ودعات الحاجة ولدها كترضي عليه بأمل كبير مجتاح كيانها، محتاجة ترجع تشوف حفيدها مرتاح، توحشات تشوف ضحكتو، بسالتو معاها، الحيوية اللي كتكون فالدار بسبابو، هادشي كامل اللي تبخر من نهار تزوج او بالاحرى من نهار بدا يطلع و ينزل فالمحاكم.....
شدات ركابيها و طلعات فدوك الدروج متوجهة لبيت الياس و فطريقها لعندو دازت على بيت خولة حتا وقفات بلا خاطرها كتسمع ليها خصوصا ان صوتها كان مرتفع بانفعال و كانها مامسوقاش يسمعها او يعرفها سرقات التيليفون، ما جات فين تتحرك الحاجة حتا وسعات عينيها مصدومة من اخر جملة قالتها خولة قبل ما تدخل فنوبة بكاء كانت كتسمع ليها تال برا...........
دماغها ترون و كانت باغا تسول الياس على صحة شنو سمعات و لكن بوجود سعد ماتقدرش، فالوقت اللي نوات ترجع ادراجها حتا تسمح ليها الفرصة تصادفات مع هاد الاخير اللي خرج و كان ناوي ينزل باش يمشي باستياء، باس راسها و ايديها و جرها معاه نازلين للصالة و جلس معاها شوية عاطيها الوقت
-الحاجة: مالو ؟
-سعد باسف: رنيم تزوجات ا الميمة
حطات ايديها على فمها موسعة عينيها، داكشي اللي كانت كتمنى و محتاجاه بهاد الخبار تأكدات بلي عمرها توصلو
-الحاجة: ماعرفت ما نقول ا ولدي والله، عاد فهمت هاد الحالة اللي داير
-سعد: الغلط ديالنا ا الحاجة و هادشي اللي ماعجبوش فاش قلتها ليه (ضغط على محاجر عينيه) ترونات علينا كاملين ا الحاجة غير خليها على الله
-الحاجة: شوف انا غنقول لك شي حاجة و بغيتك توقف معاه واخا مايبغيش
-سعد: قولي ليا هاني كنسمع
-الحاجة: هضرت مع باه عاودت ليه كلشي و واعدني غيشوف شي محامي يعاود يدير اعادة النظر فداك الملف ديالو، الا عقلتي كنتو قلتو ليا بزاف د الحوايج كان خاصهم يدارو و ماداروش ياك
-سعد: اييه، اول حاجة بعدا هي الخبرة و لكن ا الميمة دابا فات الفوت را عام و الزيادة
-قاطعاتو بتأكيد: ماكاين لا عام و الزيادة لا زعتر (ضيقات شوفتها) هاديك الخبرة خاصها دار هي خاصها دار و ربي كبير، هي اللي عليها كلشي
-سعد بشك: واش عارفة شي حاجة ؟
-الحاجة: شوف انا بغيتك غير توقف ليا مع عبد الكبير عطيه كاع المعلومات اللي غيحتاج و كيفاش دازت الدعوة علاما نقنع انا الياس حيت عارفاه غيشد العكس
-سعد: مانظنش الحاجة يشد العكس را وصلات فيه للطوب ولات كتبان ليه غير المو•ت قدام عينيه، اصلا كان باغي باه يوقف معاه واخا فات الحال دابا و لكن عل اقل يقدر يرجع حقو
أنت تقرأ
غفران- قصة عشق تستحق الصفح (مكتملة)
Romanceهي قصة بنت كيقودها القدر للزواج براجل اختها المتوفية باش تكتاشف فالاخير بلي مو ت اختها يثير الشكوك و الاهم داك الزواج ماشي صدفة 💔 هي قصة حب من حطام قلبين، قصة واقعية 100٪ تجمعو فيها جوج وقائع من صلب الواقع و اكيد انكم سمعتوهم او ديجا دازو عليكم الا...
