"لقد عشت معك شعور اول مرة من كل شيء و هذا يكفي لاحبك للأبد 🥀🫀"
_______________________________________________________
طوات القفطان اللي كانت لابسة حطاتو على طرف الفوطوي فالوقت اللي شعل هو التلفازة كيقلب فيوتيب على شي موسيقى هادئة تخلي اعصابها تسترخي، ماباغي والو من غير ترتاح و تعطيه الخاطر و فالواقع كانت كادور ليه فكرة فعقلو الا صدقات غيسهال عليه كلشي........
قادات الكول د القاميجة اللي كانت لابسة قبل ما تجلس حاطة رجل على رجل بطريقة راقية و مغرية فنفس الوقت متبعاه بعينيها هو اللي قاوم من جديد شكلها قدامو جالس حداها، للحظات ساد صمت ثقيل الغرفة كيتسمع فقط صوت ديك الموسيقى الهادية حتا هرساتو بصوتها الانثوي
-رنيم: بعض المرات كنشك واش الباسل نيت اللي كيحاول فكل فرصة يوريني جرأتو هو نفسو اللي كان بعقلو قبيلا كيدعي معايا
شافت فيه بطرف عينيها زامة على شفايفها بابتسامة كتسنى جوابو
-الياس: غنبقى ديما بعقلي؟
-رنيم: غتكون ممل ديك الساعة
-الياس: و الا بقيت جريئ؟
ضحكات مهربة عينيها كتهزهز برجليها
-رنيم: بلاما نجاوب
و كأنها قدمات ليه فرصة يقتارح الفكرة اللي كادور ليه فعقلو فطبق من ذهب، اختازل المسافة اللي كانت بيناتهم و جلس حداها بيناتهم مسافة قصيرة
-الياس: غنلعب معاك واحد اللعبة
-رنيم: شنو هي؟
-الياس: غنسولك و مفروض عليك تجاوبيني بصراحة، السؤال اللي ماغتقدريش تجاوبي عليه غنلعب انا وياك ورقة حجرة مقص، عرفتيها ياك (اومأت براسها متبعاه بابتسامة ساخرة) الا خسرتي غنحكم عليك
-رنيم بشك: و شنو اللي غيضمن ليا اسئلتك مايكونوش كلهم جريئين؟
-الياس: غير ثيقي فيا
-رنيم: حتا نتا غتلعب؟ حتا انا باغا نسولك
-الياس: خوذي راحتك و لكن من دابا نتفاهم معاك الحكمة اللي حكمت عليك غاديريها
-رنيم: متوقعة كلشي و لكن ماكاينش شي سؤال ماغنقدرش نجاوب عليه غير مايكونش فشكل
ماقدرش يتحكم فالابتسامة اللي فلتات ليه ماد ليها ايديه
-الياس: تفاهمنا؟
صافحاتو بشك
-رنيم: يا ربي السلامة
-الياس: انا غنبدا (ميلات راسها كتسنى سؤالو) كيف غنبان لك الا بقيت جريئ ديما؟
أنت تقرأ
غفران- قصة عشق تستحق الصفح (مكتملة)
عاطفيةهي قصة بنت كيقودها القدر للزواج براجل اختها المتوفية باش تكتاشف فالاخير بلي مو ت اختها يثير الشكوك و الاهم داك الزواج ماشي صدفة 💔 هي قصة حب من حطام قلبين، قصة واقعية 100٪ تجمعو فيها جوج وقائع من صلب الواقع و اكيد انكم سمعتوهم او ديجا دازو عليكم الا...
