فدار الوافي.......
لاحت رنيم التيليفون جنبها مشغول بالها من جهة المشكل اللي بين الياس و باه، ماعندهاش التفاصيل الكافية اللي تخليها فاهمة و عارفة اش واقع، بغات تسول و تستفسر و لكن الموضوع ككل ماكانش ديال التيليفون و حتا احساسها فانو ماباغيش يتعمق فيه خلاوها تسدو و تخليه على خاطرو..........
رن تيليفونها مجددا غير هاد المرة كان الاتصال من غيثة، توسعو عينيها بفرحة و جاوباتها بابتسامة عريضة بحال كتشوف فيها
-رنيم: وا تي اش كتعااااااودي، توحشتك والله
-غيثة: انا اكثر والله
حسات بصوتها طافي و تقرنو حجبانها بقلق
-رنيم: غيثة صافا؟ مالكي!
تخطف قلبها ملي سمعات صوت بكاها و شهيقها ما حسات براسها غير واقفة شادة قلبها
-رنيم: مااالكي ا غيثة مالكي، قولي ليا اش عندك ها العاار
-غيثة: مليييت و توحشتكم، بغيتكم معايا
-رنيم بشك: واش شي مشكل مع راجلك؟
-غيثة: انا توحشتكم، علاش ماكتجيوش عندي؟ من نهار تزوجت عمركم حطيتو رجليكم عندي واش ضروري حتا نعرض عليكم انا؟ ضروري حتا نقول لكم انا اجيو!
-رنيم: نتي عارفة بابا ا غيثة را مايجيش الا ماقالش ليه راجلك يجي
-غيثة بغضب: فين كاين هاد القانون! اش هاد التفكير د المرض راني بنتو و داري هي دارو مايحتاجش للعراضة
تصدمات رنيم من غضب غيثة غير المتوقع، اول مرة تشوفها فهاد الحالة او تسمع منها شي كلام بحال هذا
-رنيم: دابا بلاما تعصبي ا غيثة
-غيثة: معصبة حيت حاسة براسي بوحدي، رشيد من الصباح فالخدمة ماكيجي تال الليل، نتوما شحال قدي نبقى شادة معاكم التيليفون، حتا من التسوال عمر بابا سول فيا او عيط ليا بحال كان باغي غير يتفك مني
-رنيم: مالكي شاعلة من جهة بابا بحال ماكتعرفيهش، والله حتا كيسول فيك، فاش كنكونو مجموعين فالعشا كيسول ماما واش عيطتي ليها او لا الا ماعيطتيش كيسولني انا واش دويت معاك و كيسول فيك واش بيخير واش مرتاحة كيف غادة، نتي عارفة بابا ا غيثة حتا و نتي قدامو ماكانش كيسول عاد و نتي مزوجة يهز تيليفونو يعيط لك؟
-غيثة بتنهيدة مسموعة: جي عندي ا رنيم عافاك، ياك دخل شهر 6 و شديتي العطلة، ديري كيفاش و جي عندي
-رنيم: والله حتا نحشم من راجلك ا غيثة كي غاندير
-غيثة: ماكيجي تال الليل ا رنيم ماغتشوفيه تال وقت العشا، عافاك غير سيمانة الله يسهل عليك، ديجا مفقوصة حيت غتسافرو بلا بيا ماتزيديش عليا
أنت تقرأ
غفران- قصة عشق تستحق الصفح (مكتملة)
Romansaهي قصة بنت كيقودها القدر للزواج براجل اختها المتوفية باش تكتاشف فالاخير بلي مو ت اختها يثير الشكوك و الاهم داك الزواج ماشي صدفة 💔 هي قصة حب من حطام قلبين، قصة واقعية 100٪ تجمعو فيها جوج وقائع من صلب الواقع و اكيد انكم سمعتوهم او ديجا دازو عليكم الا...
