ما جات فين تجاوبو حتا دخلات عليهم سيدة فاوائل الخمسينات انيقة بطريقة عجيبة و ملفتة للانظار بالجمال اللي مازال تتمتع بيه، العمر فعلا مجرد رقم قدام الاهتمام اللي عاطية لراسها زائد الراحة اللي عايشة فيها و هادشي بغا ولا كره كان مستفز بالنسبة ليه، دخلتها عليه كتشالي بجلايل الفراشة اللي لابسة خلاتو بلاما يحس يخسر سيفتو متلف شوفتو فسهيلة اللي كانت حاضياه
-فاطمة: زارتنا البركة ا سي الياس (مدات ليه ايديها) مرحبا بيك
عين مرة على ايديها اللي ممدودة على اساس يبوسها و مرة فعينيها مباشرة مصبر روحو بزز...
عتقات سهيلة الموقف و قربات منهم مذرعة مها اللي بلعات التحشيمة مضيقة فيه شوفتها بنظرات مبهمة اما هو عاود وجه كلامو لختو بهدوء
-الياس: عيطي للحاج بغيت نشوفوجلسات حاطة رجل على رجل و ايديها مشابكين على ركبتها
-فاطمة: ماعيطتيش ليه قبل ما تجي؟جاوبها بلاما يشوف فيها
-الياس: علاش غنعيط ليه على ماشي با؟قوسات شفايفها بتعجب
-فاطنة: باك ماقلنا والو غير كان يسحاب ليا مامعتارفش بيه، شدني الفضول نعرف اشنو فكرك فيه! هادي مدة و هو كيحاول يقربك منو و نتا عاد ماكتبعد-قاطعاتها سهيلة: ماما
هزات فيها فاطمة راسها بنظرات حادة كتشير ليها للباب
-فاطمة: سيري لبيتكقابلاتو سهيلة بنظرات حزينة ماكرهاتش تعنقو و تحس بوجودو كاخ كبير فحياتها فعلا و لكن هادشي كيبان ليها مستحيل فظل ظروفو و علاقتو مع واليديها اما هو نظراتها ماحركو فيه حتا حاجة، كان بارد من جهتها كيف بارد من جهة باه و خوه من باه.........
تسناتها فاطمة حتا خرجات عاد قلبات وجهها ليه
-فاطمة: شحال قدك تبقى حاقد علينا و حنا مادايرين ليك والو؟-الياس: ماجايش نهضر فهادشي، باغي نشوف الحاج، مابغيتش نعيط ليه و مابغيتش نمشي للشركة باش مايديرش السبة بالخدمة و يخليني مشوجر، الا كان عيطي ليه و الا ماكانش خليني نمشي بحالي
-فاطمة: مشكلتك ا ولدي انك خرجتي باك من حياتك حتا مابقيتيش كتعرفو كيف داير، نقولو انا حاقد عليا حيت خذيت بلاصة ماماك
حمر فيها بعينيه مقاطعها بانفعال
-الياس: ماتجبديهاش على فمك-فاطمة بنرفزة: غنجبدها و نفوتها لهيه، عييت صابرة عليك كنقول دابا يهديك الله و تحن فباك و فخوتك، هما باغيينك و نتا معفر عليهم اش تكون بالسلامة؟ ماخذيتش بلاصة ماماك و ماصرفت فيكم غير الخير علاش ترفضو خوتكم؟ تزوجت بباك فوقت كان محتاج انو يتزوج ما خطفتو مابززت عليه راسي، حقو دارو و ما عليه حرج
أنت تقرأ
غفران- قصة عشق تستحق الصفح (مكتملة)
Roman d'amourهي قصة بنت كيقودها القدر للزواج براجل اختها المتوفية باش تكتاشف فالاخير بلي مو ت اختها يثير الشكوك و الاهم داك الزواج ماشي صدفة 💔 هي قصة حب من حطام قلبين، قصة واقعية 100٪ تجمعو فيها جوج وقائع من صلب الواقع و اكيد انكم سمعتوهم او ديجا دازو عليكم الا...