CHAPTER -79= အမှန်တရားကို Gu Hai ဖော်လိုက်ပြီ
ညတိုင်း အိပ်ယာမဝင်ခင်၊ Bai Luo Yin ဟာ Gu Hai ရဲ့ လုပ်ငန်းတွေအကြောင်း ပိုသိနိုင်ဖို့အတွက် Hai Yin ကုမ္ပဏီ official website ကိုဝင်ကြည့်ရတာ အကျင့်တစ်ခုလ်ု ဖြစ်နေပြီ။ အခုတလော အဲ့ဒီ website မှာ ခဏခဏ အသစ်တွေတင်တယ်ဆိုတာ သူသတိထားမိတယ်။ ဖြစ်နိုင်ချေရှိတာကတော့..... ဒီလောက်သတင်းအချက်အလက် တွေကို update နေပုံထောက်ရင် ရှယ်ယာဈေးကွက်မှာ စာရင်းသွင်းဖို့ ပြင်ဆင် နေကြတာပဲ ဖြစ်ရမယ်။
ဒီနေ့ အရင်နေ့တွေလိုပဲ ..... သူ website ထဲသွားကြည့်တော့ သူ့အာရုံကို ဖမ်းစား ထားတဲ့ မက်ဆေ့တစ်ခုပေါ်နေတယ်။
"မနက်ဖြန် နေ့လည် 3:30 တွင် Hai- Yin နည်းပညာကုမ္ပဏီ၏ ဖွင့်ပွဲအခမ်းအနားကို ကုမ္ပဏီရှိ ပထမထပ် ပြပွဲခန်းမ၌ ကျင်းပပြုလုပ်သွားမည် ဖြစ်ပါသည်။"
*မြန်လိုက်တာ* Bai Luo Yin စိတ်မကောင်းမှုနဲ့ သက်ပြင်းချမိတယ်။ နောက်၊ သူရက်စွဲကို ကြည့်လိုက်တော့၊ ရက်(၂၀) ကျော် ကုန်ဆုံးသွားပြီဆိုတာ သတိထားမိသွားတယ်။ သူ တကယ်ကို Gu Hai နဲ့ အဆက်အသွယ် မလုပ်တာ ရက်(၂၀) ကျော်သွားပြီ။ သူ တွေ့ဆုံဖို့ ငြင်းပြီးကတည်းက Gu Hai ပြန်မလာတော့ဘူး။ သူအိမ်ပြန်သွားတယ် ထင်ပါတယ်။ဒီလိုနဲ့ပဲ၊ ဒီနှစ်ယောက် ရက်(၂၀) ကျော် ခွဲခွာနေခဲ့ကြ ရတယ်။
*သူ့ကုမ္ပဏီက ရှယ်ယာဈေးကွက်ဝင်တော့မှာဆိုတော့၊ သူတော့ အရမ်းအလုပ် များနေတော့မှာပဲ* Bai Luo Yin မတွေးဘဲမနေနိုင်ဘူး။
နောက်ထပ် အိပ်မပျော်တဲ့ ညတစ်ညကို ဖြတ်သန်းရပြန်ပြီ ။ ဒီတစ်ခါတော့ Bai Luo Yin ဟာ ညကြီး လေ့ကျင့်ရေးဆင်းတာမျိုး မလုပ်တော့ဘဲ စစ်စခန်းဧရိယာတစ်ဝိုက် တစ်ယောက်တည်း လမ်းထွက်လျှောက်နေတယ်။ တပ်အိမ်တွေအားလုံးက မီးတွေမှိတ် သွားကြပြီ။ Zhou Ling Yun တပ်အိမ်က မီးတွေကလွဲလို့ပေါ့။ မရည်ရွယ်ဘဲ Bai Luo Yin ဟာ သူ့တပ်အိမ်ဆီကို လျှောက်လာခဲ့တယ်။
Zhou Ling Yun မှာ အများနဲ့မတူတဲ့ အကြားအာရုံရှိတယ်။ သူ့တပ်အိမ်နဲ့ Bai Luo Yin တပ်အိမ်က သိပ်မဝေးလို့၊ Bai Luo Yin လမ်းထွက်လျှောက်လာကတည်းက သူကောင်းကောင်းကြီး သတိထားမိတယ်။ Bai Luo Yin တစ်ယောက် စစ်စခန်းတစ်ဝိုက် လျှောက်သွားနေတဲ့အချိန် ၊ Zhou Ling Yun ကBai Luo Yin ထွက်လာတဲ့ အချိန်က နေ ခြေလှမ်းတွေကို စတင်ရေတွက်ပြီး ခြေလှမ်း(၁၀၀၀) အတွင်း သူ့တပ်အိမ်ဆီက်ု ရောက်လာလိမ့်မယ်လို့ ခန့်မှန်းတယ်။ တကယ်ပါ..... သူထင်တဲ့အတိုင်းပါပဲ။
" မင်း တစ်ယောက်ထဲကိုပဲ လေ့ကျင့်ရေးဆင်းဖို့ ငါ့ကို စီစဉ်ခိုင်းချင်ပြန်ပြီလား?"
