CHAPTER 10 - မင်္ဂလာဦးအိမ်သို့ လိုက်လည်ခြင်း
Gu Hai ရဲ့မျက်လုံးတွေဟာ Bai Luo Yin ရဲ့ဘေးတစ်စောင်း မျက်နှာကို စိုက်ကြည့်နေတယ်။ ခိုင်မာတဲ့ မေးရိုး တွေက ပုံဆွဲထားသလို သပ်ရပ်နေတယ်။ အရင်က ရင်းနှီးပြီးသား ပုံစံတွေထက် အခုပိုသားနား လာတယ်။ ရှစ်နှစ်ဆိုတာ တစ်နေ့ကလိုပဲ။ အထိအတွေ့လေးတစ်ချက် တည်းနဲ့တင် ခန့်ညားတည်ငြိမ် တဲ့အသွင်ကိုဆောင်စေတဲ့ အချိန်လွှာ ပါးပါးလေးတစ်ထပ်ဖုံးထားတဲ့ ငယ်တုန်းကပုံစံလေးကို သတိရလာစေ တယ်။
Bai Luo Yin ဟာလွန်ခဲ့တဲ့ ရှစ်နှစ်တုန်းကလို ချိုသေးရဲ့လားလို့ Gu Hai က တစ်ကိုက်လောက်တော့မြည်ကြည့်ချင်နေတယ်။
"ငါပြန်တော့မယ်" Bai Luo Yin ထရပ်လိုက်တယ်။
Gu Hai က သူ့လက်မောင်းရင်းကို ဆွဲလိုက်ပြီး ပြုံးပြ လိုက် တယ် "ဒီနေ့ ငါမင်းကို ညစာချက်ကျွေးမယ်"
"မလိုဘူး!" Bai Luo Yin က ပြောရင်းဆိုရင်း Gu Hai ရဲ့ နွေးနေတဲ့လက်ကိုဖယ်လိုက်တယ် "ငါတို့ဈေးတွက် တွက်နေစရာ မလို ဘူး"
"ညီအစ်ကိုအချင်းချင်းကြားတောင် ဈေးတွက်တွက်သင့် တယ် တဲ့။ ဒါပေမဲ့ ငါတို့ကညီအစ်ကိုအရင်းတွေမဟုတ်ဘူး ဆိုတော့"
Bai Luo Yin က လည်တိုင်ကိုမော့ပြီး "ငါဒီနေ့လုပ်စရာ ...."
"ငါနေတဲ့အိမ်ကို လိုက်မလည်ချင်ဘူးလား?" Gu Hai က Bai Luo Yin ငြင်းနေတာကို ကြားဖြတ်ပြောတယ်။
Bai Luo Yin ရဲ့မျက်နှာ နည်းနည်းပျက်သွားပြီး ယုံတစ်ဝက် မယုံတစ်ဝက်နဲ့ Gu Hai ကို ကြည့်ရင်းမေးတယ်
"မင်းနေတဲ့အိမ်ကို မြင်စေချင်တာလား? မင်္ဂလာဦး အခန်းကို ငါ့ကိုမြင်စေချင်တာလား?"
"ဘာကွာလို့လဲ?" Gu Hai က ငြိမ်ငြိမ်ပဲပြောတယ်။
Bai Luo Yin ၀မ်းနည်းသွားတယ်။
"ဟုတ်ပါတယ် ဘာမှမကွာပါဘူး။ ကဲသွားစို့"
Gu Hai ရဲ့ အိမ်သစ်က West City မှာရှိပြီး ပေတစ်ရာ ပတ်လည်ကျော်တယ်။ သူ့ရဲ့ အခြားအိမ်တွေနဲ့ယှဉ်လိုက်ရင် သူ့ အတွက် ဒီအိမ်က ကျဉ်းပေမယ့် တစ်ယောက်တည်း နေဖို့ဆိုရင်တော့ အတော် ပါပဲ။ အကျယ်ဆုံးအခန်းက အားကစားခန်းမဖြစ်ပြီး အိပ်ခန်းကတော့ တစ်ခန်းတည်း။ Gu Hai ဟာ Bai Luo Yin ကို တမင်အိမ် အလည်ခေါ် တာဖြစ်တယ်။ သေချာတာက သူ့အိမ်က Bai Luo Yin နေရာနဲ့ တစ်ခြား စီပဲ။ Bai Luo Yin ဟာ နှစ်ယောက်အိပ် ခုတင်ပေါ်မှာ ခေါင်းအုံးနှစ်လုံး စောင်နှစ်ထည်ရှိ တာကို ကြည့်မိတယ်။
