فدار الوافي.....
ناضت غيثة لبيتها خلات الهام مع رنيم كتعاود ليها تفاصيل الغذا كيف داز و شنو اتافقو مع خطيبها و عائلتو
-الهام: اتفقنا العرس يكون فاللخر د شهر 8 قولي من هنا 3 اشهر ان شاء الله المهم لاكط كيف قلت لك الصباح من هنا 15 يوم ان شاء الله يعني ا الزوينة بلاما تحاولي تمشي لداك العرس-رنيم: ماناوياش نمشي ليه، نتي اللولة ا صاحبتي
-الهام: ان شاء الله نحضر لفرحك حتا نتي
-رنيم: ان شاء الله، الله يجيب غير اللي يفرح بينا
-الهام: انا فبالي واحد غير ماعرفت واش داكشي اللي كنفكر فيه نيت كاين ولا لا
تكمشات الجبهة د رنيم بتفكير حتا طاح فبالها اللي عليه داوية صاحبتها و نطقات كتحرك فسبابتها بالرفض
-رنيم: لا لا لا ماتحاوليش-الهام: علاش!
-رنيم: ماباغاش نتيق فاللخر مايكون والو
-الهام: دايرين فولو لبعضياتكم فانسطا و كتهضرو و ماكاين والو؟
-رنيم: خليني نصحح لك، كنهضرو مرة مرة الا كنت لايحة شي ستوري و جاوبني عليها فقط، سؤال على الاحوال و نايس ولا ايموجي و صافي هادشي حتا هو يعولو عليه الناس؟ و زيدون 6 اشهر باش تعارفنا فالخطبة ديالكم را مدة طويلة كون كانت فنيتو شي حاجة كون هضر من شحال هادي
-الهام: فخبارك كل مرة يشوفني كيسولني عليك! واش لاباس عليك اش كتعاودي شحال هادي ماشافك، كل مرة بلا استثناء اول حاجة يسول عليها هي نتي، كتجيني شي حاجة ماشي عادية
-رنيم: عادية ا الهام بلاما تدخلي ليا هاد الافكار لراسي، كنقول لك مدة طويلة اللي دازت كون كنت كنعجبو كيف كتقولي كون هضر (قلبات عينيها لاوية فمها) اصلا الكونط عندو مطرطق بنات و كل مرة مصور فجهة باينة للعما اشمن نوع هو ماشي بحال سعد واخا راهم صحاب الروح بالروح
-الهام حطات ايديها على قلبها: راجلي انا را ماكاينش بحالو (كملات بجدية) وا بصراحة باينة فيه عينو زايغة و لكن غير بيني و بينك كاين شي واحد فهاد الزمان ماجامعش عليه البنات! واحد بوكوص بفلوسو بطوموبيلتو ديال راسو فنظرك غادي يكون سيليباطير؟
-رنيم: ها نتي قلتيها، كون كنت كنعجبو غيبغيني انا ماشي يكون مع وحدة خرى
-الهام: يمكن نتي ماعاطياهش وقت و مامبيناش ليه بلي كيعجبك
-رنيم: و مالي هبيلة نبين ليه! هو اللي راجل كون هضر كنت غنهضر ماحدو ساكت حتا انا ساكتة و عمرو يسمع مني شي حاجة
أنت تقرأ
غفران- قصة عشق تستحق الصفح (مكتملة)
Romanceهي قصة بنت كيقودها القدر للزواج براجل اختها المتوفية باش تكتاشف فالاخير بلي مو ت اختها يثير الشكوك و الاهم داك الزواج ماشي صدفة 💔 هي قصة حب من حطام قلبين، قصة واقعية 100٪ تجمعو فيها جوج وقائع من صلب الواقع و اكيد انكم سمعتوهم او ديجا دازو عليكم الا...