Zhou Ling Yun ကတံခါးဝကနေ ဆီးမေးလိုက်တယ်။
Bai Luo Yin ခေါင်းခါပြတယ်။ "မဟုတ်ပါဘူး။ ဆရာဘာလို့ မအိပ်သေးတာလဲလို့ လာကြည့်တာပါ"
" မင်းကရော ဘာလို့ မအိပ်သေးတာလဲ? " Zhou Ling Yun မေးတယ်။ Bai Luo Yin ခပ်တိုတိုပဲ ပြန်ဖြေတယ်။" ဟာတာတာကြီး ဖြစ်နေလို့"
တကယ်တော့ Bai Luo Yin ရဲ့ လက်မောင်းတွေက အရမ်းနာနေလို့ တံခါးလက်ကိုင်ဘုတောင် သူ, မကိုင်နိုင်ဘူး။
Zhou Ling Yun ရဲ့တပ်အိမ်ထဲဝင်လာတဲ့အခါ ကွန်ပြူတာရှေ့မှာ စာအုပ်အထူ အထပ် လိုက်ကြီးကိုမြင်တော့ သူတစ်အုပ်လောက် ဆွဲယူပြီး လှန်လှောကြည့်တယ်။ လေသူရဲ တစ်ယောက်ချင်းစီရဲ့ လက်ရှိ စစ်ဆင်ရေးရလဒ်တွေကို အတိုချုံ့ထားတာဖြစ်တယ်။ မှတ်တမ်းတွေဟာ အရမ်းကိုတိကျတယ်။ စာအုပ်ကျောနောက်မှာ အဲ့ဒီလူရဲ့ ခန္ဓာကိုယ် အခြေအနေနဲ့ စိတ်ဓာတ်စွမ်းရည် သုံးသပ်ချက်တွေကို ဖော်ပြထားပြီး ....အားလုံးကို လက်နဲ့ရေးထားတယ်။ Bai Luo Yin က Zhou Ling Yun ဘောပင်ကိုင်တာကို တစ်ခါမှ မမြင်ဖူးဘူး။ အားလုံး ရဲ့စွမ်းရည်တွေကို Zhou Ling Yun ဟာအလွတ် ရှင်းရှင်းကြီး မှတ်မိနေတယ်ဆိုတာတော့ သူတစ်ယောက်သိသွားပြီ။
" ဆရာ ညတိုင်း ဒါတွေလုပ်ဖို့ အချိန်ပို အလုပ်လုပ်နေတာလား? " Bai Luo Yin မေးတယ်။
Zhou Ling Yun က လက်ဆေးပြီး ဆက်ပြောတယ်။" (၂) ရက်တည်းပါကွာ။ အခြားဘက်က စစ်အုပ်စုက အရေးတကြီးလိုနေလို့။ မနက်ဖြန် ဒီသတင်းအချက်အလက် တွေကို သွားထပ်ပြီး အထက်လူကြီးတွေဆီ လက်ရှိစစ်ဆင်ရေးအနေအထားကို သတင်း ပို့ဖို့ ငါပြန်သွားရဦးမယ်"
" မနက်ဖြန် ...."Bai Luo Yin တွေဝေနေတယ်။ " ဘေဂျင်းကို ပြန်မှာလား?"