"မင်းဘယ်တော့ လက်ထပ်မှာလဲ?" Bai Luo Yin ကမေးလိုက် တယ်။
ဘာမှပြန်မဖြေတာနဲ့ Bai Luo Yin နောက်လှည့်ကြည့်လိုက်တော့ Gu Hai က နောက်မှာ မရှိတော့ဘူး။ သူက စာဖတ်ခန်းထဲသွား တော့ Gu Hai ရဲ့ computer က ပွင့်နေတယ်။ သူ့screen cover ပုံက ကမ်းခြေမှာ ရိုက်ထားတဲ့ လူနှစ်ယောက်ရဲ့ပုံ။ Bai Luo Yin က ရုတ်တရက်ကြီး လန့်သွားတယ်။ ဖော်မပြနိုင်တဲ့ခံစားချက် တစ်ခုခုက သူ့ကို ဆွဲလိုက် သလို ရင်ထဲမှာခံစားရလို့ mouse ကို ရွှေ့ပြီး desktop ပေါ်လာအောင် လုပ်လိုက်တယ်။ ဒါပေမယ့် desktop ပေါ်က ပုံကလည်း သူတို့ နှစ်ယောက်ပုံပဲ ဆိုတာသိသွားတယ်။ Bai Luo Yin ဟာ အဲ့ဒီပုံတွေ အစား အခြားပုံတွေနဲ့ အစားထိုးထားခဲ့တယ်။
Gu Hai က အခု မီးဖိုချောင်မှာ ဟင်းချက်နေတယ်။ Bai Luo Yin ဟာ မီးဖိုချောင်တံခါးကို မှီပြီး ဆေးလိပ်ဖွာရင်း Gu Hai ရဲ့ အလုပ်ရှုပ်နေတဲ့ ပုံကို တိတ်တိတ်လေးကြည့်နေတယ်။
** သူက အရင်တုန်းကပုံအတိုင်းပဲ မျက်နှာတည်ပြီး ခက်ထန်တဲ့ ပုံစံပေ မယ့် နူညံ့သိမ်မွေ့တဲ့ နှလုံးသားရှိတယ်။ တစ်ခါတစ်လေ သံသယကြီးပြီး၊ တစ်ခါတစ်လေအရမ်းပွင့်လင်းတယ်၊သူက လူတွေကို စိတ်ထင်သလို ဆက်ဆံတတ်ပေမယ့် သူ့ချစ်သူအပေါ်ဆို အညင်သာဆုံးချစ်တယ် ဂရုစိုက်တတ်တယ်။ အောင်မြင်နေတဲ့ လုပ်ငန်းကို ဦးစီးနေတဲ့အပြင် ချစ်သူကိုလည်းကြင်နာတတ်တဲ့ ကိုလူချော.... အဲ့လိုလူဟာ အမျိုးသမီး ထုရဲ့ အိပ်မက်မင်းသားလေး ... အဲ့ဒီလူရဲ့ အရာရာကို တစ်ချိန်က ငါ ပိုင်ဆိုင်ခဲ့ဖူး ပါတယ်**
Gu Hai က အိုးထဲကို အစားအစာတွေ ထည့်လိုက်တယ်။ သူချက်ပြုတ်နေတဲ့အသံတွေက သူ့ရဲ့ကျွမ်းကျင်မှုနဲ့ လိုက်ဖက်နေ တယ်။
Bai Luo Yin က ရုတ်တရက်ပြောလိုက်တယ် "မင်းက တကယ်ကို စော်ကြည်ဘဲပဲ"
Gu Hai က ဟင်းချက်တန်းလန်းကြီး Bai Luo Yin ဘက် လှည့်ပြီး "ဘာပြောလိုက်တာလဲ?"
