"كم ستكون مدة عناقنا عندما نلتقي؟ 🥀🫀"
_______________________________________________________
غير ناضو العدول مع صالح و عبد الكبير دخلات النگافة اللي طلقات حلوقها بالتعشاق على النبي و التزغريد قبل ما تقرب من الياس وقفات عليه هو اللي علا فيها راسو باستفهام مافاهمش اش كتحاول تقول ليه باشاراتها
-النگافة: ماباغيش تشوفها؟
تجمعو عليهم كلهم هازين تيليفوناتهم كيصورو و فدوك الاثناء دارت رنيم عندو سهلات عليه يهز داك الڤوال حتا تلاقاو عينيهم غير هاد المرة فلقاء حلال كان بحلاوتو، خذا راسها بين ايديه و باسها بين عينيها قبلة دافية و ليها معاني كثيرة، كان فخاطرو يحط جبهتو على جبهتها و يقول بزاااف د الكلام محقون فخاطرو من نهار عاود شافها و هو باغي يقولو و لكن ماقدرش، لا المكان لا الوقت مناسب لشي هضرة او لشي حركة......
فالمقابل هي ماكرهاتش ديك الشدة د الراس مايطلقهاش، ماكرهاتش يبقى ديما قريب عمرو يبعد، ماكرهاتش تتلاح فحضنو تبقى معنقاه باستسلام تام المهم بين ايديه، ماكانتش عارفة واش غتقدر توصل لهادشي اللي بغات فديك الليلة او لا اللي كانت عارفة هو مرتاحة عل اقل دابا ولاو مزوجين و من حقها دير اللي بغات فاي وقت بلاما تفكر................
دخلات عليهم حورية ببلاطو د الحليب و التمر تابعاها الحاجة اللي كانت هازة بلاطو اخر فيه خواتمهم و الذهب اللي خذا ليها، عادات و تقاليد اي خطبة داروها وسط الضحك و التقشاب د الشباب اللي شدو فيهم و لكن فوقت الخواتم تلبسو نظراتهم بالعشق اللي كيكنوه لبعضياتهم، حولات الخاتم الاول اللي ماعاودش فرق صبعها للايد لوخرى و مدات ليه ايديها لبسها الخاتم الجديد اللي كان فعلا حسن من الاول و لكن فعينيها كيبقى الاول هو شريك ذكرياتها بالخايب و الزوين فيهم..........
شبعو تصاور مع بعضياتهم و كانت متعمدة تاخذ سلفيات كثار ليها و ليه بوحدهم، كان داير ليها الخاطر و فوق الخاطر فرحان غير بديك الضحكة اللي كانت كتبان خارجة ليها من القلب، غير وصل وقت اتاي و دوازو تفرق المجمع بين النسا اللي عاودو دخلو للصالون كيباركو لرنيم و بين الرجال اللي طلعو كلهم للطابق الثالث فين غيكملو ليلتهم..................
خلات الصواني د اتاي كيدورو على النسا و خرجات لبيتها مع النگافة اللي كانت غتلبسها القفطان د العشا، فدوك الاثناء وقفات سارة و الهام فباب الصالون كيوشوشو بيناتهم و كيخططو لبلانات مابان لهم كيفاش يوصلو لهم
-سارة: كيفاش غنقولو لبابا ا حگا بغيناه يتعشا معاها
-الهام: وا ختي مايتعشاش معاها يشرب معاها غير اتاي مزيان؟ نموووووت لك ا سارة هنا الا مادرتيش كيفاش و خليتيهم يجلسو بجوج واخا غير 10 دقايق
أنت تقرأ
غفران- قصة عشق تستحق الصفح (مكتملة)
Romanceهي قصة بنت كيقودها القدر للزواج براجل اختها المتوفية باش تكتاشف فالاخير بلي مو ت اختها يثير الشكوك و الاهم داك الزواج ماشي صدفة 💔 هي قصة حب من حطام قلبين، قصة واقعية 100٪ تجمعو فيها جوج وقائع من صلب الواقع و اكيد انكم سمعتوهم او ديجا دازو عليكم الا...