Zhou Ling Yun ကခေါင်းမော့မကြည့်ပဲ ပြန်ဖြေတယ်။ " အေး"
ထုထည်ကြီးလှတဲ့ လှိုင်းလုံးတွေက Bai Luo Yin ရဲ့ နှလုံးသားကို ရိုက်ခတ်လာတယ်။ သူက Zhou Ling Yun ကို ရဲရဲတင်းတင်း ခဏလောက်ကြည့်လိုက်ပြီးမှ သူတွေ ဝေ သွားပြန်တယ်။
"ဘာဖြစ်လို့လဲ? ငါ့ကို တခုခု ယူလာခိုင်းချင်တာရှိလို့လား?"
Bai Luo Yin ကခေါင်းရမ်းပြပြီး ပြန်ဖြေတယ်။ " မရှိပါဘူး"
"ဒါဆိုလည်း မြန်မြန်ပြန်ပြီး နားတော့ ။ ငါ, မနက်ဖြန်သွားတဲ့အခါ ဒီမှာက မင်းကိုပဲ အားကိုးရမှာ" Zhou Ling Yun ပြောတယ်။
Bai Luo Yin ခေါင်းညိတ်ပြီး တံခါးဆီကိုလမ်းလျှောက်သွားတယ်။ သူ့လက်တွေက တံခါးလက်ကိုင်ဘုပေါ်မှာပဲရှိသေးတယ်၊ သူ့ရင်ထဲက ရုတ်တရက်ကြီး တင်းကျပ်လာ တယ်။ သူလှည့်လိုက်ပြီး Zhou Ling Yun ကိုကြည့်ရင်း "ဗိုလ်မှူးချုပ်, ဆရာနဲ့အတူ ကျွန်တော်ပြန်လိုက်လို့ ရနိုင်မလား?"
"ဘာလို့လဲ? မစောင့်နိုင်တော့ဘူးလားကွ? " Zhou Ling Yun က ဟာသနှောပြော တယ်။ " ငါတို့ဒီရောက်တာ ဘယ်နှစ်ရက်ရှိပြီလဲ? တကယ့်ပွဲကရောက်တောင် မရောက် သေးတာကို!"
" အဲ့လို မဟုတ်ဘူး" Bai Luo Yin က သူ့စကားကို ဖြတ်ပြောတယ်။ ဒါပေမယ့် ခဏ လောက်ကြာတော့ သူ, မပြောဘဲမနေနိုင်တော့ဘူး" ကျွန်တော်ပွဲလေးတစ်ခုတက်ဖို့ ပြန်ချင်တာပါ"
"ပွဲ၊ ဟုတ်လား?" Zhou Ling Yun ကစပ်စပ်စုစု မေးတယ်။" ဘယ်သူ မင်္ဂလာဆောင် လို့လဲ?"
"ဘယ်သူမှ မင်္ဂလာမဆောင်ပါဘူး။ Gu Hai ရဲ့ ကုမ္ပဏီက ရှယ်ယာဈေးကွက်မှာ စာရင်းဝင်တော့မှာမို့လို့ပါ။ ကျွန်တော်တို့ တစ်လျှောက်လုံးသူတို့နဲ့ ပူးပေါင်းလုပ်ဆောင် ခဲ့ကြတာမလား? ကျွန်တော်က စီမံကိန်းခေါင်းဆောင်ဆိုတော့၊ မနက်ဖြန်ပွဲကို ကျွန်တော် တက်သင့်တယ်ထင်လို့!" Bai Luo Yin က ပြည့်စုံတဲ့အကြောင်းပြချက်ကို ရှာတွေ့သွား တယ်။
Zhou Ling Yun ကသူ့ကို အခက်တွေ့အောင်လုပ်ချင်နေပုံပေါ်တယ်။ "ငါ, တပ်ထဲက တစ်ယောက်ယာက်ကို အဲ့ဒီပွဲသွားဖို့ ငါလွှတ်လိုက်မယ်။ဒီတော့ မင်းစိတ်ပူမနေနဲ့တော့။ ဝတ္တရားကျေသွားမှာပါ။ စိတ်ထဲထားမနေနဲ့၊ ငါကိုယ်တိုင်ပွဲတက်လိုက်မယ်"
" ကျွန်တော်သွားမှဖြစ်မှာ" Bai Luo Yin က ချက်ချင်းပြောတယ်။
" ဘာလို့လဲ? ငါသွားရင် အခင်းဖြစ်မှာ စိုးလို့လား?"