Bai Luo Yin က ဆေးလိပ်ငွေ့တွေကို ဖြေးဖြေးမှုတ် ထုတ် လိုက်ပြီး Gu Hai ကို အားယူပြီး ပြုံးပြလိုက်တယ် "မင်း ဟိုတစ်ခေါက် ငါ့ဆီလွှတ်လိုက်တဲ့ မိန်းကလေးက မင်းကိုအရမ်း ချီးကျူးတာပဲ။ သူတို့ သူဌေးက ရုပ်လဲချောတယ် စိတ်ကူးယဉ်လည်းဆန်တယ်တဲ့။ ရိုးရိုးနဲ့ လည်းဆန်းတယ်တဲ့။ အရည်အချင်းလည်း ပြည့်ဝတယ်တဲ့။ ရိုးလည်း ရိုးသားတယ်တဲ့။ အာရုံစူးစိုက်တတ်ပြီး တစ်ယောက်ဆို တစ်ယောက် ပိတောက်ဆို ပိတောက်ပဲတဲ့။ နောက်ရှိသေးတယ်.. တာဝန်လည်း သိတတ်တယ်တဲ့။ ကျန်သေးတယ် - ပိုက်ဆံလည်းရှာနိုင်ပြီး အိမ်မှုကိစ္စ လည်း နိုင်နင်းတယ်တဲ့။ ဒါတွေက ငါမှတ်မိတာတွေ အကုန် ပဲ"
Gu Hai က တမင်မေးလိုက်တယ် "ဒါဆို မင်းစိတ်ပါလာပြီလား?"
Bai Luo Yin ချက်ချင်းပဲ လှည့်ထွက်သွားတယ်။
ဟင်းပွဲအချို့ကို စားပွဲပေါ်တင်ထားတယ်။ ဖက်ထုပ်နှစ်ပန်းကန်က တော့ Gu Hai ကိုယ်တိုင်ထုပ်ထားတာ။
Bai Luo Yin ဟာ စားပွဲပေါ်က ဟင်းတွေကိုကြည့်နေတယ်။ သူ့ရင်ထဲမှာ တစ်မျိုးပဲ။ သူ့ရဲ့ခံစားချက်ကိုပြောမလို့လုပ်တုန်း Gu Hai က ဖြတ်ပြော လိုက်တယ်
"မင်းကို ဒါတွေသနားလို့လုပ်ကျွေးတာနော် လူပျိုကြီး Bai"
Bai Luo Yin ရဲ့ ပူပူနွေးနွေးခံစားချက်လေးဟာ ရေအေးနဲ့ လောင်းချ ခံရသလိုပဲ။ အငွေ့တစ်ထောင်းထောင်းထနေတဲ့ ဖက်ထုပ်ကိုကြည့်ပြီး Bai Luo Yin ကတစ်ခုကောက်စားလိုက် တယ်။ သူကခရမ်းသီးဖက်ထုပ် ဖြစ်မယ်ထင်ပြီး တစ်ကိုက်ဝါးကြည့်တော့မှ ကြက်သွန်မြိတ်ဖက်ထုပ်ဖြစ် နေတယ်။ Bai Luo Yin ကစိတ်ပျက်သွားပေမယ့် မျက်နှာမှာတော့ မပြဘူး။ သူက ကြိုးစားဝါးပြီး မျိုချတယ်။
Gu Hai က အခြားပန်းကန်က ဖက်ထုပ်ကိုကောက်ပြီး Bai Luo Yin ကို ပေးလိုက်တယ်။ ဒီတစ်ခုကတော့ ခရမ်းသီးဖက်ထုပ်ဖြစ် နေတယ်။ သူ့မျက်လုံးတွေ အရောင်လက်လာပြီး တစ်ခုပြီးတစ်ခု ကောက်စားနေ တယ်။ သူ့ပါးစပ်ထဲ အရသာငန်ငန်လေးနဲ့ ပုစွန်လည်းပါပြီး အရသာ ကတော့ရှယ်ပဲ။ ဒီလိုဖက်ထုပ်မစားရတာ ခုနစ်နှစ် ရှစ်နှစ်လောက်ရှိပြီ။
သူက ခရမ်းသီးဖက်ထုပ်ပဲစားချင်တယ်။ ကြက်သွန်မြိတ်ဖက်ထုပ် ကို ထိတောင်မထိချင်ဘူး။ အဲ့လိုဆို သူဟန်ဆောင်ထားတာလဲ ပေါ်သွား တော့မယ်
**သေစမ်း ငါ့ကိုဟင်းချက်ကျွေးပြီး ထောင်ချောက်ဆင်တယ် ပေါ့**
နောက်ဆုံးမှာတော့ Bai Luo Yin အကြံရသွားတယ်။ သူက ခရမ်းသီး ဖက်ထုပ် တစ်ခုစားပြီးတိုင်း ကြက်သွန်မြိတ်ဖက်ထုပ် တစ်ခု စားလိုက် တယ်။ ဒီလိုနဲ့ နှစ်ပန်းကန်စလုံးကုန်သွားမှာ မဟုတ်ဘူး။
