Unicode
"သခင်မလေး.. ရှောင်ကျင့်ထျင်ကို ခေါ်ဖို့ လိုသေးလား?" ယဲ့ဖန်က ယဲ့ကျင်းလန် အနားလျှောက်လာပြီး မေးသည်။
"သူအရွေးမခံရနိုင်ပေမယ့် ကောင်းကောင်းပြင်ဆင်ထားမှာပါ" ဟု ယဲ့ကျင်းလန်က ပြောသည်။
သူမသည် ပြိုင်ပွဲဝင်များကို အဆုံးအဖြတ်ပေးသူမဟုတ်ဘဲ မိသားစုမှ ဆုံးဖြတ်ချက်ချမည်ဖြစ်သည်။ ရှောင်ကျင့်ထျင်သည် သာမန်နှောင်းပိုင်း ရွှေအမြုတေအဆင့်ကို ယှဉ်ပြိုင်ရန် လုံလောက်စွာ အစွမ်းထက်သည်ဟု သူမ ခံစားမိသော်လည်း သူမ၏ထင်မြင်ချက်ကို ကိုးကားရန်အတွက်သာ အသုံးပြုနိုင်သည်။
"ရွှီချင်းရှန်းက ဟုန်မိသားစုထဲဝင်လိမ့်မယ်လို့ ဘယ်သူထင်မှာလဲ။ သူ့ကိုခေါ်ယူဖို့ ငါတို့ အများကြီးကြိုးစားခဲ့ရပေမယ့် အဲဒီလူယုတ်မာက သူ့စိတ်ကိုပြောင်းခဲ့ပြီး တခြားမိသားစုနဲ့ ပူးပေါင်းခဲ့တယ်။ သူက တကယ့် ညစ်ပတ်တဲ့ ကြောင်သူတော်ပဲ!" ယဲ့ဖန်က ဒေါသတကြီး ပြောသည်။
နှောင်းပိုင်း ရွှေအမြုတေအဆင့်တွင်ရှိသော ရွှီချင်းရှန်းကို ခေါ်ယူရန်အတွက် ယဲ့မိသားစုသည် အမျိုးသမီးကျင့်ကြံသူနှစ်ဦးကို မောင်းမမိဿံအဖြစ် ထိမ်းမြားလက်ထပ်ပေးခဲ့သည်။ အဆုံးတွင် ရွှီချင်းရှန်းသည် ဟုန်မိသားစုထံမှ ကမ်းလှမ်းမှုကို လက်ခံခဲ့ပြီး မဆိုင်းမတွ ထွက်ခွာသွားခဲ့သည်။
ယဲ့ကျင်းလန်က မျက်လုံးတွေကို မှေးကျဉ်းထားပြီး "လူတစ်ယောက်ရဲ့ နှလုံးသားကို သူ့မျက်နှာကနေ အကဲဖြတ်ဖို့ မဖြစ်နိုင်ဘူး!"
ရွှီချင်းရှန်းသည် ဖြောင့်မတ်ဟန်ဆောင်ပြီး ယဲ့မိသားစု၏ အကျိုးစီးပွားကို ဦးစားပေးခဲ့သော်လည်း နောက်ဆုံးတွင် ၎င်းတို့ကို သစ္စာဖောက်ရန် တုံ့ဆိုင်းခြင်းမရှိခဲ့ပေ။ ထိုလူက ဟုန်မိသားစုအတွက် တိုက်ပွဲဝင်မည်ဟု ဆုံးဖြတ်ခဲ့သည်။ တစ်နည်းဆိုရသော်၊ ယဲ့မိသားစုသည် အားနည်းသောကြောင့်ဖြစ်သည်။ မိသားစုတွင် အခြေတည်ဝိညာဉ်အဆင့်ရှိပါက ထိုလူသည် ထို့သို့လုပ်ရပ်မျိုး လုပ်ဝံ့မည်မဟုတ်ပါချေ။
"သခင်မလေး.. ရှောင်ကျင့်ထျင်က နှောင်းပိုင်း ရွှေအမြုတေအဆင့် နတ်ဆိုးသားရဲတွေကိုတောင် အမဲလိုက်နိုင်တဲ့ အရည်အချင်း ရှိတယ်။ သူ့အစွမ်းအစကို ချုံပုတ်အောက်မှာ ဖုံးကွယ်ထားတာပဲ။ သူက ရွှီချင်းရှန်းထက် ပိုအစွမ်းထက်ရမယ်" ဟု ယဲ့ဖန်က ပြောသည်။
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