Bai Luo Yin (၂) ခါရယ်တယ်။
ဒီကိစ္စမှာတော့ ၊ Zhou Ling Yun ရဲ့စရိုက်က အံ့သြစရာကောင်းလောက်အောင် ကောင်းနေတယ်။ သူ့အရွတ်တွေ ဘာနဲ့ မှားဆက်သွယ်လို့Bai Luo Yin ကို ဒီလောက် လိုက်လိုက်လျောလျောစကားပြောနေမှန်း မသိဘူး။
" ကောင်းပြီလေ။ အဆင်ပြေပါတယ်။ ဒါဆို မနက်ဖြန် မင်း, ငါနဲ့ လိုက်လို့ရတယ်။ ဒါပေမယ့် ငါ တစ်ခုပဲ ထပ်ပြောချင်တယ်.... မင်း, ပွဲတက်တုန်း ငါက တပ်ထဲသွားမယ်။ ငါပြောပြီးပြီဆိုတာနဲ့ မင်း, ငါနဲ့ ပြန်လိုက်ခဲ့ရမယ်။ နှောင့်နှေးစေဖို့ ဘာအကြောင်းပြချက်မှ မပေးရဘူး"
" ဟုတ်ကဲ့"
Bai Luo Yin မတ်မတ်ရပ်ပြီး စနစ်တကျ အလေးပြုတယ်။
နောက်နေ့မနက်စောစော၊ Bai Luo Yin နဲ့ Zhou Ling Yun တို့ ထွက်ခွာကြတယ်။
လမ်းတစ်လျှောက် သူတို့ ပြဿနာအသေးစားတစ်ခုနဲ့တွေ့ပြီး တစ်နာရီခွဲလောက် နောက်ကျသွားတယ်။ Bai Luo Yin ဘေဂျင်း ရောက်တဲ့အချိန် (၃)နာရီတောင်ထိုးနေပြီ။ သူက Zhou Ling Yun ကားပေါ်ကနေဆင်းပြီး ချက်ချင်းပဲ Gu Hai ကုမ္ပဏီကိုသွားဖို့ Taxi ငှားတယ်။
Gu Hai ကုမ္ပဏီ ဝင်ပေါက်က အရမ်းကိုစည်ကားနေတယ်။ အဝင်ပေါက်လမ်းကို ခမ်းခမ်းနားနား အလှဆင်ထားပြီး ဧည့်ခံကြိုဆိုမှုက ကြီးကျယ်ခမ်းနားတယ်။ Bai Luo Yin က ကားဆရာကြီးကို မီတာတစ်ရာလောက် အကွာအဝေးမှာ ရပ်ခိုင်းလိုက်တယ်။ သူ ပွဲတက်ဖို့ မစဉ်းစားခဲ့ပါဘူး။ သူ,မသွားခင် အားလုံးအဆင်ပြေရဲ့လားဆိုတာကို ကြည့်ချင် ရုံလေးပါ။ ဒါကြောင့် သူလာတယ်ဆိုတာကို ဘယ်သူ့ကိုမှ အသိပေးဖို့ အစီအစဉ်မရှိဘူး။
အဲ့ဒီအချိန်မှာ Gu Hai က ပြပွဲခန်းမ ပထမထပ်မှာပဲ ခေါင်းဆောင်ဝန်ထမ်းတွေကို ကုမ္ပဏီ ထုတ်ကုန်တွေနဲ့ မိတ်ဆက်ပေးနေတယ်။ Yan Ya Jing က ဟိုဟိုဒီဒီ ပြေးလွှား ရင်း အလုပ်များနေတယ်။ သူမ ကြည့်ရတာပိန်သွားတယ်။ အခုတော့၊ သူမက ကာယ အားကိုသုံးပြီး တကယ်ကို အပြင်ဘက်က လျှောက်လမ်းအဝင်ပေါက်ကို ကြီးကြပ်နေ တယ်။ တဖက်မှာတော့၊ Tong Zhe ဟာ သိသာမြင်သာတဲ့ နေရာမှာ ဆက်တိုက်ရပ် နေပြီး ဧည့်သည်တွေနဲ့ စကားပြောရင်း ညှို့နှိုင်းဆွေးနွေးနေတယ်။