**မင်းဘယ်လိုပြောမလဲ ငါသိတယ်**
တကယ်တော့ Bai Luo Yin ဖက်ထုပ်နှစ်မျိုးစလုံးမစားခင်က တည်းက Gu Hai က သူ့စိတ်ကို သိပြီးသွားပြီ။ ဒါပေမဲ့သူဘာမှ ထုတ်ဖော်ပြော မနေတော့ဘူး။ သူကိုစကားတောင်မပြောနိုင်ဘဲ အစားကိုပဲ မဲစားနေတဲ့ Bai Luo Yin ကိုကြည့်ပြီး သူ့ရင်ထဲ မကောင်းဘူး။ အထူးသဖြင့် Bai Luo Yin က မကြိုက်ဘဲ ကျိတ်မှိတ်စားနေတာကို သူရင်နာနေတယ်။ သူဒီလို စမ်းသပ်မှုမျိုး အစကတည်းက မလုပ်ခဲ့သင့်ဘူး။ ဒါနဲ့ပဲ Bai Luo Yin က ကြက်သွန်မြိတ်ဖက်ထုပ်ကို နှိုက်မလို့အလုပ် ပန်းကန်က ပျောက်သွား တယ်။
"တော်ပြီ ဟန်ဆောင်မနေနဲ့တော့ မင်းချစ်ချစ်ကြီး (Liu Chong) လည်းဒီမှာ မရှိဘူး" ဆိုပြီး Gu Hai က ကြက်သွန်မြိတ်ဖက်ထုပ် တွေကို သူပဲ ကိုယ်တိုင် ကုန်အောင်စားပစ်လိုက်တယ်။
ဒီစားပွဲမှာစားရတာ ခံစားချက်တွေရောထွေးလွန်းလို့ စားပွဲပေါ် ကဟင်းတွေ ကုန်သွားတာတောင် ဘာတွေစားခဲ့လဲဆို တာကို Bai Luo Yin မမှတ်မိ။ သူမှတ်မိတာက ဟင်းပွဲအားလုံးက အရမ်းအရသာရှိတယ် ဆိုတာပဲ။ အရင်တုန်းကလည်း အရသာ ရှိခဲ့တာ ပါပဲ။
စားပြီးတော့ Gu Hai က ပန်းကန်ဆေးနေတယ်။ Bai Luo Yin က ဧည့်ခန်းမှာ Gu Hai ကိုစောင့်နေတယ်။ Gu Hai လည်း သန့်ရှင်းရေး လုပ်ပြီးတဲ့အချိန်ကျတော့ Bai Luo Yin ဟာ sofa ပေါ်မှာ အိပ်ပျော် သွားပြီ။
Gu Hai ဟာ Bai Luo Yin ရဲ့ဘေးကို တိတ်တဆိတ် သွားလိုက်တယ်။ သူ့ဒူးထောက်ပြီး နီးနီးကပ်ကပ် ကြည့်နေတယ်။ ရုတ်တရက် သူထင်ယောင်ထင်မှား ဖြစ်နေသလိုတောင် တွေးမိတယ်။
Bai Luo Yin ဟာ သူ့တပ်အိမ်မှာတုန်းကဆို အရမ်းပဲ သတိရှိ တယ်။ ဒီမှာတော့ အခန်းကပဲ နွေးလို့လား (သို့မဟုတ်) ဘာကြောင့် များလဲ သူမသိ နှစ်နှစ်ခြိုက်ခြိုက်အိပ်ပျော်သွားတယ်။ တစ်ယောက် ယောက်သူ့ကိုထိနေတာတောင် မနိုးဘူး။
Gu Hai က Bai Luo Yin လက်ကလေးကို ရွရွလေး ကိုင်လိုက် တယ်။ သူ့မှတ်ဥာဏ်ထဲကနဲ့ မတူတော့ဘူး။ လက်ခုံဖွေးဖွေးက ပိုကြီးလာတယ်။ လက်ချောင်းတွေမှာ အသားမာတွေတက်နေတယ်။ လက်ချောင်း နှစ်ချောင်းရဲ့ လက်သည်းတွေဟာ ဒဏ်ရာရထားတယ်နဲ့တူတယ်။ လိမ် ကောက်နေတယ်။ အဲ့ဒီကွေးနေတဲ့ လက်သည်းခွံဒဏ်ရာက Bai Luo Yin ဟာ ကားမှောက်တုန်းက Gu Hai ကိုကယ်ဖို့ ကားတံခါးစတီးဘောင် တွေကို ကုတ်ခြစ်ဖဲ့ခဲ့တုန်းကရခဲ့တာဆိုတာတော့ Gu Hai မသိရှာဘူး။
