"و اغار ان يقترب احد لقلبك غيري 🫀🥀"
_______________________________________________________
رجعات رنيم للواقع على صوت فرامل السيارة عاد عاقت بلي وصلو، دورات عينيها فالانحاء لقات راسها فنفس الحي اللي ساكنة فيه الهام، كانو قدام المجمع السكني الخاص بالدرك الملكي فسلا الجديدة......
دار لعندها الياس بذاتو و قبل ما ينطق سبقاتو هي
-رنيم: واش جينا عند سعد و الهام ولا غنشوفو شي دار هنا؟
-الياس: جايين على ود واحد البرطمة هنا
-رنيم: شحال هادي كنتي قلتي ليا ماكتخيلش راسك عايش وسط الناس د نفس السيغڤيس ديالك، شنو تبدل دابا؟
سكت للحظات مبسم ابتسامة مبهمة ماقدراتش تقراها
-الياس: حتا دابا مازال كنفكر هاكا و لكن قلت تقدري تبغي تعيشي قريبة لصاحبتك، ديجا جينا غير باش نشوفو تقدر ماتعجبكش البرطمة
بادلاتو الابتسامة بنظرات مولوعة
-رنيم: ماشي لهاد الدرجة ا الياس، الا كنا غنختارو نعيشو فشي بلاصة خاصنا نكونو مرتاحين ليها بجوج ماشي غير انا، بلاما نزلو و الا كانو فبالك بلايص اخرين خلينا نمشيو ليهم
ماعطلهاش بحال كان نيت كيتسنا هاد الجواب، رجع قلع مبدل البلاصة لشارع اخر بلاما يخرج من سلا الجديدة، ما بين البرطمة اللولة و الثانية و الثالثة اللي شافو طاح حبها و ارتاحت للبرطمة الثانية اللي جات مفروجة و مشمشة مكونة من ثلاث غرف زائد صالون و جوج حمامات واحد فبيت النعاس و لاخر جنب الكوزينة، اكثر حاجة حمقاتها هو التجهيز اللي كانت مجهزة الدار و كان باين بلي مولاها مهلي فيها.....
خرج من الكوزينة سابق سهيلة اللي كتخرج من بيت لبيت و قرب من رنيم اللي كانت واقفة فالشرجم د الصالون هازة أمير اللي مابغاش يتفرق عليها
-الياس: اش بان لك؟
-رنيم: عجباتني هادي، اش بان لك نتا؟
قوس شفايفو كيلولب فعينيه فارجاء الدار
-الياس: حسن من دوك الجوج اللي شفنا، صافي نتوكلو على الله؟
-رنيم بابتسامة: نتوكلو على الله....
بعد منها بسنتيميترات قلال كيتصل بالسمسار اللي خلاهم على خاطرهم و نزل للتحت، علمو يعيط لمول الدار يتفاهم معاه و رجع لعندها لقاها واقفة مع سهيلة اللي كان باين عليها ماشي هي هاديك، خلا ختو مامحكرش عليها لانو اساسا عارف شنو عندها و قصد رنيم اللي بانت ليه عيات بديك الهزة اللي هازة أمير
-الياس: عطيني نهزو عليك
-رنيم: ماغيبغيش
أنت تقرأ
غفران- قصة عشق تستحق الصفح (مكتملة)
عاطفيةهي قصة بنت كيقودها القدر للزواج براجل اختها المتوفية باش تكتاشف فالاخير بلي مو ت اختها يثير الشكوك و الاهم داك الزواج ماشي صدفة 💔 هي قصة حب من حطام قلبين، قصة واقعية 100٪ تجمعو فيها جوج وقائع من صلب الواقع و اكيد انكم سمعتوهم او ديجا دازو عليكم الا...