(၃) နာရီခွဲတော့၊ ပွဲစပြီ။ ပရိတ်သတ်ကများသထက်များလာတယ်။ Bai Luo Yin က ချောင်အကျဆုံးနေရာမှာ ရောက်နေတဲ့အတွက် ဘယ်သူမှ သူ့ကို သတိမထားမိဘူး။
များမကြာမီ၊ Gu Hai နဲ့ Tong Zhe ဟာ ကုမ္ပဏီခန်းဆောင်ကနေ ထွက်လာတယ်။ ကော်ဇောနီကြီးက စင်မြင့်ပေါ်ထိ ခင်းထားတယ်။ ဒီအမျိုးသား (၂) ဦးက လူအုပ်ကြီးကို ယုံကြည်မှုအပြည့်နဲ့ကြည့်တယ်။ မရေမတွက်နိုင်တဲ့ လူတွေရဲ့ အားကျတဲ့ အကြည့်တွေ ကြားမှာ တက်ကြွတဲ့စိတ်ဓာတ်နဲ့၊ သူတို့နှစ်ဦး ကော်ဇောနီပေါ် ခြေချရင်း စင်မြင့်ပေါ် ဆက်လျှောက်သွားတယ်။ ဒီမြင်ကွင်းကို Bai Luo Yin မြင်တဲ့အခါ မနာလိုမှုက သူ့ရင်ကို လာဆောင့်တယ်။
" ကျွန်တော်တို့ရဲ့ ဖွင့်ပွဲအခမ်းအနားကို ကြွရောက်ပေးတဲ့အတွက် ကျေးဇူးတင်....." အခမ်းအနားမှူးက ဖွင့်ပွဲအကြောင်းအရာတွေက်ို ကြေငြာပြီး၊ မိန်ခွန်းပြောဖို့ Gu Hai ကို ဖိတ်ခေါ်တယ်။ Bai Luo Yin ဟာ Gu Hai ဆီက အကြည့်မခွာနိုင်တော့ဘူး။
*သူပိန်သွားတယ်။ ဒါပေမယ့် သူ့စိတ်အခြေအနေကတော့ အရမ်းကောင်းနေပုံပါပဲ။ သူ့ကြည့်ရတာ ဘယ်လိုမှ မခံစားခဲ့ရသလိုပဲ* Bai Luo Yin ငို ရမလား/ရယ်ရမလား မသိတော့ဘူး။
ဖန်သားပြင်အကြီးကြီးပေါ်မှာ (၅) စက္ကန့်ကို နောက်ပြန်ရေတွက်တဲ့ မြင်ကွင်းပေါ် လာပြီး အဲ့ဒီနောက် ခေါင်းလောင်းသံ မြည်လာကာ ကုမ္ပဏီက ရှယ်ယာဈေးကွက်မှာ စာရင်းဝင်သွားပြီဖြစ်ကြောင်းကြေညာတယ်။ မီးရှူးမီးပန်းတွေကို ပွဲကျင်းပတဲ့နေရာရဲ့ စတိတ်စင်နောက်ကနေဖောက်ကြပြီးနောက် အနီရောင်အလံကြီးက နောက်ခံပိတ်ကား ပေါ်ကနေ ကျလာတယ်။ Hai - Yin နည်းပညာကုမ္ပဏီရဲ့ စတော့နာမည်နဲ့ ကုတ်နံပါတ် ကို ကြေငြာထားတယ်။
ဒီအချိန်လေးမှာတော့ Bai Luo Yin ရဲ့ နှလုံးသား အနက်ရှိုင်းဆုံးနေရာကနေ Gu Hai အတွက် ဂုဏ်ယူနေမိတယ်။