Gu Hai ရဲ့ နောက်ကျောက ဒဏ်ရာနဲ့ယှဉ်ရင်တော့ ဒါက ဘာမှ မဟုတ်တာတော့ သေချုာပါတယ်။
ရုတ်တရက် တယ်လီဖုန်းမြည်သံက နှစ်နှစ်ခြိုက်ခြိုက် အိပ်ပျော် နေတဲ့ Bai Luo Yin ကို နိုးသွားစေတယ်။
Bai Luo Yin မျက်လုံးဖွင့်လိုက်တော့ Gu Hai မျက်နှာဟာ သူနဲ့ လက်တစ်လုံးလောက်ပဲ ကွာတော့တာကိုမြင်တော့ သူ့မျက်လုံးတွေ ခေတ္တ ကြောင်သွားတယ်။ ပြီးမှ Gu Hai မျက်နှာကို ရှောင်ထသွားပြီး ဖုန်းဖြေ တယ်။
"OK ငါအခုလာခဲ့မယ်"
Gu Hai က အဝေးကနေ Bai Luo Yin ကိုကြည့်နေတယ် "အရေးပေါ်ကိစ္စလား?"
"ဟုတ်တယ် အရေးပေါ်!" Bai Luo Yin က ပြောရင်းနဲ့ ဖိနပ်စီး နေပြီ။ ပြောနေတုန်းပဲ ဖိနပ်စီးပြီးသွားပြီ။ သူက နှုတ်ဆက်စကား တောင်မပြော ဘဲ ပြန်သွားတယ်။ ဒီအဖြစ်အပျက်တွေက အရမ်းမြန်ပြီး စက္ကန့်သုံးဆယ် တောင် မကြာလိုက်ဘူး။ Bai Luo Yin ရဲ့သဏ္ဍာန်ဟာ အမှောင်ထုထဲမှာ ပျောက်ကွယ်သွားတယ်။ Gu Hai မှတ်မိနေတာကတော့ အရင်က သူ Bai Luo Yin ကို အိပ်ယာကနှိုးရင် မျက်စိပွင့်ဖို့ကို ဆယ်မိနစ်လောက် ကြာတယ်။ အခုတော့ အိပ်ရင်းက ထထိုင်တာ ဆယ်စက္ကန့်လောက်ပဲ ကြာတယ်။
**ဘယ်လို training များလုပ်ခဲ့ရလို့ မင်းလေးရဲ့ အကျင့်တွေ ပြောင်းလဲ သွားရသလဲကွာ? ပြီးတော့ ဒီရှစ်နှစ်အတွင်း ငါ့အစား မင်းလေးကို ဘယ်သူတွေက ဂရုစိုက်ခဲ့သလဲ?**
Bai Luo Yin က စစ်ဆေးရုံဆီကို ပြေးသွားတယ်။ Liu Chong က အခုတော့ တုံးကျော်သွားပါပြီ။
စုံစမ်းလိုက်တော့ လေယာဉ်မောင်းလေ့ကျင့်ရင်း လေထီးဖွင့်ခုန်ချ တာ ရေပြင်မညီတာနဲ့ပဲ နံရံနဲ့ ဆောင့်မိသွားတယ်လို့ဆိုတယ်။ အရိုးတွေ အက်သွားပြီး မေးရိုးကျိုးသွားတယ်တဲ့။
တပ်သားတစ်ဦးက "ဗိုလ်ကြီး ၀င်ကြည့်ချင်သေးလား?"
Bai Luo Yin က မှင်သေသေနဲ့ "သူနေကောင်းမှပဲ လာကြည့်တော့ မယ်ကွာ!"
ပြောပြီးတာနဲ့ Bai Luo Yin က ပြန်လှည့်ပြီး ဆေးရုံဝန်းထဲက ထွက်သွား တယ်။ ဘယ်သူ့ကိုမှ မပြောပြမိပေမယ့် အခုသူက သွေးမြင်ရမှာ ကြောက်နေတယ်။ လူနာကို ကိုယ်တိုင်သွားကြည့်ဖို့ မပြောနဲ့ အရေးပေါ် အခန်းက မီးသီးအနီကြီးမြင်ရင်တောင် ချွေးစီးတွေပြန်လာပြီ။
End of Chapter 10
