larawan. May mga nagse-selfie din. Abala naman ang iba sa pagbibidyo ng kani-kanilang favorite na Disney Characters na may umaawit, sumasayaw o nagbibitin sa mga baging na sadyang idinisenyo sa grandyosong mga karosa.
Namaos na sa kasisigaw si Ine. Tahimik namang nasisiyahang nagmamasid si Ernie sa mga kaganapan sa loob ng Tokyo Disneyland. Parang langgam naman sa sobrang ka-sweet-an sina Louie at Jessa gayundin ang mag-bf na Bea Jessa at John.
All reactions:6Carol Palomo Legaspi, Carolina Javier and 4 others
BINABASA MO ANG
"MAGHINTAY KA LAMANG..AKO'Y DARATING"Kathambuhay na Nobela ni Zampagitang Azul
PertualanganKATHAMBUHAY NA NOBELA NI ZAMPAGITANG AZUL ISANG KATHAMBUHAY NA NOBELA NA TUMATALAKAY SA KAHIRAPAN NG BUHAY, PAGDURUSA, PAGSUBOK AT MABIBIGAT NA HAMON NG BUHAY NA NALAMPASAN NI ERNIE NA ISANG HAMAK NA TRABAHADOR KASAMA NG MGA TRABAHADOR NA BIKOL SA P...