မကြာခင်၊ ဧည့်ပရိတ်သတ်တွေရဲ့ လက်ခုပ်သံတွေနဲ့ ဗောက်အိုးဖောက်သံတွေက ရောသွားကြတယ်။ လူအုပ်ကြီးရဲ့ အကြည့်တွေအောက်မှာပဲ၊ Gu Hai ဟာ စင်ပေါ်က ဆင်းလာပြီး Tong Zhe ကို ဂုဏ်ပြုခြင်း ပွေ့ဖက်မှုကိုပေးတယ်။ Bai Han Qi ဆေးရုံ တက်နေရတဲ့အချိန်ကာလအတွင်း Tong Zhe ရဲ့အားကောင်းတဲ့ ပံ့ပိုးမှုသာမရှိခဲ့ရင်၊ Gu Hai ဟာ အချိန်တိုအတွင်း ရှယ်ယာဈေးကွက်ဝင်ဖို့ကိစ္စတွေရဲ့ လိုအပ်ချက်အားလုံးကို ဖြည့်ဆည်းနိုင်ခဲ့မှာ မဟုတ်ဘူး။ အသေအချာပါပဲ..... Gu Hai က Yan Ya Jing ကို လည်း ဂုဏ်ပြုပွေ့ဖက်မှုပေးသလို အလုပ်မအားတဲ့ကြားက အချိန်ဖဲ့ပြီး သူ့ကိုဂုဏ်ပြု ပေး ကြတဲ့ ဧည့်သည်အချို့ကိုလည်း ပွေ့ဖက်ပါတယ်။
ကံဆိုးချင်တော့ Bai Luo Yin ဟာ အားလုံးကို မမြင်ခဲ့ဘူး။ Gu Hai တစ်ယောက် Tong Zhe ကို ဖက်နေတာ မြင်တာနဲ့ သူ့အကြည့်လွှဲနေလိုက်တယ်။ သူ့မျက်လုံးတွေ ပြန်လှည့်လာတဲ့အခါ မြို့တော်ခေါင်းဆောင်တွေက စင်ပေါ်မှာ မိန့်ခွန်းပြောနေပြီ။ Gu Hai နဲ့ Tong Zhe က ပရိတ်သတ်တွေကြားထဲမှာပဲ တခါတခါ တစ်ယောက်နဲ့ တစ်ယောက် တီးတိုးပြောလိုက်.... ပြုံးလိုက်နဲ့ ရင်းနှီးနေကြတဲ့ ပုံပေါက်နေတယ်။
ဒီမြင်ကွင်းကို မြင်ပြီး လူအများစုကတော့ ပေါက်တက်ကရ ထင်မှာမဟုတ်ပါဘူး။ ဒါပေမယ့် ကုမ္ပဏီက အမျိုးသမီးဝန်ထမ်းတွေနဲ့ Yan Ya Jing တို့အပြင် Bai Luo Yin လည်း သီးခံဖို့ ခက်ခဲနေတယ်။
အသက်ရှူအောင့်ထားပြီး Bai Luo Yin တစ်ယောက် ထွက်သက် မရှိုက်နိုင်ဘူးဖြစ်နေ တယ်။ ဧည့်ခံဖျော်ဖြေမှု စလာတယ်။ ပတ်ဝန်းကျင်လေထုက နွေးထွေးသွားတယ်။ Bai Luo Yin ကတော့ လှည့်ပြန်သွားပြီ။
လူအုပ်ထဲကနေ လမ်းမကြီးပေါ်သွားပြီး Bai Luo Yin က Taxi တစ်စီးတားတယ်။
"ကျွန်တော် ဆရာမိသားစုက Yin Zi ကို မြင်လိုက်မိတယ်ထင်တယ်။" Tong Zhe ပြောတယ်။
Gu Hai လှောင်ပြုံးပြုံးရင်း " ဒီအချိန်မှာတော့ ဒီလိုလာမနောက်နဲ့၊ ဟုတ်ပြီလား? သူက ဘယ်လိုလာမှာလဲကွ? သူငါ့ဆီ ဖုန်းလေး တစ်call လောက် ခေါ်ရင်ပဲ၊ ဒူးထောက်ထိုင်ပြီး မင်းကို (၃) ကြိမ် ကန်တော့လိုက်...,."
ပြောပြီးပြီးချင်း၊ Gu Hai မျက်နှာ ရုတ်တရက်ပြောင်းလဲသွားပြီး ရည်ရွယ်ချက်ရှိတဲ့ ခြေလှမ်းကျဲကြီးတွေနဲ့ လမ်းမဘက် ပြေးထွက်သွားတယ်။
" ဆရာ, ခဏနေရင် မီဒီယာတွေနဲ့ အမေးအဖြေရှိသေးတယ်လေ!"
