تحت السما الزرقا زرقة سوداء مضاءة بنجوم متفرقة معنقة القمر اللي كان بدر فديك الليلة مشكلين لوحة فنية سبحان من خلقها، وقف الياس رنيم قدامو مبسم لضحكتها هي اللي الخوف مخليها ماعارفة اش كادير، حطات ايديها على قلبها و تحنات كتسترجع تنفسها اللي تخطف بالضحك
-رنيم: هاد الليلة بووووحدها ههه حاسة براسي هاربة من عرسي
-الياس: اش بان لك بصح نهربو، نمشيو لشي بلاد مايعرفنا فيها حتا واحد، شي بلاصة نضمن فيها بلي غتكوني ليا
-رنيم: هههه و مالنا عليها؟ انا نضمن لك بلي غنكون لك حتا هنا ماشي ضروري فشي بلاصة اخرى
ماعاودش جاوبها، ابتسامتو كانت شوية بشوية كتصغار حتا اختفت و جاو فبلاصتها نظرات فشكل ماقدراتش تقراهم، قربات منو بخطوة و تقطبو حجبانها باستفهام ممزوج بقلق واضح على تقاسيم وجهها قبل ما تعاود تنطق
-رنيم: الياس مالك؟ واقعة شي حاجة ؟
مد ايديه جهة شعرها اللي كان مطلوق بانسيابية خذاه بين صبعانو كيتحسس الملمس ديالو، عينيه فعينيها ماكرهش يعنقها و يخرج بها من العالم الاسود اللي كان عايش فيه و لكن ماقدرش، شبك صبعانو بصبعان ايديها و نطق بجدية
-الياس: عمري فحياتي تصورت غيجي النهار اللي غنكون فيه كيفما انا دابا معاك، عمري تخيلت غنحماق و نهبال باش نشوف شي وحدة و نكون معاها (تبسم لابتسامتها) يمكن ماشي رجلة هادي نخرجك بهاد الطريقة و نوقف معاك هاد الوقفة بالتخبية و لكن كنواعدك غيجي النهار اللي غندير لك فيك عرس بحال هذا و غنخرجك من داركم بعزك و براسك مرفوع، غيجي النهار اللي غانديرك فيه حلالي، غنطيح و نوض و غنتح•ارب على ودك غير باش تكوني ليا (جر ايديها لفمو باسها بلاما يفرق تشباك صبعانهم) كنبغيك ا رنيم قسما بالله....
قدام كلماتو اللي حسات بهم فعلا صادقين و خارجين من القلب مالقات حتا جواب مناسب من غير انها تعنقو، فلحظة ضعف غلب عليها هرمون الأوكسيتوسين و تعلقات على كتفو محاوطة ظهرو بايديها و مغمضة عينيها مستمتعة بنغمات نبضات قلبو اللي كانو كيتراقصو فوذنيها، مستمتعة بالاحساسيس اللي جتاحوها مرفوعة كليا عن الواقع و مستمتعة حتا بالتملك اللي حسات بيه ملي دارو ايديه على ظهرها و دفن وجهو فشعرها...........
بعدات عليه بلطف مبسمة ابتسامة طيرات ليه العقل، خذا راسها بين ايديه طبع عليه قبلة و نطق بصوتو الدافئ هامس لها
-الياس: انا خاصني نمشي ا حبيبة
دارت عين ميكة على كلمة "حبيبة" اللي لوات لها كرشها و جاوباتو بنبرة غالب عليها العتاب
-رنيم: ياك جيتي باش تبقى معايا!
-الياس: جيت حيت كنت محتاج نشوفك و نهضر معاك، ماكرهتش مانفرقكش و لكن خايف واليديك يعقلو عليا ههه خليني نمشي بكرامتي
أنت تقرأ
غفران- قصة عشق تستحق الصفح (مكتملة)
Romanceهي قصة بنت كيقودها القدر للزواج براجل اختها المتوفية باش تكتاشف فالاخير بلي مو ت اختها يثير الشكوك و الاهم داك الزواج ماشي صدفة 💔 هي قصة حب من حطام قلبين، قصة واقعية 100٪ تجمعو فيها جوج وقائع من صلب الواقع و اكيد انكم سمعتوهم او ديجا دازو عليكم الا...