Tong Zhe ရဲ့အသံက လူကြားထဲမှာ နစ်မြှပ်သွားတယ်။
Bai Luo Yin တစ်ယောက် Taxi ပေါ်တက်သွားပြီ။ Taxi တောင်စထွက်နေပြီ။ ပုံမှန် ဆိုရင် Gu Hai ဟာ ကားနောက်ကနေ ပြေးလိုက်မိမှာ။ သူကားကို မမှီနိုင်ရင်တော့၊ မြေပြင်နဲ့ ဆောင့်မိဖို့ပဲ များတယ်။
ဒါပေမယ့် လက်တွေ့မှာတော့ ကားဆရာကြီး အရှိန်တင်ချိန်တောင်မရခင်၊ ကားရှေ့က နေ Gu Hai ခုန်ပြီးဝင်လာတယ်။ ကားဆရာကြီးက ချက်ချင်းပဲ ဘရိတ်နင်းလိုက်ရတယ်။ Gu Hai ရဲ့ ခါးနဲ့ ကားရှေ့ဖုံးနဲ့ ဝင်တိုက်မိတော့ ခြေလှမ်းအနည်းငယ်နောက်ဆုတ်လိုက် တယ်။ မမျှော်လင့်ပဲ ဘာဆိုဘာပြဿနာမှမရှိဘဲ သူကိုယ်သူ မြဲနေအောင် ရပ်နေနိုင် တယ်။
ကားဆရာကြီးက Gu Hai ကို ဂြိုလ်ကြည့်ကြည့်တယ်။ Gu Hai က ကားတံခါးဆီကို တည့်တည့်သွားပြီး သူဘာကောင်လဲဆိုတာကို လုံးဝဘေးဖယ်ထားကာ ကားတံခါးကို အညှာအတာမရှိ စောင့်ကန်တယ်။
" ဆင်းစမ်း!" Gu Hai က Bai Luo Yin ကို ဟောက်တယ်။ Bai Luo Yin တံခါးဖွင့်ပြီး ဆင်းလာတယ်။ သူချက်ချင်းပဲ Gu Hai မျက်နှာပေါ်လက်သီးနဲ့ ခပ်ပြင်းပြင်းထိုးတယ်။
Gu Hai က Bai Luo Yin အင်္ကျီကို ခပ်တင်းတင်း ဆုပ်ပြီး အဆောက်အဦးနောက်က ထောင့်ချိုးနေရာထိဆွဲခေါ်သွားတယ်။ ရဲတောက်နေတဲ့ မျက်လုံးကြီးတွေနဲ့ ကြည့်ရင်း " မင်း တော်တော် အကြင်နာတရားမရှိတာပဲ။ မင်း ရောက်လာပြီးမှ ငါ့က်ို စကားတစ်ခွန်းမှ မပြောဘဲဒီအတိုင်း ထွက်သွားတော့မလို့ပေါ့လေ?"
"ပြောတော့ရော ဘာအသုံးကျမှာလဲ?" Bai Luo Yin ကGu Hai ကို အရေးမစိုက်တဲ့ ပုံနဲ့ ကြည့်တယ်။
" ဘာကိစ္စ အသုံးမကျရမှာလဲ? မင်း , ငါ့ကိုစကားတစ်လုံးမှမပြောတာ ဘယ်နှစ်ရက် ရှိသွားပြီလဲ? ဒီရက်တွေမှာ ငါ ဘယ်လိုအသက်ရှင်သန်ခဲ့ရသလဲဆိုတာ မင်းသိလား? ငါ, မင်းကို မတွေ့ရလို့ ဘယ်လောက်တောင် နာကျင်နေခဲ့ရသလဲဆိုတာရော မင်း, သိရဲ့ လား?"
"ငါ မသိဘူး" Bai Luo Yin က Gu Hai ကို စိုက်ကြည့်နေတယ်။ " မင်း, အရမ်းကို ကောင်းကောင်းကြီး နေနေခဲ့တာလို့တော့ ငါခံစားရတယ်"
" အဲ့ဒီလိုနေနေတာ မင်းကွ!!"
Bai Luo Yin မျက်နှာတောင့်တင်းသွားတယ်။ သူ Gu Hai ကို တွန်းဖို့ကြိုးစားပေမယ့် မရဘူး။ အဲ့ဒီနောက် သူ့ကိုခပ်ပြင်းပြင်းတွန်းဖို့ ထပ်ကြိုးစားလည်း မရပြန်ဘူး။ သူ(၃) ကြိမ်မြောက်တွန်းမလို့ရှိသေးတယ် ... Taxi ကဟွန်းတီးတယ်။ ကားတစ်စီးက တဖြေးဖြေးနဲ့ သိပ်မဝေးတဲ့နေရာမှာရပ်လိုက်ပြီး မှန်တံခါးချလိုက်တော့ Zhou Ling Yun ရဲ့မျက်နှာပေါ်လာတယ်။
" ငါ သွားရတော့မယ်။ ဂုဏ်ယူပါတယ် MD Gu "
Gu Hai ဟာသူ့ကိုယ်သူ Bai Luo Yin ကိုယ်ပေါ်မှာ တင်းတင်းကြပ်ကြပ် ဖိထားပြီး သွားခွင့်မပြုနိုင်ဘူး။ " Yin Zi ကိုယ်ပြောတာကိုနားထောင်ဦး ။ Tong Zhe နဲ့ကိုယ်နဲ့က သာမာန်မိတ်ဆွေတွေပဲ။ ကိုယ် သူ့ကို မြင်တာနဲ့ မျက်စိကျမိခဲ့တယ်....ဒါပေမယ့် ကိုယ့် အတွက်မဟုတ်ဘူး။ ကိုယ်သူ့ကို အလုပ်ခန့်ချင်တာကလည်း သူက Yan Ya Jing နဲ့ လိုက်ဖက်တယ်လို့ ကိုယ်ခံစားမိလို့"
Bai Luo Yin တကိုယ်လုံး အေးစက်သွားတယ်။
" Yin Zi ရယ်၊ Yan Ya Jing က ကိုယ့်နောက်လိုက်နေတာ(၅) နှစ်ရှိနေပြီ။ ကိုယ် ဘယ်လောက်ပဲရက်စက်တယ်ထားအုံး.... ကိုယ်လည်း သူမအပေါ်မှာ သံယောဇဉ် ရှိ တယ်။ ကိုယ်, ဒီအကြောင်းတွေကို မင်းကို မပြောပြခဲ့တာက မင်းအတွေးလွန်နေမှာ ကိုယ်ကြောက်လို့။ တကယ်တော့ ကိုယ့်ရင်ထဲမှာ သူမအတွက် စိတ်ပူတယ်။ သူမ ခင်ပွန်း ကောင်းတစ်ယောက်ရသွားတာကို မြင်လိုက်ရမှ ကိုယ်လည်းစိတ်အေးနိုင်မှာ။ သူတို့ နှစ်ယောက်အတွက် အခွင့်အရေးတွေဖန်တီးပေးဖို့ Tong Zhe ကို ကုမ္ပဏီကို ခေါ်လာခဲ့ တာ။ ဒီလိုလုပ်တာကလွဲရင် သူမကို ဘယ်လိုပြန်ပြီး ဖြည့်ဆည်းပေးရမလဲဆိုတာ ကိုယ် တကယ်မသိဘူး။"
အစောပိုင်းနဲ့စာရင် Bai Luo Yin မျက်နှာထားက အရမ်းအရမ်းကို ပျော့ပျောင်းသွားပြီ။
" သူမက သူ့ကို ပြန်ကြိုက်မယ်ဆိုတာ သေချာလို့လား?"
" သေချာတာပေါ့"
သူတို့နောက်ကနေ Taxi ကဟွန်းတီးပြန်တယ်။ Bai Luo Yin ကမှင်သေသေနဲ့ ပြော တယ်။ " ငါတကယ် သွားရတော့မယ်"
Gu Hai ဟာ Zhou Ling Yun ရဲ့စောင့်ကြည့်နေတဲ့ မျက်လုံးတွေက်ု လစ်လျှူရှု့ပြီး Bai Luo Yin ရဲ့ နှုတ်ခမ်းတွေကိုအားရပါးရ ရှိုက်နမ်းပစ်လိုက်တယ်။
" ချစ် ပြန်လာမှာကို ကိုယ်စောင့်နေမယ်"
End of CH -79
